جواد رضا خان جامی

میں آنکھیں روشن ستارہ لکھوں اور پھر نظر کو شراب لکھوں
تمہارے چہرے کی روشنی پر جو مستقل اک کتاب لکھوں
گھٹا بتاؤں میں گیسوؤں کو لکھوں میں ساون پھر آنسوؤں کو
تمہاری پلکیں جھکیں حیا سے تو پھر انہیں میں حجاب لکھوں
لکھوں میں قاتل تیری ادا کو جمیل لکھوں تیری صدا کو
تیری ہنسی کو بہار کہہ دوں تیرے لبوں کو گلاب لکھوں
میانہ قد جیسے اک کلی ہو تم جیسی بھی ہو فقط میری ہو
تمہیں میں اپنا نصیب لکھوں تمہیں وفا کو نصاب لکھوں
خدایا عجز وصول کر لے فقط یہ عرضی قبول کر لے
اسے تو تعبیر بھی بنانا اگر جو اس کو میں خواب لکھوں
جو دل میں آیا اسے وہ لکھا جو دل نے چاہا اسے وہ بولا
سوا ہے اس سے تو بول جامی کیا اور اس کو جناب لکھوں

غلام خان

جواد بھائی بہت اچھا لکھاہے

میں بھی کچھ لکھنا چھتاہوں :

( مجھے پیار ہے ان کوہساروں سے بستے ہیں جہاں شاھی میرے،بہنوں کی آنکھوں کے تارے ماؤں نے نازوں سے پالے )۔

جواد بھائی آپکا دوبارہ شکریہ

شگری

جواد رضا خان جامی

خان صاحب
ضرور لکھئے آدمی چاہے تو پہاڑ انگلی کی نوک پر اٹھا لے اور نہ چاہے تو تنکا بھی اٹھانا مشکل ہوجائے ابتدا میں اگر چہ کچھ مشکلات ہوں گی لوگ مذاق اڑائیں تو پرواہ نہ کریں اور یہ سوچ کر راہوں میں قدم بڑھاتے جائیں کہ :
گرتے ہیں شہ سوار ہی میدان جنگ میں
وہ طفل کیا گرے کہ جو گھٹنوں کے بل چلے