جواد رضا خان جامی

بے کلی بے سبب ہی ہوتی ہے
دل کی حسرت مدام روتی ہے
رات دن دل تڑپتا رہتا ہے
دل کے پہلو میں درد رہتا ہے
آنکھ سے اشک بھی ٹپکتے ہیں
دل میں شعلے سے کچھ بھڑکتے ہیں
سانس بھی گو اٹکنے لگتی ہے
جان جیسے پھسلنے لگتی ہے
یہ محبت بڑی ہی مشکل ہے
اس سے کچھ بھی تو نہیں حاصل ہے
یہ محبت تو کچھ نہیں لیکن
یہ محبت اگر نہیں ہوتی
ہم اور تم یہاں نہیں ہوتے
یہ زمیں بھی نہیں بنی ہوتی
نہ ہی ساتوں آسماں ہوتے
رنگ ہوتا نہ پھولوں میں کوئی
نہ ہی یہ حسن کے بیاں ہوتے
خوشبو اڑتی نہ باغ میں کوئی
سب ہی افراد رائیگاں ہوتے
بات کرتا کسی سے کب کوئی
یہ نہ ہوتی تو بے زباں ہوتے
آج ہم تم جو یوں مقابل ہیں
یہ نہ ہوتی یوں کہاں ہوتے
اور بھی غم ہیں زمانے میں مگر اس سے ہیں
واقعہ سچا محبت ہے باقی قصے ہیں
جتنی رنگینیاں‘ بہاریں ہیں زمانے میں
سچ بتاؤں تو محبت کے سبھی حصے ہیں

The Great

بہت اچھی شاعری پوسٹ کی ھے بھائی نے۔۔۔۔۔۔۔۔