راجہ اکرام

جَلا کے میری نظر کا پردہ، ہٹا دی رُخ سے نقاب تُونے
چراغ اُٹھا کر، مرے شبستاں میں رکھ دیا آفتاب تُونے

فلک، نظر سے تڑپ رہا ہے، زمین، عشوؤں سے ہل رہی ہے
کہاں سے پایا ہے او ستمگر! یہ مست و کافر شباب تُونے

نسیم، اوراق اُلٹ رہی ہے، نُجوم، مشعل دکھا رہے ہیں
اُفق کی سُرخی میں‌ پیش کی ہے، سحر کی زرَّیں کتاب تُونے

میں اپنے سینے میں‌ تجھ کو رَکھ لوں، اِدھر تو آ اے سحابِ رنگیں
زمیں پہ ٹپکائیں رَس کی بُوندیں، فلک پہ چھِڑکی شراب تُونے

زمیں کی جانب نظر جھکائے کل ایک شاعر یہ کہہ رہا تھا
ہر ایک ذرّے کو مُسکرا کر بنا دیا آفتاب تُونے

جو باخبر تھے، وہ مُسکرائے، جو بے خبر تھے، وہ کچھ نہ سمجھے
اُٹھا کے بیگانہ وار آنکھیں، کیا جو مجھ سے خطاب تُونے

ترے نثار اے نگاہِ ساقی! ترے تصّور میں کیوں نہ جھُوموں
کہ اپنے پرتَو کو میرے دل میں‌ بنا دیا ہے شراب تُونے

پلٹ گئیں اشک بن کے نظریں، گِرایا جیسے ہی تُونے پردہ
برس پڑیں سیکڑوں نگاہیں، ذرا جو اُلٹی نقاب تُونے

نہ ہوگا تجھ سا بھی لااُبالی، خدا کی رحمت ہو جوش تجھ پر
سحر کو کیا کیا ضرورتیں ہیں، کبھی نہ دیکھا یہ خواب تُونے

جوش ملیح آبادی

__________________
محتاج اصلاح و دعا

skjatala

بیوٹی پارلر کا خرچہ، مہنگا جوڑا، امپورٹڈ جوتا ، لانگ ڈرائیو ، ریسٹورنٹ میں کھانا
کیا جوش کے زمانے میں یہ سب کچھ نہ تھا؟

__________________
اس دور میں تعلیم ہے امراضِ ملت کی دوا
ہے خونِ فاسد کے لیے تعلیم مثل نیشتر

راجہ اکرام

یہ سب کچھ تھا لیکن جوش کی سحر کی یہ خواہشیں تھیں نہ ضرورتیں