شمشاد احمد

میرا خیال ہے محترم فاروق صاحب مسئلہ ترقیم کو سمجھے نہیں ہیں۔۔ یا پھر ان کے پاس صحیح بخاری کے مکمل مستند نسخہ یا نسخے موازنے کے لیے موجود نہیں ہیں جن کی طرف وہ خود مراجعت کر کے کوئی نتیجہ اخذ کر سکیں۔ اسی لئے وہ ‏آن لائن لنک دینے کا زیادہ اہتمام کر رہے ہیں۔۔۔۔
‌چند اہم نقاط کی طرف اشارہ کرنے پر ہی اکتفاء کروں گا۔
(1)۔۔۔۔۔محترم نے جو پہلا لنک فراہم کیا ہے وہ اسلامک اردو بکس کا ہے۔۔ ‏آئیے اس لنک کا جائزہ لے لیں۔۔۔
اسلامک اردو بکس ڈاٹ کام۔۔۔ میری نظر میں ایک ا‌چھی کاوش ہے جن حضرات نے بھی شروع کی ہے۔ اللہ اس میں اخلاص کے ساتھ منزل مقصود کی طرف بڑھنے کی توفیق عطاء فرمائے۔ اس کی بدولت نٹ پر یونیوکوڈ میں احادیث کا انشاء اللہ بہترین ذخیرہ جمع ہو جائے گا۔۔۔ الحمد للہ۔

(2)۔۔۔۔لیکن مجھے اس سائٹ پر تلاش کے باوجود یہ نہیں ملا سکا۔ کہ احادیث کے حوالے سے کیا جانے والا یہ کام کن علماء کرام یا اصحاب فن کی زیر نگرانی کیا جا رہا ہے۔

(3)۔۔۔خود سائٹ پر ‏آخری گذارش کے عنوان کے یہ تحت تصریح موجود ہے کہ
(4)۔۔۔۔ سائٹ کے اسی لنک کے شروع میں بخاری کے سافٹ ویئر کے بارے میں تصریح موجود ہے۔ کہ
خود سائٹ کے سر ورق پر بڑے اور جلی حروف میں مختصر صحیح بخاری مکمل لکھا ہے ۔لیکن اس کے ساتھ ہی جلی حروف میں صحیح بخاری کی تکمیل کے لئے ڈونیشن اور تعاون بھی طلب کیا جا رہا ہے۔۔۔ مطلب یہ کہ ان اصحاب کا ارادہ مختصر صحیح بخاری مکمل جس میں مکررات کو شامل نہیں کیا جائے گا کی تکمیل کا ہے۔ اور اسی کے لئے وہ تعاون اور ڈونیشن بھی طلب کر رہے ہیں۔

(5)۔۔۔ اول تو مسئلہ ترقیم پر بنظر انصاف نظر نہ کرنا۔۔۔۔۔ دوم۔۔۔ہماری بحث بخاری شریف کے مکمل مستند نسخوں کے حوالے سے ہو رہی ہے نہ یہ کہ ہر کس و ناکس نے جو بھی تحریر کر دیا اور اس کا لنک یا پی ڈی ایف سکین صفحات یہاں پیسٹ کر دیئے جائیں۔۔ اور ہم وضاحتیں کرتے رہیں۔۔

اس طرح کے نسخے قر‏آن کریم کے بھی پائے جاتے ہیں جن میں ناشرین کی لاپرواہی کی وجہ سے بعض اغلاط پائی جاتی ہیں۔۔ حتی کہ کچھ عرصہ قبل پاکستان میں ایک کتاب شائع ہوئی تھی ۔۔۔قر‏آن کریم تحریف کی زد میں۔۔۔ جس میں پاکستان میں شائع ہونے والے مختلف کمپنیوں کے بیسوں قر‏آنی نسخوں کی مختلف اغلاط کی نشاندھی کی گئی تھی۔۔ جو ناشرین پیسے کے ‌چکر میں قر‏آنی متن کی صحت سے لا پروا ہو کر شائع کر رہے تھے۔۔۔ اور حکومت سے مطالبہ کیا گیا تھا کہ ان ناشرین کو تھو‎ڑی لگام دینے کی ضرورت ہے۔۔۔لہذا انصاف کاتقاضا یہ ہے کہ
‏آپ اول تو مسئلہ ترقیم کو بنظر انصاف دیکھیں۔۔۔ اور جب موازنہ کریں تو مکمل بخاری شریف کا مختصر بخاری شریف سے نہ کریں۔۔۔ اور مسئلہ ترقیم کو تحریف بنا کر پیش کرنا انصاف نہیں ہے۔۔۔

جب اوپر یہ بات بحمد للہ تعالی واضح ہو ‌چکی ہے کہ احادیث کی ترقیم کی اصل کیا ہے۔۔۔ اور اس فرق کے مطابق یقینا جب ‏آپ دو مختلف ترقیم والے نسخوں کا موازنہ کریں گے تو ایک نمبر کے تحت ایک ہی حدیث ‏آپ کو نہیں ملے گی۔۔۔۔ اس ‏پر ‏آپ یہ فرمائیں کہ
مکمل بخاری اور مختصر بخاری کا ‏آپ موازنہ کریں۔۔۔ مسئلہ ترقیم کو اس کی اصل کے مطابق نہ دیکھیں تو پھر یقینا ‏آپ اس قسم کے نتائج اپنی ذات کی حد تک تو اخذ کر سکتے ہیں۔۔۔۔۔لیکن کسی صاحب فہم اور صاحب تحقیق شخص کو اطمینان نہیں دلا سکتے۔۔۔اس پر‏آپ کا یہ کہنا بجا ہے کہ
تو محترم اگر ‏آپ ایسی تحقیق پیش کریں گے تو وہ بیچارا نودو گیارہ کیا۔۔ نو سو گیارہ ہو جائے گا۔۔۔
۔۔۔۔۔۔۔۔۔۔۔
اسلامک اردو بکس ڈاٹ کام کے حوالے سے ‏آپ نے جو صفحات پیش کر کے بخاری میں تحریف کو ثابت کرنے کی کوشش کی ہے۔ اس حوالے سے ‏آپ کہتے ہیں کہ اسلامک اردو بکس ڈاٹ کام پر کتاب الاذان کی روایت نمبر 675 موجود ہے۔۔ مزید ‏آپ کے الفاظ یہ ہیں کہ
یہاں ‏آپ کی تحقیق کے کئی امور قابل غور ہیں۔۔
(1)۔۔۔۔‏آپ کو یقین نہیں تو غالب گمان ضرور ہے کہ ‏آپ کی تلاش میں کمی ہے کہ ‏آپ کو وہ روایت مذکورہ باب میں نہیں ملی۔
(2)۔۔۔‏آپ روایوں کے اسی تسلسل میں کتاب الاذان میں ہی ایک دوسری روایت کو پا کر خوش ہو جاتے ہیں کہ انہی راویوں سے ایک سائٹ پر یا کتاب پر الگ روایت ہے اور دوسری کتاب یا سائٹ پر ایک دوسری روایت ہے۔۔ فن اصول حدیث کا ادنی طالب علم بھی جانتا ہے کہ ایک ہی سند سے مختلف روایات ایک ہی کتاب۔ ایک ہی باب اور الگ الگ مقامات پر پائی جاسکتی ہیں اور پائی جاتی ہیں۔۔۔ کیوں کہ ایک مخصوص سند کے روایوں نے صرف ایک ہی روایت کو بیان نہیں کیا ہوتا بلکہ متعدد روایات کو نقل کیا ہوتا ہے۔۔
(3)۔۔۔ اصول حدیث کی ناواقفیت کے باوجود۔ اپنی تحقیق کی کمی کے اعتراف کے باوجود۔اس خدشے کے باوجود کہ شاید روایت تو موجود ہو لیکن مجھے نہیں ملی ہو۔۔۔ ان تمام امور کے بعد بھی کیا ‏آپ کا یہ سوال کرنا عین علمی انصاف کے تقاضوں کو پورا کرتا ہے۔
کیا ساری کی ساری روایت کا غائب ہونا متن کی خرابی کی علامت ہے؟؟؟‌


گذارش ہے کہ۔۔۔ ابھی تک ہماری بحث متن کی طرف گئی ہی نہیں ہے۔۔ ہمارا موضوع احادیث کی ترقیم ہے جن کے اختلاف کو ‏آپ تحریف قرار دے رہے ہیں۔۔۔ اس پر ‏آپ ثبوت فراہم کیجئے۔۔۔ نہ اس سوال کو ادھورا ‌چھو‎ڑ کر متن حدیث پر سوالات شروع کر دیں۔۔

‏آپ کی تسلی کے لیے عرض ہے کہ مذکورہ روایت کو اگر ‏آپ نے دلجمعی سے تلاش کیا ہوتا اور اعتراض کی جلدی میں تلاش میں کمی واقع نہ کی ہوتی تو ‏آپ کو مذکورہ روایت ‏آپ کی پیش کردہ سائٹ پر ہی مل جاتی۔۔۔ لیجئے ملاحظہ کیجئے۔۔

‏آخر میں پھر ایک ‌چھوٹے بھائی کی خیرخواہی کی حیثیت سے گذارش کروں گا فی الحال سوال احادیث کی ترقیم کے اختلاف کو تحریف قرار دینے کا ہے۔۔ اس پر دلائل دیجئے یا امت مسلمہ کے مسلمہ موقف کواختیار کر کے ولا تفرقوا کے حکم قر‏آنی کی اتباع کیجئے۔۔
اللہ ‏ہم سب کا حامی و ناصر ہو!

نوٹ:۔۔۔۔۔۔۔۔ لہذا جب تک دوسرا سوال شروع نہیں ہوتا۔۔۔ تو میں انشاء اللہ بھائی ‏آپ کے ترقیم کے موضوع سے ہٹ کر کسی بھی دوسرے سوال کو اس دھاگے میں نہیں ‌چھیڑوں گا۔۔۔۔۔۔ میری ذاتی دانست میں مسئلہ ترقیم اتمام حجت کی حد تک ساتھیوں مل کر خیر خواہی کے جذبے سے حل کر دیا ہے۔۔ مزید علمی اشکال یا سوال کرنے کا حق بہر حال ‏آپ کو حاصل ہے۔

Attached Thumbnails

 

__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔

حیدر

عادل سہیل بھائی !
ایسا نہیں ہے کہ میں نے اس تھریڈ کے کسی مراسلہ کا مطالعہ نہ کیا ہو۔ ہاں یہ ضرور ہو سکتا ہے کہ سہواَ مجھ سے کوئی جملہ چھوٹ گیا ہو یا پھر میں کسی تحریر میں پنہاں اصل مفہوم تک نہ پہنچ پایا ہوں۔ اس مقصد کے لیے میں معذرت خواہ ہوں۔ تاہم میں اپنے معمولات کے بر عکس اس تھریڈ کے تمام مختصر اور طویل مراسلات "تمام زاویہ ہائے نظر کی عینکیں اُتار کر" تسلی سے پڑھ رہا ہوں۔ کیونکہ مجھے اپنا ایمان بہت عزیز ہے۔
وقت والے معاملے کی ایک بار پھر وضاحت کر دوں کہ وقت کا تعین کوئی ایسا معاملہ نہیں ہے جس کو تبدیل نہ کیا جا سکے۔ لیکن میری خواہش ہے کہ "تعداد اور ترتیب" والا معاملہ 31 دسمبر تک نمٹ جائے۔اور مجھے یقین ہے کہ نمٹ بھی سکتا ہے۔اگر تمام فریقین باقی تھریڈز میں جاری" احادیث پر بحث" کو چھوڑ کر ادھر آ جائیں۔ اُمید ہے آپ تمام احباب میرا اشارہ سمجھ رہے ہوں گے۔

اس تھریڈ کی بدقسمتی!
اس تھریڈ کی بد قسمتی کہیے یا کُچھ اور کہ ہم اسلام کے ایہم ترین معاملہ پر رائے زنی "انٹرنیٹ پر موجود مواد" کی بنا پر کر رہے ہیں۔ میرا یقین ہے کہ انٹرنیٹ پر موجود اسلامی مواد کی اکثریت شیطانی قوتوں کی طرف سے پیش کردہ ہے۔ اس لیے میری پھر سے یہ درخؤاست ہے کہ اس معاملے پر اگر ویب سائٹس پر موجود مواد کے بجائے کتب کے ریفرنس سے بات کی جائے تو تو شاید زیادہ بہتر ہو گا۔

حیدر

اس تھریڈ سے متعلق ایک درخواست:

1:
میری تمام احباب سے درخواست ہے کہ جب بھی کوئی جواب دینا ہو تو بجائے ایک دوسرے کے ایک ایک جملے کو Quoteکر کے اُس پر تبصرہ کرنے کے، بے لاگ دلائل سے مزین ایک مضمون لکھ دیا کیجیے۔ کیونکہ میرا تجربہ اور اس فورم کا ماضہ بتاتا ہے جب بھی ہم ایک دوسرے کے ایک ایک جملے کو نمایاں کر کے تبصرے کرتے ہیں فوراً مسائل کا آغاز ہو جاتا ہے۔

2:
میری یہ بھی درخؤاست ہے کہ ہم اس تھریڈ میں احادیث کا موازنہ قرآن کریم سے نہیں کر رہے۔ اس لیے قرآن کو بطور ریفرنس نا لایا جائے (شاید آپ کو میری یہ بات بہت عجیب لگے۔ لیکن فی الوقت میں ٹو دی پوائینٹ رہنا چاہ رہا ہوں)۔

3:
مجھے محسوس ہو رہا ہے کہ ہم لوگ پھر سے ایک دوسرے کو نصیحتیں کرنے پر تیار ہو رہے ہیں۔ براہ مہربانی اپنی گفتگو محض دلائل تک محدود رکھیے۔ آئیندہ کی مرتبہ ایسے تمام مراسلہ جات ایڈٹ/ڈیلیٹ ہو جائیں گے مجبوراً۔ تاہم میرے بارے میں حسن ظن رکھیے گا۔

حیدر

ایک اور معذرت:
ایسا ہے کہ چونکہ ہم اس تھریڈ میں مناظرہ کرنے نہیں بلکہ دوسرے کے موقف کو سمجھنے، اپنا موقف سمجھانے اور غلط فہمیاں دور کرنے کے لیے آتے ہیں۔ اس لیے اگر کسی ایک فریق کے پاس سکین کاپیز یا امیجز کی صورت میں اپنی دلیل دینے کی سہولت میسر نہیں ہے کسی وجہ سے تو وہ اپنی بات کر تحریری انداز میں بیان کر دے۔ ایسے میں دوسرے فریق سے درخواست ہے کہ اللہ کی رضا کی خاطر اگر اُس کے پاس وہ کتب موجود ہوں تو بجائے اس بحث میں الجھنے کے کہ فلانے نے ابھی تک ثبوت مہیا نہیں کیا، وہ خود ہی ان کتب سے اُن ریفرنسز کی حقیقت معلوم کر لے۔ اور ادھر جواب دے دے۔کیونکہ بسا اوقات ہم یہی بد گمانی رکھتے رہ جاتے ہیں کہ وہ جان بوجھ کر ایسا نہیں کر رہا جبکہ حقیقت میں وہ مجبور ہوتا ہے۔ اس لیے گزارش ہے کہ ایک دوسرے کو آزمانے کے بجائے ایک دوسرے کی مدد کریں۔
انشا اللہ اس ماہ کی تنخواہ میں سے میرا ارادہ ہے کہ صحیح بخاری کی دو تین اقسام کی کتب خود خرید کر لوں گا۔ تاکہ اگر کسی کو ضرورت پڑے تو اسکی مدد کر سکوں۔

اللہ اجر دینے والا ہے آپ سب کو ۔ انشا اللہ

فاروق سرورخان

شمشاد آپ کا شکریہ۔

آپ تھوڑا سا غور سے دیکھئے۔۔ میں نے ایک ایسی روایت پیش کی ہے جو کہ آپ کے الفاظ میں ایک مختصر سائٹ پر تو موجود ہے لیکن ایک تفصیلی سائٹ‌پر نہیں۔۔۔۔ پھر اس مختصر سائٹ‌کی ترقیم اور ترتیب کا نمبر ، تفصیلی سائٹ سے بڑا ہے۔ جو روایت مختصر سائٹ پر آگے ہے وہ تفصیلی سائٹ‌پر پیچھے ہے۔ دوسری مثال میں جو روایت مختصر سائٹ‌سے فراہم کی گئی ہے وہ تفصیلی سائٹ پر موجود ہی نہیں ہے۔

امید ہے آپ اس کی کوئی تشفی بخش وجہ بتائیں گے۔

میرا خیال ہے کہ آپ کو کچھ کچھ اندازہ ہورہا ہوگا کہ جب میں کہتا ہوں‌کہ میں‌نے صرف ساڑھے تین کتب روایات پڑھی ہیں تو اس کا کیا مطلب ہے۔ خلوص‌دل سے لکھتا ہوں ، آپ بھی خلوص دل سے پڑھئے۔

آپ اوپن برہان کو دیکھئے، جو تفصیل آپ کو نظر آتی ہے ، انشاء اللہ اس سے زیادہ تفصیل اس میں موجود ہے۔ الحمد للہ۔

میں اسی طرز پر ایک بہترین ڈیٹا بیس حدیث کی بنانا چاہتا تھا۔ جس کا مقصد تھا کہ سنت نبوی کو بہترین طریقے سے انڈیکس کیا جائے ۔۔ تمام صحابہ کرام کی تاریخ‌ پیدائش ریسرچ کی جائے اور اس سے یہ بھی ثابت کیا جائے کہ ان میں‌سے کون کس کے زمانے میں تھا۔۔۔ روایات کو ترتیب سے لکھا جائے اور ان کو کسی جانی مانی مصدقہ ترقیم ، ترتیب اور مستند متن سے لکھا جائے۔ اس مقصد کے لئے میں‌نے روایات کی چار کتب کو ٹائپ کرانا شروع کیا ، اس کام کے لئے میں نے تین عدد نسخوں سے استفادہ کیا تاکہ ایک سے زائید معانی اس میں شامل ہوں۔ یہ کام کوئی 15 فی صد مکمل ہوا تو مجھ کو اندازہ ہوا کہ جس میکینیکل سادگی سے قرآن حکیم آج مظبوط موجود ہے ، و ہ میکینیکل سادگی کتب روایات میں نہیں‌ پائی جاتی۔ یہ تین عدد نسخے، ریاض سعودی عرب، بیروت لبنان اور دہلی ہندوستان سے شائع ہوئے تھے۔

میں نے یہ کام ترک کردیا ۔۔ اس کی وجہ یہ نہیں کہ ان کتب میں‌ ترتیب، ترقیم اور متن کا فرق ہے۔۔۔ اس کی وجہ یہ ہے کہ میں ایک نئی ترقیم ، ترتیب اور متن کے بانی کی حیثیت سے نہیں‌پہچانا جانا چاہتا۔۔۔۔
یہ اس لئے کہ آپ ایمانداری سے دیکھئے کہ جہاں‌جہاں اس کتاب کی طباعت ہوئی ہے ۔ اس میں اور دوسری کتب میں فرق ہے۔

جو فلسفہ آپ نے خلوص دل سے پیش کیا ، یا برادران عادل اور عبداللہ نے پیش کیا ، کیا آپ سمجھتے ہیں کہ وہ ان کتب میں یا دوسری کتب میں میری نظر سے بالکل نہیں‌گذرا۔۔۔۔ بھائی آپ جو کہتے ہیں اس کو خلوص دل سے قبول کرتا ہوں۔

آپ سب نے محنت کی ، ان کتب کو خود سے دیکھا، اور آپ گواہ ہیں کہ جو فرق ہیں وہ ہیں ، یہ فرق نا آپ نے بنائے ہیں‌اور نا ہی میں۔ اس کے باوجود سنت نبوی ان ہی کتب میں موجود ہے، اور آپ کی طرح میں بھی اس کو دل سے چوم کر آنکھوں سے لگاتا ہوں۔ یہ لفاظی نہیں ۔ صاحب قرآن نے جو روشنی ہم سب تک پہنچائی اس کا حق ہے کہ اس بزرگ نبی اکرم صلعم صلی اللہ علیہ وسلم سے منسوب ضعیف سے بھی ضعیف روایت کی دل سے عزت کی جائے اور حضور پرنور کی سنت مانا جائے۔ ضعیف یا صحیح ہونا پہلی شرط نہیں۔۔ پہلی شرط موافق و مطابق قرآن کا ہونا ہے ، کہ فرمان الہی ہی اسلام کی بنیاد ہے۔

والسلام

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

فاروق سرورخان

ان ویب سائٹس نے بھی کتب کو ہی شائع کیا ہے۔ اس کے ریفرنسز فراہم کئے ہیں اور بہت محنت کی ہے۔ یہ معلومات بچکانہ نہیں بلکہ حکومتی ادارے تک اس میں شامل ہیں۔۔۔

بات یہاں‌تک پہنچ گئی ہے بدر کہ جو حقیقت ہے وہ بہت ہی واضح ہے۔ جو روایت ویب سائٹ سے فراہم کی گئی ہے وہ ہندوستان سے شائع شدہ کتب میں‌بھی موجود ہے۔ لیکن ان کی سائٹ‌آج کام نہیں کررہی۔

بھائی جو محسوس کرتا ہوں وہ لکھتا ہوں۔ ۔ وہ یہ کہ ترقیم، ترتیب ، متن اور جا بجا روایات کا اضافہ ان شائع شدہ کتب کے نمونوں سے واضح ہے۔ اہمیت یہ ہے کہ اب تک کتب روایات کے مستند اور قدیم نسخوں‌کے بارے میں معلومات منظر عام پر نہیں آئی ہیں۔

اگر آپ کا یہ مقصد ہے کہ یہ ثابت یا معلوم کیا جائے کہ ان کتب کا ایک سیٹ‌ایسا ہے جو مستند ہے تو بھائی اس مقصد کے لئے آپ کو ان معلومات کی قطعاً ضرورت نہیں۔

کوئی مانے یا نا مانے ، برادران کو اندازاہ تو ہو گیا ہوگا کہ ان کتب کی کیا حالت زار ہے۔۔۔۔ چاہے یہ نیٹ‌پر ہیں یا پھر کاغذ‌پر۔

والسلام

شمشاد احمد

بدر بھائی انشاء اللہ ‏آپ کے بیان کردہ امور پر دھیان رہے گا۔۔۔ اور بالفرض کہیں ‏آپ محسوس کریں کہ ایسا نہیں ہو سکا۔۔۔ تو پو‌چھے بغیر ‏آپ کو تبدیلی اور ترمیم کا اختیار ہے۔۔۔۔ شکریہ۔

البتہ سکین کے حوالے سے میں صرف اتنا کہوں گا۔۔ کہ جس نوعیت کی یہاں بات ہو رہی ہے۔ اس کے مطابق بخاری کے اصل نسخے فراہم کرنا ‏آج کے دور میں میرے خیال میں کسی کے لئے بھی کوئی بہت مشکل امر نہ ہو گا۔۔۔۔ ۔ اور صفحات سکین کرنا یا کروانا تو کوئی ایشو نہیں ہے۔۔۔ ہاں۔ اس میں اگر بعض وجوہات کی بنا پر کچھ تاخیر ہو جاتی ہے۔ تو کوئی بات نہیں۔۔ وہ قابل قبول ہونی ‌چاہے۔۔۔
۔۔۔۔۔۔۔۔۔۔۔۔۔۔۔۔۔۔۔۔
فاروق بھائی۔
‏آپ کی اس تحریر کو دو مرتبہ پڑھنے کے بعد بھی میں نہیں سمجھ پایا کہ اس کا ہمارے زیر بحث سوال۔۔ کہ بخاری کی ترقیم کا اختلاف حقیقت میں بخاری میں تحریف پر نشاندھی کرتی ہے۔۔۔۔ سے کیا تعلق ہے؟ لہذا اس پر کوئی کمنٹس نہیں کر پاؤں گا۔ ۔۔معذرت۔

فاروق سرورخان

میں بہت ہی نرم لہجے میں اور نرمی سے لکھ رہا ہوں ۔۔ پلیز ایسے ہی پڑھئے۔۔۔ نہ الفاظ تند و تلخ‌ہیں اور نا ہی لہجہ۔ بہت مشکل ہے کہ اختلاف کیا جائے اور پڑھنے والے کو اس میں تندی کا احساس نا ہو۔ اس کے باوجود اگر کچھ اچھا نا لگے تو پیشگی معذرت ۔۔ اس لئے کہ آپ کا مقصد نیک اور مخلصانہ ہے۔

حیدر

معذرت کے ساتھ !
ابھی تک مجھے کتب احادیث کی حالت زار کا کوئی اندازہ نہیں ہوپایا۔
حامیان احادیث تعداد سے متعلق اپنا موقف بیان کر چُکے ہیں، مثلاً
"ابرار بھائی کے مطابق آپکے دئیے ہوئے ریفرنسز میں سے دو کا تجزیہ کیا تو معلوم ہوا کہ 160 تک کی تعداد میں دو احادیث کا فرق ہے۔ جب انہوں نے بغور معائنہ کیا تو انکشاف ہوا کہ ایک نسخے میں دو مرتبہ احادیث کو آپس میں mergeکیا گیا ہے ۔ چناچہاگر چند سو احادیث کا فرق ہے تو اسی گمان پر معلوم ہوتا ہے کہ احادیث دونوں نسخوں میں برابر ہیں۔ کُچھ ایسا ہی معاملہ شمشاد بھائی نے لبنانی نسخہ اور پاکستانی نسخہ کے تقابل پر دریافت کیا۔"

پھر دوسری بات جو سامنے آئی ہے تعداد سے متعلق کہ آپ کے دئیے ہوئے ریفرنس میں سے ایک کتاب (تین جلدوں پر مشتمل) میں محض 2 ہزار کُچھ سو احادیث تھیں جبکہ باقی نسخوں(آٹھ جلدوں پر مشتمل) میں یہی تعداد 7 ہزار سے اوپر تھی۔ جب ان کتب کا معائنہ کیا گیا تو معلوم ہوا کہ تین جلدوں والی کتاب میں ہر کتاب 1 سے شروع ہوتی ہے۔ جبکہ آٹھ جلدوں والی کتاب مسلسل ترتیب کی حامل ہے۔چناچہ ہم کہہ سکتے ہیں کہ آپکے بیان کردہ کتب میں احادیث کی تعداد نمبرنگ کے اعتبار سے تو مختلف ہے ہی لیکن احادیث کی "اصل تعداد" کے اعتبار سے ایک ہی جیسی ہیں۔"

آپ نے ابھی تک ان امور پر کوئی رائے زنی نہیں کی۔ اسکا مطلب میں یہ ہی لوں گا کہ آپکو کسی حد تک ان باتوں سے اختلاف نہیں ہے، کیونکہ آپکا مراسلہ نمبر 65 ترقیم کے بجائے ترتیب کی بات کر رہا ہے۔ انہی کتب میں موجود احادیث کے موافق قرآن ہونے یا نہ ہونے پر ہم انشا اللہ ایک الگ تھریڈ میں بات کریں گے۔ جن میں تمام متنازعہ احادیث پر بات کی جائے گی۔ انشا اللہ۔ یہ ایک الگ معاملہ ہے۔

لیکن آپکی اجازت سے قبل میں اپنا سوال پیش کرتا ہوں ، حامیان حدیث سے۔ اُمید ہے وہ تشفی طلب جواب دیں گے۔ انشا اللہ

فاروق سرورخان

بدر، سلام

مین نے حسب وعدہ ترقیم کے بعد ترتیب اور متن کی خامی کی مثال پیش کی ہے۔

ابرار نے صرف 160 تک گنا ہے ۔ اور اس میں کتاب لکھنے والے نے اپنی مرضی سے ایک روایات نکال دی ہے۔ میرے نزدیک ترقیم کی یہ خرابی ہے۔ اس لئے کچھ نہیں لکھا۔ بہت سی ایسی روایات ہیں جو یا تو ایک کتاب میں اضافی ہیں‌ یا کم ہیں‌۔۔ یہ ڈپلیکیٹ بھی نہیں ۔ اس کی بھی ایک مثال دی ہے۔

اس کے بعد کے مراسلات بھی دیکھ لیجئے۔۔ میں ان کے مراسلات سے متفق نہیں۔ 4 سو سے اوپر روایات کا موجود نا ہونا، 160 روایات کو دیکھ کر اس کا فیصلہ نہیں کیا جاسکتا۔۔ ترقیم کے اس فرق سے صرف یہ معلوم ہوتا ہے کہ ترقیم خراب ہے۔ اس کے بعد ترتیب اور متن کے فرق کی بھی مثال د ی ہے ۔۔ دیکھ لیجئے۔۔۔۔۔ ایک ہندوستانی صحیح بخاری کی کتاب میں موجود روایت کا دوسری بڑی اور زیادہ مستند سعودی حکومت کی سائٹ یا کتاب میں نا ہونا۔ اوربڑے نمبر والی اردو کی کتاب کی روایات کا سعودی ویب سائٹ پر کوئی تیس روایت پیچھے ہونا ، میں نے بعد کے مراسلات میں دکھایا ہے۔ میں نے ایک ایسی روایت کی مثال بھی دی ہے جو ڈپلیکیٹ ہونے کی وجہ سے نہیں‌نکالی گئی۔۔۔ بلکہ تفصیلی سائٹ پر ہے ہی نہیں۔


والسلام

عبداللہ حیدر

السلام علیکم، یہاں‌مرج کرنے سے مراد یہ نہیں ہے کہ دو احادیث‌کو ملا کر ایک حدیث بنا دیا جائے۔ اس کا مطلب یہ ہے کہ ایک جیسے متن والی دو مختلف اسناد کو دو الگ الگ نمبر نہیں‌دیے گئے بلکہ انہیں ایک ہی نمبر کے تحت لکھ دیا گیا ہے۔
بدر بھائی!‌میں پوری کوشش کروں گا کہ اس تھریڈ کو زیادہ سے زیادہ وقت دے پاؤں لیکن ہم ملازمت پیشہ لوگوں کو کچھ گنجائش تو ملنی چاہیے۔
والسلام علیکم

فاروق سرورخان

جس نسخے میں دو ہزار کچھ سو روایات تھیں‌۔ اس پر میں ڈاؤن لوڈ نا ہونے کی وجہ سے توجہ نہیں دی تھی۔ اور لکھ دیا تھا کہ اس کو نا دیکھئے کہ اس کی روایات بہت ہی کم ہیں۔ بعد میں اس کو دوسرے ساتھیوں نے دیکھا۔ بہر حال ایک ہندوستانی اور ایک سعودی سایٹ میں جو فرق تھا وہ چار سو سے اوپر کا تھا۔ اس میں صرف اور صرف ایک جیسی روایات مرج نہیں‌کی گئی ہیں بلکہ جیسا کہ اوپر لکھا روایات ایک جگہ ہیں تو دوسری کتاب میں نہیں ہیں۔ میں اس کتاب کے سیٹ کو بھی دیکھوں گا۔ اور اس سے بھی کچھ مثالیں دوں گا۔

انشاء اللہ۔

حیدر

معذرت۔ واپڈا والوں کا مزاج برہم ہو جانے کی وجہ سے میں اپنا سوال پوسٹ نہ کر سکا۔

عبد اللہ حیدر بھائی نے کہا کہ
"عربی پبلشرز کے شائع کیے ہوئے نسخوں میں‌ کتاب کا متن ایک ہی ہوتا ہے لیکن گنتی کے کئی طریقے رائج ہیں جس کی وجہ سے بظاہر تعداد مختلف نظر آتی ہے"

شمشاد بھائی نے کہا کہ
"یہ بیروت لبنان کے مشہور مکتبہ دار الکتب العلمیہ سے شائع ہوا ہے۔ ۔۔ اور مکہ مکرمہ کے مکتبہ عباس احمد الباز اس کو تقسیم کرنے والے ہیں وہاں سے بھی دستیاب ہے۔۔۔ اس کے سر ورق پر تحریر ہے کہ اس نسخہ میں جو احادیث پر نمبرز لگائے گے ہیں وہ المعجم المفہرس لالفاظ الحدیث کی نمبرنگ کے مطابق ہیں۔"

یہ دونوں ایک ہی باتیں ہیں۔ لیکن کیا آپ لوگ وضاحت کریں گے گنتی کے کئی طریقوں سے کیا مراد ہے؟ اور یہ کہ"المعجم المفہرس لالفاظ الحدیث کی نمبرنگ " سے کیا مراد ہے؟
انگریزی میں تو لکھو جو مرضی تعداد وہی بنتی ہے۔ مثلاً 1،2،3،4،5،6 یا رومن کی صورت I,II,III,IV,V,VIیا a,b,c,d,e,وغیرہ تو کیا آپ ہندسہ ترتیب والی بات کی وضاحت کر سکتے ہیں؟

حیدر

جی شکریہ !
چچا آپکی طرف سے مثالیں آئیں گی تبھی معاملہ آگے چلے گا۔
ہمیں انتطار رہے گا

عادل سہیل

السلام علیکم ورحمۃ اللہ و برکاتہ ،
جزاک اللہ خیرا، شمشاد بھإئی ، اللہ تبارک و تعالیٰ آپ کی والدہ محترمہ کو مکمل صحت عطا فرمإئیں اور ان کی محبت کو تا دیر آپ سب پر محیط رکھے ،
آپ جس محنت سے دلإئل پیش کر رہے ہیں اس کا اجر اللہ ہی دینے والا ہے اور وہ محسنین کا اجر کبھی ضائع نہیں کرتا ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔
بدر بھإئی ، میری طرف سے بھی تسلی رکھیے کہ ان شاء اللہ آپ کے مقرر کردہ قوانین اور انتظام کے مطابق ہی بات جاری رکھی جإئے گی ، آپ بلا لحاظ ایسے تمام مراسلات کو بالکامل یا جزوی طور پر حذف کر دیا کیجیے جن میں موضوع سے ہٹی ہوٕئی بات ہو ، یا پھر سے وہی پرانے گھسے پٹے الزامات ہوں ،
اور دوسری گذارش یہ ہے کہ ترقیم والا معاملہ تسلی بخش طور پر واضح ہوجانے تک دوسرے معاملات کو زیر گفتگو نہ لایا جایا ،
بھتیجے عبداللہ نے بھی باقاعدگی سے حاضری دینے کا وعدہ کیا ہے ، اور ان شاء اللہ بھإئی شمشاد بھی بہت اچھی طرح سے مدلل گفتگو کر رہے ہیں ، مجھے اللہ سے یقین ہے کہ وہ اپنی رحمت اور مدد کے ساتھ اس موضوع کو ہر قاری کے واضح کروا دے گا ، اور وہ جسے چاہے ہدایت دیتا ہے ، و السلام علیکم۔

__________________
اب نہ ہو گا کہیں کوئی نزول کتاب ::: بند کر دیا رب العالمین نے یہ باب
ہے جو بھی صحیح سنت رسالت مآب ::: بے شک ہے وحیء رب الارباب