فیصل ناصر

پوائنٹ آف ویو۔۔۔۔۔۔۔۔۔۔
مجھے ڈر ہے کچھ عرصہ بعد آپ خود کو" کلیئر "کرنے کے تعاون کی درخواست نا کرنے لگیں

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

حیدر

تب اپ سمجھ لیجیے گا کہ میں لوگوں کو اور انکی رائے کو اہمیت دینے لگ پڑا ہوں۔ ابھی تک ایسا نہیں ہے۔ ابھی تک میرے دل میں لوگوں کی نظروں میں اچھا بننے کی کوئی طلب نہیں ہوئی۔
میرا ان سوالات سے جو مقصد تھا۔ ۔ ۔وہ پورا ہو جائے گا۔ ۔ ۔ اگر میرے سوالات کے جوابات نہ بھی آئے تو۔

اُمید ہے اگر آپ تھوڑا سا غور کریں گے تو میرے مقصد تک بخوبی پہنچ جائیں گے۔ its not that difficult, I assure

عادل سہیل

السلام علیکم و رحمۃ اللہ و برکاتہ ،
جزاک اللہ خیرا، بدر بھإئی ، آپ کی سوالات بہت منطقی ہیں ، اور مجھے امید ہے کہ ان شاء اللہ ان کے جوابات ، جوابات کی حد تک ہی دیے جإئیں گے ،
بدر بھإئی میں یہ جاننا چاہتا ہوں کہ کہ آپ کے پہلے سوال کا جواب صرف سوال کے الفاظ کے مطابق دیا جإئے ، یا کتب حدیث اور ان کے ذریعے احادیث کے بارے میں پاک نیٹ پر نشر ہونے والے شکوک و شبہات کے پس منظر میں تفصیلی جواب دیا جإئے،
پہلے سوال کا ذکر اس لیے کیا ہے کہ عین ممکن ہے کہ دوسرے سوال کا جواب اس پہلے سوال میں ہی میسر ہو جإئے ، ان شاء اللہ،
میری خواہش ہے کہ اس سوال کا جواب بھتیجا عبداللہ حیدر پیش کرے ، اس کا مطالعہ اس معاملے میں کافی اچھا ہے ، و السلام علیکم

__________________
اب نہ ہو گا کہیں کوئی نزول کتاب ::: بند کر دیا رب العالمین نے یہ باب
ہے جو بھی صحیح سنت رسالت مآب ::: بے شک ہے وحیء رب الارباب

احمد بلال

بدر بھائی میں آپکے سوالات کا مقصد کافی حد تک سمجھ گیا ہوں۔اللہ آپکے خلوص‌کا اجر دے۔
شک شیطان کا بہت بڑا ہتھیار ہے۔چاہے دنیاوی ہو یا دینوی معاملہ۔ یہ بالکل ایمان کا الٹ ہے۔ اس ذات پہ ویسا ایمان جیسا وہ چاہتی ہے۔ دیکھے بغیر غیب پہ۔
ورنہ ذیادہ عقل رکھنے والے کے لئے توکوئی مذہب کوئی مسلک بھی موزوں نہیں۔
اللہ نے جتنا علم دیا ہے میں اس پہ کتنا عمل کر رہا ہوں؟ جب سے تقوی،اچھا اخلاق،عمل جاتا رہا تب سے واعظ‌ کی تقریر میں اثر نہیں رہا۔ علم کو وسعت ملی،مباحث اور لاجک نے جنم لیا۔اور مزے کی بات لاجک اور بحث اس بیک گراونڈ پہ ڈیپنڈ کرتے ہیں‌جس میں‌آپ نےعلم حاصل کیا۔
مجھے تو صرف یہ سمجھ آئی ہے جب تک مجھ میں میرے علم کےمطابق عمل نہیں اور اچھا اخلاق نہیں تو کچھ بھی کسی کام کا نہیں چاہے میں جتنوں کو بھی لا جواب کر دوں بحث سے۔

نوٹ: اہل علم بدر بھائی کے سوالات کے جواب دیں۔ اور میرے مراسلہ کو موضوع سے ہٹانے کی جسارت نہ قرار دیا جائے اور نہ ہی مخالف مفہوم مراد لیا جائے ۔جسے ایسا لگے وہ بٹن دبا کے آگے نکل جائے۔

حیدر

شکریہ عادل بھائی میرے اس تھریڈ میں تشریف لانے کا۔

مجھے آپ سے محض جو سوال کیا ہے اُس کے مطابق کا جواب ہی چاہیے۔ یعنی دیگر لوازمات سے ہٹ کر۔ یعنی

کتابوں کا پرانا ترین نسخہ کتنا پرانا میسر ہے؟ یعنی کتنے سو سال پرانا وغیرہ ( تاکہ ہم دیکھ سکیں کہ آیا کہ اُس نسخے میں اور آجکل کے موجود نسخوں کے عربی متن میں کیا فرق پڑا ہے یہ جزوی سوال دوسرے فریق سے ہے یعنی اُسکو ثابت کرنا ہوگا کہ یہ فرق ہے)

کیا وہ کسی لائبریری میں ہے؟ تو کس لائبریری میں یا کس فرد کے پاس ہے۔

؂
اُمید ہے کسی نے میرے سوالات کا مقصد سمجھنا ہے تو وہ پھر سے میرے سوالات کے ساتھ ساتھ ۔ ۔ ۔ ان میں پنہاں مقصد پر بھی غور کرے گا کہ ان سوالات کے اگر مثبت جواب دئیے کسی نے تو کیا نتجہ اخذ کیا جا سکتا ہے۔ HINT:الفاظ نہیں ۔ ۔ ۔مقصد

شمشاد احمد

عبداللہ حیدر

و علیکم السلام و رحمۃ اللہ و برکاتہ!
چچا جی!حسب حکم اس موضوع پر لکھنا شروع کر دیا ہے۔ کل یا پرسوں تک ابتدائی مراسلہ بھیج دوں گا ان شاء اللہ۔ اللہ تعالیٰ سے دعا ہے کہ وہ حق بات صحیح انداز میں‌کہنے کی توفیق عطا فرمائے۔ آمین
والسلام علیکم

عبداللہ حیدر

السلام علیکم و رحمۃ‌اللہ و برکاتہ!
بدر بھائی نے اس تھریڈ میں کتب احادیث کی تاریخی حیثیت سے متعلق سوال اٹھائے ہیں اس لیے میں دوسرے مباحث میں الجھے بغیر اپنی بات کو اسی موضوع تک محدود رکھنا پسند کروں گا۔
اس سلسلے میں جو بات سب سے پہلے سمجھنے کی ہے وہ یہ ہے کہ کتب احادیث اپنی صحت کےثبوت کے لیے کسی مخطوطے کی قطعًا محتاج نہیں ہیں کیونکہ محدثین کرام نے ایک طرف رسول اللہ صلی اللہ علیہ و علی آلہ وسلم سے منسوب کسی بھی ایسی بات کو صحیح تسلیم کرنے سے انکار کیا ہے جس کے راوی ناقابل اعتبار اور سندنا مکمل ہو تو دوسری جانب کتب احادیث مثلا صحیح البخاری وغیرہ کی حفاظت اور اشاعت کے لیے بھی ایسا طریقہ اختیار کیاگیا جو نہ صرف اپنی مثال آپ تھا بلکہ اس سے بڑھ کر اچھا اور fool proof طریقہ اور کوئی ہو ہی نہیں سکتا تھا۔

اس کی تفصیل یہ ہے کہ امام بخاری اوربعد میں ان کے تلامذہ کے پاس ہزاروں کی تعداد میں لوگ حدیث سننے کے لیے آیا کرتے تھے۔ ہر شخص اپنی استعداد کے مطابق اس چشمہ صافی سے سیراب ہوتا تھا لیکن ان میں سے کچھ لوگ دوسروں کی نسبت بہترین ضبط، دیانت، عدالت اور ثقاہت کے حامل ہوتے تھے۔ محدثین کرام اپنے بہت سے شاگردوں میں سے ایسے افراد کو منتخب کر کے ان کی خصوصی تربیت کیا کرتے تھے تا کہ وہ اشاعت حدیث کے اس سلسلے کو مکمل با اعتماد صداقت ، اور دیانت کے ساتھ جاری رکھ سکیں۔ یوں سمجھیں کہ ایک کلاس عام لوگوں کے لیے ہوتی تھی جس میں ہر خاص و عام بقدر استطاعت استفادے کے لیے شریک ہو سکتا تھا جبکہ دوسری کلاس ان افراد کے لیے ہوتی تھی جو اس محدث کی کتاب کی اشاعت کے خواہش مند ہوتے تھے۔ اس دوسرے گروہ کے افراد کا انتخاب ان کی سچائی، دیانت، قوتِ حافظہ کی مضبوطی اور استنباطِ مسائل سے متعلق فقاہت وغیرہ کو دیکھ کر کیا جاتا تھا۔ یہی وہ لوگ ہوتے تھے جو اس محدث سے کتاب کو سن کر اور لکھ کر یاد کیا کرتے تھے۔ پھر وہ ساری کتاب بار بار پڑھ کر اسے سناتے۔ سالہا سال کے تجربے کے بعد جب اچھی طرح یقین ہو جاتا کہ اس شخص نے تمام ضروری مباحث کو اچھی طرح یاد کر لیا ہے اور سمجھ لیا ہے اور اب یہ اس قابل ہے کہ دوسروں کو حدیث سُنا پڑھا اور سمجھا سکے تو اسے اجازت دی جاتی کہ وہ اس محدث کی کتاب اس کے نام کے ساتھ منسوب کر کے روایت کر سکتا ہے۔ یہ سلسلہ نسلا بعد نسل جاری رہا ہے اور ایسی بہت سی اسناد موجود ہیں جن کا سلسلہ براہ راست امام بخاری کے کسی شاگرد تک پہنچتا ہے۔ چنانچہ جس طرح امام بخاری کوئی بھی حدیث بیان کرتے وقت نبی کریم صلی اللہ علیہ و علی آلہ وسلم اور اپنے درمیان تمام راویوں کی تفصیل بتاتے ہیں بالکل اسی طرح جب کوئی شخص صحیح البخاری کی تعلیم اور اشاعت کرنا چاہتا تو سب سے پہلا سوال اس سے یہ پوچھا جاتا تھا کہ اپنے اور امام بخاری کے درمیان ان تمام افراد کے نام بتاؤ جن کے ذریعے یہ کتاب تم تک پہنچی ہے۔

اس طریقے کا ایک بڑا فائدہ یہ ہوا کہ کتب احادیث میں کوئی بڑی تبدیلی کرنا قریب قریب ناممکن ہو گیا کیونکہ اس طرح ہر محدث کا علم دسیوں یا سینکڑوں بااعتماد شاگردوں کے پاس محفوظ ہوتا تھا جو آگے اپنے حلقے قائم کر کے اس کی تعلیم و تدریس کا سلسلہ جاری رکھتے تھے۔ بیک وقت اتنے لوگوں کے نسخے بدلنا کسی کے لیے ممکن نہ تھا خصوصًا جبکہ ان کا علم محض کتابی نہ ہوتا تھا بلکہ وہ ہر ایک حدیث یاد بھی کیا کرتے تھے۔ چنانچہ جس کسی نے کتب احادیث میں تحریف کی کوشش کی وہ ناکام و نامراد اور رسوا ہو کر رہا۔

امام بخاری تک باقاعدہ سند رکھنے والے علماء آج بھی بکثرت موجود ہیں اگرچہ پرنٹنگ پریس کی ایجاد اور معتبر ذرائع سے کتب احادیث کی چھپائی کے بعد حفظ و ضبط کی ان شرائط کی ضرورت باقی نہیں رہ گئی جو سابقہ ادوار میں تھی۔ مثال کے طور پر ہمارے قریب کے زمانے میں احمد شاکر ایک محدث گزرے ہیں۔ اس مراسلے کے آخر میں ان کا سلسلہ سند منسلک ہے جس میں احمد شاکر اور امام بخاری رحمہا اللہ کے زمانوں کے درمیان صحیح البخاری کی تعلیم دینے والے تمام افراد کی تفصیل بیان کی گئی ہے۔

یہ ان ہزاروں اور سینکڑوں لڑیوں میں سے ایک لڑی ہے جن کا سلسلہ امام بخاری تک پہنچتا ہے اور جن میں مذکور ایک ایک فرد کے بارے میں معلوم ہے کہ اس نے کس زمانے میں اور کس علاقے میں صحیح البخاری کی تعلیم دی اور اس کی اشاعت کے لیے اعلیٰ پائے کے کتنے شاگرد تیار کیے۔

اس تفصیل کو سامنے رکھ کر بتائیے کہ منکرین حدیث کا دیا ہوا یہ تاثر کس حد تک درست ہو سکتا ہے کہ کتب احادیث گمنام کتب خانوں میں پڑی رہتی تھیں اور سازشی عناصر جب جب چاہتے ان میں تبدیلی کر دیتے تھے۔ سچ تو یہ ہے کہ محدثین کرام اگر مخطوطے جمع کرنے میں لگ جاتے تو کتب احادیث لائبریریوں تک محدود ہو جاتیں اور سازشی لوگ کسی بھی وقت ان میں تبدیلی کر سکتے تھے لیکن سند کے ساتھ کتاب کی اشاعت کے اس طریقے میں یہ تو ممکن ہے کہ کسی کاتب سے سہوًا کوئی حدیث یا صفحات چھوٹ جائیں یا گم ہو جائیں لیکن اس بات کا دور دور تک کوئی امکان نہیں ہے کہ ساری کی ساری کتاب ہی تبدیل کر دی جائے یا اس میں کوئی ایسا اضافہ کر دیا جائے جو اسلام کی بنیادیں ہی ڈھا دینے والا ہو یا اس میں نبی کریم صلی اللہ علیہ و علی آلہ وسلم کی توہین پر مبنی مواد شامل کر دیا جائے اور صدیوں تک کسی کو کانوں کان خبر تک نہ ہو سکے کیونکہ کتب احادیث کی تعلیم و تدریس کا سلسلہ ہر دور میں سینکڑوں ہزاروں تربیت یافتہ اور قابل اعتماد افراد کے ہاتھوں میں رہا ہے۔ ہر زمانے میں اتنے لوگوں کا کسی غلط چیز پر اکٹھے ہو جانا عقلًا  اور عملا ً  محال ہے۔ اگر کوئی شخص ایسی قطعی الثبوت چیزوں میں بھی شک کرتا ہے تو وہ بلاشبہ شک کا مریض ہے اور اس کے مرض کا علاج اللہ سبحانہ و تعالیٰ ہی کر سکتا ہے۔ ایسے شبہات ظاہر کرنا علم نہیں بلکہ تعصب اور جہالت کی علامت ہے۔ مودودی صاحب رحمہ اللہ نے کیا خوب بات کی ہے:

“(ان میں سے) ایک شخص بلاتکلف کہہ سکتا ہے کہ عباسیوں کا وجود دنیا میں کہیں نہ تھا۔ اموی سلطنت کبھی قائم نہ ہوئی تھی۔ سکندر کا وجود محض ایک افسانہ ہے۔ دنیا میں نپولین اور ہٹلر کبھی ہو کر نہیں گزرے۔غرض تاریخ کے ہر واقعہ کو اس دلیل سے بدرجہا زیادہ قوی دلیل کی بنا پر جھٹلایا جا سکتا ہے جس کی بنا پر آپ کتب احادیث کی صحت کو جھٹلاتے ہیں۔ کیونکہ دنیا میں زمانہ گزشتہ کے حالات کا کوئی ذخیرہ اتنا مستند نہیں ہے جتنا حدیث کا ذخیرہ ہے، اور جب وہ بھی ناقابل اعتبار ہے تو قدیم زمانہ کے متعلق جتنی روایات ہم تک پہنچی ہیں وہ سب دریابرد کر دینے کے قابل ہیں"

مخطوطے طلب کرنے کا رواج اصل میں مستشرقین نے ڈالا ہے۔ ان بیچاروں کو تو معذور سمجھنا چاہیے کیونکہ سند نام کی کسی شئے کا ان کے ہاں تصور ہی نہیں ہے بلکہ ہر وہ چیز ان کے معیار کے مطابق تحقیق قرار پاتی ہے جو کسی مجہول نسخے میں لکھی ہوئی مل جائے۔ چاہے اس کے لکھنے والے کا نام، حالات، زمانہ، عقیدہ کچھ بھی معلوم نہ ہو اور چاہے وہ نسخہ کسی کھدائی کے دوران اتفاقًا برآمد ہو گیا ہو۔ اصل افسوس تو ان پر ہے جن کے نام مسلمانوں جیسے ہیں، جنہوں نے کلمہ گو گھرانوں میں پرورش پائی ہے لیکن مستشرقین کی خوشہ چینی میں وہ کسی یہودی اور صلیبی سے پیچھے نہیں رہے۔ چاہیے تھا کہ وہ اپنے علمی ورثے سے واقفیت پیدا کرتے اور دلیل کی پوری قوت کے ساتھ دنیا کو بتاتے کہ مخطوطے وغیرہ تلاش کر کے الٹے سیدھے نتائج نکالنےکے جو پیمانے تم نے وضع کر رکھے ہیں وہ فرسودہ ہیں۔ ہمارے پاس آ کر دیکھو کہ پوری حفاظت کے ساتھ اور سازشیوں سے بچا کر کسی کتاب کی حفاظت کیسے کی جاتی ہے لیکن یہ لوگ ان کی مادی ترقی سے اتنے مرعوب ہوئے کہ ان کی کسی چیز پر تنقید کرنا گناہ کبیرہ کے مترادف سمجھنے لگے اور نامکمل معلومات کی وجہ سے بالآخر پورے ذخیرہ حدیث ہی کو مشتبہ ٹھہرا بیٹھے۔ اور  اپنی اس لاعلمی میں اس قدر دور جا پہنچے کہ علمی حقائق کو محض  نظریات کی بنا پر رد کرنا شروع کر دیا اور اپنی تاریخ اور مذھبی روایات کی کمزوریوں کو چھپانے کی کوشش کرنے والے کفار اور منافقین کے  فلسفوں کی  آندھی میں تنکوں کی طرح اڑنے لگے اور اپنے ائمہ اور علما کے علوم کی طرف کچھ  دھیان نہ کیا۔

یہ تمیدی گزارشات اگر چہ بدر بھائی کے سوال سے براہ راست متعلق نہیں ہیں لیکن موضوع زیربحث کو سمجھنے کے لیے ان کا تذکرہ ضروری تھا جو کسی قدر طوالت اختیار کر گیا ہے۔ بدر بھائی! مجھے امید ہے آپ اس پر برا نہیں مانیں گے کیونکہ مجھے معلوم ہے کہ طویل مراسلے آپ پر گراں گزرتے ہیں۔ اگلے مراسلات میں یہ تفصیل بیان کروں گا کہ صحیح البخاری کے مخطوطے کہاں کہاں موجود ہیں، ان کی تعداد کیا ہے اور ان میں سے قدیم ترین نسخہ کون سا ہے۔ کچھ مخطوطوں کے سکین کیے ہوئے صفحات بھی مل گئے ہیں، چند ایک کا انتظار ہے۔ اللہ نے چاہا تو اسی ہفتے کے اندر یہ ساری معلومات پیش کر دی جائیں گی۔
والسلام علیکم
(ٰاحمد شاکر رحمہ اللہ کا امام بخاری تک پہنچنے والا سلسلہ سند نیچے ملاحظہ کیجیے‌)

Attached Thumbnails

     

حیدر

آپکا شکریہ عبد اللہ بھائی کہ آپ نے تفصیلی جواب دیا۔
مجھے صرف وہ تفصیلی مراسلات گراں گزرتے ہیں جن کو پڑھنے پر میں "مجبور" ہوں۔ کئی طویل ترین مراسلات ایسے ہوتے ہیں جن کی طوالت کا قطعاً احساس نہیں ہوتا۔
میں نے آپکا مراسلہ حرف بہ حرف پڑھا ہے۔ چاہیں تو کوئی ٹیسٹ لے لیں

اُمید ہے آپکو مطلوبہ میٹریل یا مواد جلد ہی مل جائے گا۔ میں ہمہ تن انتطار ہوں۔

تاہم حیرانگی ہے کہ دوسرے فریق کی آمد ابھی تک اس تھریڈ میں نہیں ہوئی۔ شاید انکو اطلاع کرنی پڑے گی۔

ھارون اعظم

میں نے بھی بہت غور سے پڑھا ہے۔ اور پڑھ کر بہت اچھا لگا۔ کہ کوئی تو ہے جو ایسے جھوٹے پروپیگنڈے کا توڑ جانتا ہے۔

عبد اللٰہ حیدر بھائی، آپ براہ کرم باقی مراسلات بھی تھوڑا جلدی لکھ دیں۔ ہم انتظار میں ہیں۔

__________________


http:// haroonazam.wordpress.com

ھارون اعظم کا بلاگ۔

عادل سہیل

السلام علیکم ورحمۃ اللہ و برکاتہ ،
جزاک اللہ خیرا، بھتیجے ،
اللہ تعالیٰ علمء نافع اور ہمت میں اضافہ اور برکت عطا فرمائے ، اور میرے جیسے دو چار چچا بھی بونس میں دے دے ، اور مجھے تمہارے جیسے دو چار سو بھتیجے عطاء فرمائے ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔
بدر بھائی ، میری آمد پر شکریہ ادا کرنے پر جزاک اللہ خیرا ، اللہ تعالیٰ آپ کو دین دنیا اور آخرت کی خوشیوں سے مالا مال فرمائے ،
بدر بھائی میں نے اس تھریڈ میں معلومات مہیا کرنے کی درخواست حضرت بھتیجا شریف رحمۃ اللہ علیہ کی خدمت میں پیش کی اور انہیں نے اس کو شرفء قبولیت بخش کر سلسلہ ارشادات آغاز فرما دیا ہے ، ان شاء اللہ آپ کے مجھ سے پوچھے گئے مراسلہ رقم ۶ والے سوال کا جواب بھی حضرت بھتیجا جی عنایت فرمائیں گے ،
میں ان کے سلسلہ فرمودات میں مخل ہو کر جلالء شیخ میں بھسم نہیں ہونا چاہتا
امید ہے آپ میرا یہ عذر قبول فرمائیں گے ،
اگر حضرت حضرت بھتیجا جی نے پیش نہ کیے تو مجھے چچائیت کے دوسرے انداز دکھانے پڑیں گے و السلام علیکم۔

ھارون اعظم

یہ باتیں تو سر کے اوپر سے گزر گئیں۔

فیصل ناصر

معرفت کی باتیں ہیں ہارون بھائی
چچاؤں کی خدمت کئے بغیر سمجھ نہیں آنے والیں

عادل سہیل

السلام علیکم ورحمۃ اللہ و برکاتہ ،
اللہ کا شکر ادا کیجیے ھارون بھائی ، اگر بھتیجے کے بھی سر کے اوپر سے گزر گئیں تو
فیصل بھائی نے درست پہچانا ، یہ خصوصی رازو نیاز اور معرفت کی باتیں ہیں ، انہیں جاننے کے عرصہ دراز تک سلوک طریقت کا سالک بننا پڑتا ہے ، اگر آپ سلسلہ بھتیجیہ میں بیعت کر لیں تو شاید جلدی سمجھنے لگیں، والسلام علیکم۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
::: خصوصی اشارہ ::: یہ باتیں بھتیجے کی دل جمعی کے لیے ہیں ، معاذ اللہ کسی پر کوئی اعتراض یا طنز نہیں ، کوئی بھی قاری ان کی بنا پر کچھ منفی تاثر نہ لے ، ان میں مستعمل الفاظ و اصطلاحات کا سبب یہ ہے کہ کئی سالوں کے بعد ابھی کچھ دیر پہلے ایک نادر کتاب کا پھر سے مطالعہ کیا ہے بس اس کی رموز قلم پر ، معاف کیجے گا کی بورڈ پر طاری ہو گئیں ۔