اس سے پہلے کی آپ مزید مراسلہ جات پڑھیں ، اس موضوع کے بنیادی مقاصد اور وجہ جان لیں تو آسانی رہے گی۔

فورم پر بہت عرصے سے احادیث پر ایک بحث چل رہی ہے جس میں بعض ممبران کا اعتراض تھا کہ احادیث ، خلاف قرآن ہیں ، صرف وہی احادیث قابل قبول ہیں جو موافق قرآن ہیں۔ اس کے برعکس دیگر ممبرا ن کا کہنا تھا کہ احادیث خلاف قرآن نہیں ہیں۔ پھر ایک موضوع میں ایک ممبر نے کافی زیادہ احادیث پیش کیں جن پر اعتراضات وارد کئیے گئے کہ یہ احادیث ہر اعتبار سے قران کے خلاف ہیں۔

چونکہ اُس تھریڈ میں خاصا جھمگٹا بن گیا تھا اور تھریڈ خاصی طوالت اختیار کر گیا تھا اس لیے فیصلہ کیا گیا کہ ہر حدیث کو علیحدہ علیحدہ ٹاپکس میں ڈسکس کیا جائے گا تاکہ سمجھنے میں آسانی رہے۔
یہ اس سلسلے کا پہلا ٹاپک ہے اور اس میں دوائی کو منہ کے گوشے میں دالنے کی کراہت کی حدیث پر ڈسکشن کی جائے گی۔

اس تھریڈ کے سلسلے میں یاد رکھیے گا کہ
1: محض متعلقہ حدیث پر ہی ڈسکشن کی جا سکے گی۔ مزید کوئی حدیث اعتراض کے لیے پیش نہیں کی جائے گی
2: غیر ضروری، کمنٹس پر مبنی مراسلہ جات ڈیلیٹ کر دئیے جائیں گے
3:جو بھی اعتراض ہو اسکو تفصیلی انداز میں پیش کیا جائے نہ کہ محض ایک آدھ جملےمیں کمنٹ کی صورت میں۔
4: ہر فریق کو مناسب وقت دیا جائے گا اپنا موقف پیش کرنے کا۔ جب ایک فریق موقف پیش کر رہا ہو گا دوسرا فریق صبر و تحمل سے اس کی بات سُنے گا۔


۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔
جی شروع کرتے ہیں پچھلے صفحہ پر موجود اعتراض شدہ حدیث سے۔اور اسی ترتیب سے چلتے جائیں گے۔
میں ہوں اپکا میزبان حیدر اور ایک ایک کر کے احادیث کو آپ کے سامنے لاتا جاؤں گا۔

رانا صاحب آپ نے اعتراض کیا کہ دوائی کو منہ کے گوشے میں ڈالنے والی حدیث خلاف قرآن ہے۔ پھر آپ نے کہا کہ یہ قرآن میں بیان کردہ نبی کریم صلی اللہ علیہ وسلم کے اخلاق کے منافی ہے۔ آپ کا یہ بیان تھوڑی تفصیل کا متقاضی ہے۔ تفصیل سے بیان کریں کہ اس حدیث میں کیا کُچھ خلاف قرآن ہے۔

نوٹ : جب تک رانا صاحب اس پر اعتراض وارد کرتے ہیں تب تک باقی احباب صبر کا مظاہرہ کریں۔