اس سے قبل کہ آپ اس تھریڈ میں موجود موضوع پڑھیں یا کسی قسم کا مراسلہ بھیجیں بہتر ہو گا کہ میری مندرجہ ذیل گزارشات پر توجہ کر لیں تاکہ ہم اس تحقیق کو بہتر انداز میں آگے بڑھا سکیں

باوجود اس کے کہ میں جمہوری انداز کو پسند کرتا ہوں لیکن میں یہ بھی سمجھتا ہوں کہ کہیں کہیں آمریت بھی ضروری ہے۔ ویسے تو پورا فورم کھُلا پڑا ہے جس کا جہاں جی چاہے پوسٹنگ کر سکتا ہے۔ لیکن چونکہ احادیث والےیہ تھریڈز میری طرف سے شروع ہو رہے ہیں اس لیے میں چند اصول و ضوابط واضح کر دینا بھی ضروری سمجھتا ہوں تاکہ ہماری یہ تحقیق کسی منطقی انجام تک پہنچ سکے۔ کیونکہ میرا ذاتی ارادہ ہے کہ اس ایک موضؤع میں سموئے ہوئے تین موضوعات پر اس فورم میں پیش کی جانے والی مثبت تحاریر لکھنے والوں کے نام کے ہمراہ پرنٹ کروا کر فی سبیل اللہ تقسیم بھی کیا جائے گا۔ تاہم جب اللہ نے مجھے اس معاملے میں مالی توفیق دی۔ چناچہ لکھتے وقت محتاط رہیے گا کہ یہ شائع ہونے کے بعد تبدیل نہیں ہو سکے گا۔

اس تھریڈ کے اصول و ضوابط:
1: ایک تھریڈ میں جو موضوع ہو گا صرف اُسی پر بات ہو گی۔ اگر کسی کے ذہن میں اُس موضوع کو پڑھتے ہوئے کوئی غیر متعلقہ سوال ذہن میں آ جائے تو اس مقصد کے لیے وہ الگ سے تھریڈ بنا سکتا ہے۔ کیونکہ میں ہر غیر متعلق سوال کو تھریڈ میں سے ڈیلیٹ کروا دوں گا۔

2:ایک دوسرے کی ذاتیات پر مبنی جملے یا الفاظ استعمال نہ کیے جائیں۔ اس سے نہ صرف استعمال کرنے والے کے بارے میں مثبت خیال منتشر ہو جاتے ہیں بلکہ جب میں ان الفاظ کو ایڈٹ کرواؤں گا تو مجھے بھئ افسوس اور دکھ ہوگا۔

3:ایک دوسرے کے بزرگان یا پسند نا پسند پر کوئی بات نہیں کی جائے گی۔ کیونکہ اگر کسی بزرگ پر کوئی جملہ کہا جائے گا تو وہ فوراً حذف کر دیا جائے گا۔تاہم تحقیقی مراسلہ میں کسی بزرگ پر جو بھی تنقید کی جائے گی اس کا ثبوت دینا خود تنقید کرنے والے کے ذمہ ہو گا۔ مثلاَ اگر کوئی کہتا ہے کہ فلانا محدث جھوٹا تھا تو یہ ثابت کرنا الزام لگانے والے کی ہی ذمہ داری ہو گی۔ تاہم کوشش کی جائے کہ الفاظ کے چُناو میں احتیاط برتی جائے ۔ ورنہ سخت جملے کے کسی متبادل نرم جملے کے لیے کسی بھی صاحب زبان کی مدد حاصل کی جا سکتی ہے۔

4: ایک دوسرے کی تائید یا انکار تو کیا جا سکتا ہے، ایک دوسرے کی سپورٹ یا یاد دہانی کے لیے بھی لکھا جا سکتا ہے۔ لیکن کوئی بھی غیر متعلق بات نہ کی جائے کہ جس سے موضؤع کے بھٹکنے کا اندیشہ ہو جائے۔

5: کسی اور تھریڈ کا حوالہ یا ماضی کا حوالہ نہیں دیا جائے گا۔

6: ایک دوسرے کو قائل کرنے کے لیے دلیل کا استعمال تو کیا جا سکتا ہے یا خاموشی اختیار کی جا سکتی ہے لیکن طنزیہ انداز میں نصیحتیں یا قرآنی آیات وغیرہ پیش نہیں کی جا سکتیں

7: ان موضوعات پر پہلے سے کی گئی تحقیق کو بھی پیش کیا جا سکتا ہے لیکن اپنے الفاظ میں۔ کیونکہ کاپی پیسٹ کرنے سے وہ لوگ شدید متاثر ہوتے ہیں جو خود محنت کر رہے ہوتے ہیں

8:مکمل مراسلہ کا اقتباس کرنے کے بجائے محض اسی حصہ کا اقتباس کیا جائے جس کا جواب دینا ہو

9:اپنا جواب تفصیلی لکھیں۔ گول مول جوابات یا فضول جملہ جات ڈیلیٹ کر دئیے جائیں گے

10:محض اردو اور عربی کی اجازت ہے۔ کسی تیسری زبان میں اپنا موقف یا موقف کے اضافی حصے پیش مت کئیے جائیں۔ ورنہ ڈیلیٹ کر دئیے جائیں گے۔یا مکمل مراسلہ ڈیلیٹ کر دیا جائے گا۔

کیا آپ چاہتے ہیں کہ اس متنازعہ ترین موضوع کا تنازعہ ختم/کم کر کے ہم اسلام اور فورم کی تھوڑی سی خدمت کر جائیں؟ اگر ہاں تو اس موضوع کی تحقیق میں مصروف افراد کی عملی مدد کیجیے۔ خواہ آپ کسی بھی نقطہ نظر کے ہوں۔

شکریہ