اللہ کی رحمت اور اللہ کا غضب

اللہ کی رحمت اور اللہ کا غضب · 16-05-08, 05:35 PM

بِسْمِ اللّهِ الرَّحْمـَنِ الرَّحِيمِ

عَنْ اَبِیْ ھُرَیْرَۃَ رَضِیَ اﷲ عَنْہُ قَالعَنْ اَبِیْ ھُرَیْرَۃَ رَضِیَ اﷲ عَنْہُ قَالَ قَالَ رَسُوْلُ اﷲ صَلَّی اﷲ عَلَیْہِ وَسَلَّمَ: ''لَمَّاقَضَی اﷲ الْخَلْقَ،کَتَبَ فِیْ کِتَابِہ عَلیٰ نَفْسِہ،فَھُوَ مَوْضُوْعٌ عِنْدَہ:اِنَّ رَحْمَتِیْ تَغْلِبُ غَضَبِیْ''۔

رواہ مسلم (وکذلک البخاري والنسائي وابن ماجۃ)۔

ترجمہ : حضر ت ابو ہر یر ہ ر ضی اللہ عنہ سے روایت ہے کہ رسو ل اللہﷺنے فر ما یا ۔ '' جب اللہ تعا لیٰ نے کا ئنا ت کی تخلیق مکمل کرلی تو اپنی کتاب میں اپنے متعلق لکھ د یا جو کہ اس کے پا س موجو د ہے۔ـ''تحقیق میر ی رحمت میر ے غضب پر غا لب رہے گی۔'' (مسلم ،بخاری،نسا ئی ،ابن ما جہ)
تشریح: از مفتی عتیق الرحمٰن شہید
رحمت خدا وند ی کی وسعت کے مطا بق قرآن کریم میں آتا ہے۔ورحمتی وسعت کل شیئ۔(اور میر ی رحمت ہر چیز پر وسیع ہے )۔اور اس حدیث مبارک میں فرمان ہے :''میری رحمت میرے غضب پر غالب رہتی ہے''۔یعنی جب ایک طرف غضب کے تقاضےہوں اور دوسری طرف رحمت کے تقاضےہوں تو رحمت الٰہیہ کاپلڑا بھاری رہے گا۔لہٰذا اگر کوئی ایسا عمل سرزد ہوجائے جو غضب خداوندی کو دعوت دیتاہوتو فوراً ہی ایسا عمل انجام دے لینا چاہیے جو رحمت خداوندی کو کھینچنے والا ہو چنانچہ ا ﷲ کی رحمت کا پہلو اﷲ کے غضب وغصہ پر غالب آجائے گااوراس کی مغفرت کی راہہموار ہوجائے گی ۔آپ الفاظ ِحدیث میں غور کریں ! کس طرح مایوسیوں کے بادل چھٹتےہوئے اورامیدوں کی گھٹا چھاتی ہوئی نظر آتی ہے کہ اﷲ کی رحمت،غصہ پر غالب ہی رہتی ہے اوریہ بات لکھ کر اﷲ تعالیٰ نے اپنے پاس رکھی ہوئی ہے۔ گویا اس کی خلاف ورزی ہوہی نہیں سکتی ۔ان اﷲ لایخلف المیعاد (اﷲ تعالیٰ کبھی بھی وعدہ خلافی نہیں کرتے)۔
ایک حدیث شریف میں آتاہے کہ اﷲ تعالیٰ نے رحمت کے سو(١٠٠) حصے کئے ہیں جن میں سے ننانوے(٩٩) حصے اپنے پاس رکھے کہ ان سے اپنی مخلوق پر رحم کریں گے اور ایک حصہ مخلوقات میں تقسیم کردیا ۔یہ اسی سوویں (١٠٠) حصے کی برکت ہے کہ مخلوقات باہمی طور پر محبت ومؤدت سے پیش آتی ہیں ۔ماں باپ اپنی اولاد کے لئے شفقت وپیار کے جذبات رکھتے ہیں۔جب ایک حصہ کا یہ کرشمہ ہے تو جس ذات کے پاس ننانوے (٩٩) حصے ہیں اس کے رحم وکرم اور عفوودرگزر کا کیاعالم ہوگا!!۔
تاریخی روایت ہے کہ حجاج بن یوسف کے انتقال کے وقت اس کی ماں بہت غمگین اور پریشان تھی ۔حجاج کے پوچھنے پر اس نے کہا کہ بیٹا تمہارے لئے پریشان ہوں کہ تمہاراکیابنے گا؟اس نے کہا :'' اماں!اگر تمہیں جنت یادوزخ کااختیار مل جائے توتم مجھے کہاں ڈالوگی؟''اس نے کہا :''جنت میں !''۔حجاج کہنے لگا کہ جس اﷲ کے پاس میں جارہاہوں وہ تم سے بھی ننانوے (٩٩) درجے زیادہ رحیم ہے۔
اﷲ اپنی رحمتوں کے دامن میں جگہ نصیب فرمائے۔(آمین)

**سیپ** · 16-05-08, 06:52 PM

اسلام و علیکم ورحمۃاللہ وبرکاۃ
جزاک اللہ

**میاں شاہد** · 17-05-08, 09:48 AM

اقتباس:

اصل مراسلہ منجانب : سیدہ ثوبیہ ناز

اسلام و علیکم ورحمۃاللہ وبرکاۃ
جزاک اللہ

وعلیکم السلام

اللہ آپ کو خوش رکھے

**مسٹر گرزلی** · 26-05-08, 03:26 PM

بہت عمدہ۔لیکن میرے خیال میں یہ حدیث ، حدیث قدسی کے زمرے میں نہیں آتی۔جیسا کہ مفتی صاحب رحمہ اللہ کی تحریر میں ہے:
"حدیث قدسی احادیث طیبہ کی ایک خاص قسم ہے جو نبی کریم صلی اﷲعلیہ وسلم سے اس طرح روایت کی جاتی ہے کہ آپ صلی اﷲعلیہ وسلم اسے براہ راست اﷲ رب العزت کی طرف منسوب کرکے بیان فرماتے ہیں "
واللہ اعلم

**میاں شاہد** · 26-05-08, 04:49 PM

اقتباس:

اصل مراسلہ منجانب : مسٹر گرزلی

بہت عمدہ۔لیکن میرے خیال میں یہ حدیث ، حدیث قدسی کے زمرے میں نہیں آتی۔جیسا کہ مفتی صاحب رحمہ اللہ کی تحریر میں ہے:
"حدیث قدسی احادیث طیبہ کی ایک خاص قسم ہے جو نبی کریم صلی اﷲعلیہ وسلم سے اس طرح روایت کی جاتی ہے کہ آپ صلی اﷲعلیہ وسلم اسے براہ راست اﷲ رب العزت کی طرف منسوب کرکے بیان فرماتے ہیں "
واللہ اعلم

مندرجہ ذیل جملہ میں لفظ ‌”میری“ اس بات کی دلیل ہے‌کہ یہ اللہ رب العزت نے اپنے بارے میں کہا ہے نہ کہ کسی اور نے اللہ کے بارے میں

اقتباس:

اصل مراسلہ منجانب : میاں شاہد

”تحقیق میر ی رحمت میر ے غضب پر غا لب رہے گی۔“

16-05-08, 06:52 PM	#2
سیپ Administrator تاریخ شمولیت: Apr 2008 مقام: دلِ ویران مراسلات: 10,064 کمائي: 1,047,224 شکریہ: 5,798 6,278 مراسلہ میں 15,255 بارشکریہ ادا کیا گیا	جواب: اللہ کی رحمت اور اللہ کا غضب اسلام و علیکم ورحمۃاللہ وبرکاۃ جزاک اللہ Share Share this post on Digg Del.icio.us Technorati Twitter Facebook!

26-05-08, 03:26 PM	#4
مسٹر گرزلی Senior Member تاریخ شمولیت: Mar 2008 مراسلات: 1,113 کمائي: 11,897 شکریہ: 152 334 مراسلہ میں 572 بارشکریہ ادا کیا گیا	جواب: اللہ کی رحمت اور اللہ کا غضب بہت عمدہ۔لیکن میرے خیال میں یہ حدیث ، حدیث قدسی کے زمرے میں نہیں آتی۔جیسا کہ مفتی صاحب رحمہ اللہ کی تحریر میں ہے: "حدیث قدسی احادیث طیبہ کی ایک خاص قسم ہے جو نبی کریم صلی اﷲعلیہ وسلم سے اس طرح روایت کی جاتی ہے کہ آپ صلی اﷲعلیہ وسلم اسے براہ راست اﷲ رب العزت کی طرف منسوب کرکے بیان فرماتے ہیں " واللہ اعلم Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Currently Active Users Viewing This Thread: 1 (0 members and 1 guests)