ام غزل

محترم پاک نیٹ ممبرز اس ماہ میں کچھ ہٹ کے کرنے کا سوچ رہی تھی تو خیال آیا کہ کیوں نہ ایک تقریری مقابلہ کروایا جائے ، اس طرح ہمارے ادیب ممبرز کی شکائیت کا ازالہ بھی ہوجائے گا !
سو تقریر کا عنوان کچھ یوں ہے کہ !!!!
ہم نے پاکستان کو کیا دیا

ہم اکثر یہ شکائیت کرتے نظر آتے ہیں کہ پاکستان نے ہمیں کیا دیا ، مگر ہم میں سے کسی کو شائد یہ خیال کبھی نہ آیا ہو کہ ہم نے اپنے وطن کو کیا دیا یا ہم نے اپنے وطن کیلئے کیا کیا ؟؟؟

شروع ہوجائیں سب ۔۔۔۔۔

اس مقابلے کی آخری تاریخ ہوگی 6 جولائی یعنی ٹھیک ایک ماہ بعد ۔
پہلا انعام حاصل کرنیوالے ممبر کو ملیں گے 5000 پوائنٹس
دوسرا انعام حاصل کرنیوالے کو 3000 پوائنٹس
اور تیسرا انعام حاصل کرنیوالے ممبر کو ملیں گے 2000 پوائنٹس

اور ہر تقریر پر ممبر حاصل کریں گے 500 پوائنٹس ، مگر اس بار ایک ممبر صرف ایک ہی تقریر مقابلے میں شامل کرسکتا ہے ۔

عدنان

ام غزل آپ نے بہت اچھا سلسلہ شروع کیا ہے
اگر چہ ابھی میں اس قابل نہیں‌ہوا لیکن انشااللہ میں کوشش کروں گا کچھ نہ کچھ لکھنے کی

ام غزل

بس تو بھائیوں شروع ہوجاؤ ۔۔۔۔ بہنوں اس لئے نہیں لکھا کہ ابھی تک کسی بہن کا تبصرہ یا تحریر سامنے نہیں آئی ۔
شکریہ۔

منتظمین

پہلے جیتنے والے کو 20 ہزار، دوسرے کو 10 ہزار اور تیسرے کو 7 ہزار پوائنٹس میری طرف سے بھی انعام میں شامل کر لیں۔

__________________
"یہ ضروری تو نہیں کہ ہم جن سے محبت کرتے ہیں ان کے ساتھ زندگی بھی بتا سکیں"

ام غزل

اس اعلان کے بعد تو جسے نہیں آتا وہ بھی حصہ تو ضرور لے گا ۔۔۔۔ ایسا میرا خیال ہے

shafresha

سلام،
منتظمین صاحب کے اس "بگ بینگ" اعلان کے بعد میرے خیال میں‌ کم از کم سطریں یا ذیادہ سے ذیادہ سطروں کا تعین بھی کیا جانا ضروری ہے، ورنہ کچھ ساتھی بہت طویل اور کچھ بہت مختصر تحریر بھی لکھ سکتے ہیں۔
شکریہ

shafresha

سلام،
منتظمین صاحب کے اس "بگ بینگ" اعلان کے بعد میرے خیال میں‌ کم از کم سطریں یا ذیادہ سے ذیادہ سطروں کا تعین بھی کیا جانا ضروری ہے، ورنہ کچھ ساتھی بہت طویل اور کچھ بہت مختصر تحریر بھی لکھ سکتے ہیں۔
شکریہ

رضی

اور یہ تقریری مقابلہ کب تک جاری ہے ۔

فیصل ناصر

6 جولائی آخری تاریخ ہے کا اعلان ہوچکا ہے

wajee

چھ جولائی ہے نا پھر تو میں سو سو کر لکھوں گا

سحر

بسم اللہ الرحمٰن الرحیم

ہم نے پاکستان کو کیا دیا ۔ یہ ایک سلگتا ہوا سوال ہے جس کا جواب حاصل کرنے کے لیے ہم کو پرخار راستوں پر چلنا ہوگا ۔
ہم اگر حقیقت پسندی سے سوچیں تو ہم کو اعتراف کرنا ہوگا کہ

اگر ہم نے پاکستان کو ایک طرف بے ایمانی ، بدنظمی اور تفرقہ بازی کا تحفہ دیا ہے تو دوسری طرف محنت ، جفاکشی اور صبر کی مثالیں قائم کی ہیں
اگر ہم نے ایک طرف ملک کو لوٹنے والے حکمران دیے ہیں تو دوسری طرف عبدالستار ایدھی جیسے عوام کی فلاح کرنے والے لوگ بھی دیے ہیں
اگر ہم نے پاکستان کو خودغرض اور دھوکہ باز سیاستدان دیے ہیں تو راشد منہاس اور میجر عزیز بھٹی جیسے بے غرض سپاہی بھی دیے ہیں
اگر ہم 1971 میں پاکستان کو دولخت ہونے سے نہ بچاسکے تو ہم نے 1965 میں شہیدوں کے لہو سے اس کی سرحدوں کی حفاظت بھی کی ہے
اگر ہم نے ذرداری جیسا ضمیر فروش اس ملک کو دیا ہے تو ڈاکٹر قدیر جیسا بے غرض انسان بھی دیا ہے
اگر ہم نے پاکستان کے اوپر امریکہ کے اشارہ پر چلنے کا ٹھپہ لگا کر اس کا سر نیچاکیا تو اس کو نیوکلر پاور بناکر اس کا سر بلند بھی کیا ہے

ہم نے پاکستان کو کچھ نہیں دیا سوائے ایسے پاکستانیوں کے جو ہر طرح کی مشکلات کے باوجود آج بھی پاکستان کے اوپر اپنی جان قربان کرنے کو تیار ہیں۔ میں یقین کے ساتھ کہتی ہوں کہ اگر آج پاکستان کی سرحدوں کی حفاظت کی بات آئے تو ہر گھر سے ایک بچہ ، ایک جوان ،ایک بوڑھا اس کی حفاظت کے لیے ضرور نکلے گا
آخر میں صرف اتنا کہوں گی
ہماری شناخت پاکستان سے ہے اور پاکستان کی ہم سے

اللہ ہمارا اور پاکستان کا حامی و ناصر ہو

رضی

شکریہ بھائی میں نے دراصل اوپر دوبارا دیکھا ہی نہیں ۔

shafresha

سحر بہن اب آپ مقابلے میں‌کیا لکھیں‌گی؟؟؟

سحر

دو لوگوں میں کمیونیکیشن کا اصول ہے کہ بات سمجھانے کی ذمہ داری بات کرنے والے کی ہوتی ہے ۔

برائے مہربانی اپنی ذمہ داری نبھائیں

مطلب آپ کی بات سمجھ نہیں آئی ۔

شکریہ

shafresha

اپنے مُراسلے کی تصیح کر دی ہے، "اب" کی جگہ "ان" لکھ دیا تھا۔
معافی چاہتا ہوں دراصل یہ کہنا چاہتا تھا کے اب آپ مقابلے میں کیا لکھیں‌گی؟ کیونکہ آپ نے اپنا موقف تو بیان کرہی دیا ہے۔

طاھر

السلام علیکم،

مقابلے کدھر ہو رہا ہے؟ کیا اس کے لیئے کسی اور تھریڈ‌میں لکھنا پڑے گا؟

والسلام

طاہر