ام غزل

محترم پاک نیٹ ممبرز اس ماہ میں کچھ ہٹ کے کرنے کا سوچ رہی تھی تو خیال آیا کہ کیوں نہ ایک تقریری مقابلہ کروایا جائے ، اس طرح ہمارے ادیب ممبرز کی شکائیت کا ازالہ بھی ہوجائے گا !
سو تقریر کا عنوان کچھ یوں ہے کہ !!!!
ہم نے پاکستان کو کیا دیا

ہم اکثر یہ شکائیت کرتے نظر آتے ہیں کہ پاکستان نے ہمیں کیا دیا ، مگر ہم میں سے کسی کو شائد یہ خیال کبھی نہ آیا ہو کہ ہم نے اپنے وطن کو کیا دیا یا ہم نے اپنے وطن کیلئے کیا کیا ؟؟؟

شروع ہوجائیں سب ۔۔۔۔۔

اس مقابلے کی آخری تاریخ ہوگی 6 جولائی یعنی ٹھیک ایک ماہ بعد ۔
پہلا انعام حاصل کرنیوالے ممبر کو ملیں گے 5000 پوائنٹس
دوسرا انعام حاصل کرنیوالے کو 3000 پوائنٹس
اور تیسرا انعام حاصل کرنیوالے ممبر کو ملیں گے 2000 پوائنٹس

اور ہر تقریر پر ممبر حاصل کریں گے 500 پوائنٹس ، مگر اس بار ایک ممبر صرف ایک ہی تقریر مقابلے میں شامل کرسکتا ہے ۔

wajee

اسی دھاگہ میں لکھنا ہے میرے خیال سے باقی غزل سے پوچھے

طاھر

آپ کا شکریہ !

غزل صاحبہ - اس موضوع پر مزید روشنی ڈالیں، میرا مطلب ہے کہ قواعد و ضوابط !

والسلام

طاہر

__________________

ام غزل

محترم بھائی آپ سب ممبران کی تقاریر بھی یہیں بھیجی جائیں گی ۔۔اور مجھے لگتا ہے کہ باقی کے قواعد میں اپنی پوسٹ کے شروع میں بیان کرچکی ہوں ۔

شاہد بھائی نے کہا کہ تحریر کتنی لمبی یا چھوٹی ہو اس کا تعین بھی کرلیا جائے تو اس بارے میں صرف اتنا ہی کہوں گی کہ کوانٹٹی کی بجائے کوالٹی کو مدٍ نظر رکھنا مناسب ہو گا ۔۔

اور سحر جی کی تحریر کو ان کی طرف سے تقریر کے طور پر لیا جائے یا یہ صرف ان کا تبصرہ تھا اس کا جواب وہی دیں تو بہتر ہے تاکہ ان کو پوائنٹس دئے جاسکیں ۔
شکریہ ۔

فیصل ناصر

بھئی سحر جی تو بازی لے گئیں
میرے خیال میں تو یہ تقریر ہی پوسٹ کی ہے انہوں نے
آپ پوائنٹس دے ہی دیں غزل جی

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

سحر

جی فیصل بھائی آپ نے ٹھیک کہا
ام غزل یہ میں نے تقریر ہی پوسٹ کی ہے

ام غزل

سحر جی آپ کی پہلی اور اچھی کوشش پر پاک نیٹ کی طرف سے آپ کو ملے 500 پوائنٹس

wajee

اسلام علیکم

میری پڑھنےوالی تقریر ہم نے پاکستان کو کیا دیا؟

آجکل بزرگ ،جوان اور حتی تک کے بچے سے بھی یہی سنے کو مل رہا ہے کہ پاکستان نے ہم کو کیا دیا میں ان سے صرف اتنا کہوں گا کبھی

پاکستان بن کر خود اپنے سے سوال کریں کے آپ نے پاکستان کو کیا دیا ہے

ہاں پاکستان نے ہم کو بہت کچھ دیا ہے ایک طرف ٹھاٹھے مارتا ہوا سمندر تو ایک طرف بہتے ہوئے دریا تو ایک طرف سرسبز وشاداب لہلاتے

کھیت تو ایک طرف بلند وبلاہ پہاڑ اتنا کچھ پاکستان نے دیا ہے پھر بھی پاکستان سے شکوہ کیوں

ہاں ہم نے پاکستان کو یہ دیا ہے بم دھماکہ ،لوٹ مار ،چوری ہر بری چیز ہم نے پاکستان کو دی ہے پھر بھی پاکستان نے اپنی محبت کو قائم رکھتے

ہوئے اپنے دل میں بسایا رکھا

آج ہم اتنے پیچھے ہیں جو پاکستان کے بعد آزاد ہوئے ہیں آج انکی ترقی کو ہم نہیں پہنچ سکتے

ہاں رشوت میں چوری میں اور دھماکوں جیسی ترقی تو کسی اور ملک نے نہیں کی جتنی ہم نے پاکستا ن کو اس میں پہنچایا ہے ہم نے پاکستان کو

یہ دیا ہے اگر آج ہر شخص اپنی ذمہ داری کو جان لے تو آج ہی پاکستان اُن ملکوں تک ترقی کر لے گا جن کی کوئی حد نہیں ہے

لیکن ہم تو سارا الزام دیتے ہی پاکستان کو ہیں ہم اپنے گریبان میں تو جھانکے تک کی کوشش نہیں کرتے

"قرآن میں اللہ فرماتا ہے
میں اس قوم کی حالت نہیں بدلتا جو خود اپنی حالت نہیں بدلتی"

تو پھر جب اللہ نے خود کہہ دیا ہے تو ہم کیوں ایک دوسرے کو کہتے ہیں ہمیں خود سدھرنا ہو گا اور پھر پاکستان خود کہے گا کہ ہاں تم نے مجھے بہت

کچھ دیا ہے

لیکن اسکے لیے ہم کچھ کرنا ہے

__________________

Haya 786

مقابلہ ختم تو نہیں ھوا ؟؟؟

6 جولائ ھے نا آخری تاریخ ؟؟

میں نے ابھی لکھا نہیں ابھی لکھنا ھے

اور


پہلا انعام میں نے ھی لینا ھے



زبردستی ھی سہی

ام غزل

اچھی کوشش پر وقاص بھائی کو 500 پوائنٹس ،
بس وقاص بھائی املا کی غلطیاں درست کرلیں باقی بہت اچھی کوشش ہے ۔

سحر

ہماری طرف سے آپ کو ابھی سے پہلا انعام ملتا ہے۔

ام غزل

ارے بھئی آپ تو اتنا اچھا لکھتی ہیں کہ ذبردستی کی ضرورت ہی نہیں پڑے گی ،
چلیں تو پھر شروع ہوجائیں ۔

Haya 786

شکریہ سحر اور غزل

ویسے سب اچھا لکھنے والے اتنے خاموش کیوں ھیں
انجم شاہ کا قلم تو بھاگتا ھے ھر موضوع پہ
فیصل بھائ اچھے مضمون کے ساتھ ساتھ اشعار کی بھی بارش کرتے ھیں
اور بھی بہت سے لکھاری ھیں کوئ میدان میں نہیں آرھا

رضی

سحر جی حیا بہن کے 500 پوائنٹس نکالیں پھر جلدی سے ۔۔۔۔جلدی کریں











حیا جی اس میں سے 250 میرے ہیں ۔ڈنڈی نہ ماریئے گا۔

__________________

بازو ترا توحید کی قوت سے قوی ہے
اسلام ترا دیس ہے ، تو مصطفوی ہے

defender

عنوان تو اچھا ہے۔لیکن اس پر کچھ لکھنا ایسا ہی ہے آگ کا ہے دریا اور ڈوب کر ہے جانا۔

shafresha

بسم اللہ الرحمن الرحیم،

السلام علیکم
ٓآج مجھے جس موضوع پر لب کشائی کا حکم ملا ہے وہ ہے " ہم نے پاکستان کو کیا دیا "

عزیزانِ من پیارے ہم وطنوں اس اہم موضوع پر اپنے اظہار خیال سے پہلے میں آپ کے سامنے چند باتیں گوش گذار کرنا چاہتا ہوں کہ آج کل یہ کہنا فیشن بن گیا ہے کے" ہمیں اس ملک نے کیا دیا ہے جو ہم اس کو کچھ دیں" ۔ آئیے زرا اس حقیقت پر نظر ڈالتے ہیں کے پاکستان کو کچھ دینا اور اس کے لیئے کچھ کرنا محض قومی فریضہ ہی نہیں بحثیت مسلمان ہم پر لازم بھی ہے۔

آپ نے اکثرعلما ء و صاحبان علم کو ایک لفظ "مملکت خداداد" استعمال کرتے ہوئے سُنا ہوگا۔ اس لفظ کا آسان سا مطلب ایک ایسا ملک ہے جسے اللہ عزوجل کی پشت پناہی(اس لفظ کو محاورة استعمال کیا ہے، کیونکہ اللہ عزوجل پشت ہونے کی علت سے پاک ہے) حاصل ہو۔ کیا آپ یقین کریں گے کے اس ملک کی تشکیل سے لے کر اب تک مسلسل اللہ عزوجل کی خاص رحمتیں اس ملک پر نازل ہوتیں رہیں ہیں۔

یاد کیجیئے وہ وقت جب "وجود زن سے ہے تصویر کائنات میں رنگ"جیسے شعر کہنے والا ایک کلین شیو شخص ایک کمرے میں بیٹھا یہ لکھ رہا تھا:
یاد کیجیئے وہ وقت جب خود مسلمانوں میں غیر مسلم سمجھے جانے والے اسماعیلی فرقے کا امام "مسلم لیگ" بنانے کا اعلان کررہا تھا۔

یاد کیجیئے وہ ووقت جب" لنکن اِن "سے سب سے کم عمری میں قانون کی ڈگری لینے ولا پہلا ہندوستانی کا اعزاز حاصل کرنے والا پکا کانگریسی رہنما اپنی جماعت سے استعفیٰ دے کر مسلم لیگ جیسی "نو مولود" تنظیم کا ممبر بنا۔

یاد کیجیئے وہ وقت جب اُنیس سو تینتیس میں"اب یا کبھی نہیں" (Now or Neve) نامی پمفلٹ لکھتے ہوئے ایک چھتیس سالہ نوجوان کے قلم کی سیاہی سے لفظ "پاکستان" نکلا۔

وہ وقت یاد کیجیئے جب لارڈ ماﺅنٹ بیٹن نے 14 اور 15اگست کی درمیانی رات کو "تقسیم ہند" کے لیئے تجویز کیا۔

وہ وقت یاد کیجیئے جب انڈئین وائسرائے کی جانب سے عشائیے کی دعوت کو قائد اعظم نے "تھینک یو" کہہ کر ٹھکرادیا۔

یہ اور ان جیسے سینکڑوں واقعات از خود نہیں ہوگئے تھے ان سب کے پیچھے قدرت الہیٰ کارگر تھی یعنی یہ سب قدرت الہیٰ کے مجوزہ پلان کا حصہ تھا ۔
دیکھ لیجیئے تاریخ گواہ ہے کے پاکستان کو کسی بھی طور سے نقصان پہچانے یا اس کے خلاف سازشوں کا حصہ بنے والے اس طرح قدرت الہی کے عذاب کا شکار ہوئے کے اُن کی عبرت آمیز داستانیں آج تاریخ کے صفحات پر سنگ و خشت کی طرح بکھری پڑی ہیں۔

برصغیر کی تقسیم کا ذمہ دار انگریز آفیسرجسے لندن واپسی پر "کرپشن"کا الزام لگا بے عزتی سے ایوان سے نکالا گیا ، "گاندھی "کو ایک ہندو ناتھو رام گاڈسے نے ہلاک کردیا، غلام محمد معذوری کی حالت میں اس دُنیا سے رخصت ہوا، سانحہ مشرقی پاکستان کے تمام ذمہ داران، مجیب، اندرا گاندھی، بھٹو اپنے ہی وفاداروں کے ہاتھوں موت کا شکار ہوئے۔ فرنگیوں سے" گندم" کے طور پر بھیک لینے والے کو "کتا" کہہ کر پکارا گیا، خود ساختہ "امیر المومنین" کہلانے کا شوق رکھنے ولااور خلوت میں شتروگن سہنا کی فلمیں دیکھنے والا جرنیل فضاءہی میں قضائے الہیٰ کا شکار ہوا۔ سکھوں کی فہرستوں کا تبادلہ کرنے والے راجیو گاندھی اور بے نظیر اپنے ہی ملک میں اپنے سینکڑوں حامیوں کے سامنے قاتلانا حملوں میں ہلاک ہوئے۔

اور آج کا حال دیکھ لیجیئے دُنیا کے (بظاہر) "طاقتور ترین شخص" کودرجنوں لوگوں کے سامنے جوتے کھانے پڑے، امپورٹ کیا گیا "ڈمی" وزیر اعظم اس ملک میں داخل نہیں ہو سکتا،مشرف کے اقدامات کے حمایتی "رضا قصوری" کاسب کے سامنے منہ کالا کیا گیا ، محمد علی درانی کو جوتے پڑے، دوسروں کو "مکہ" دکھانے اور مسلمانوں/پاکستانیوں کو پیسوں کے عوض فروخت کرنے والا "جرنیل" آج کسانوں کو حاصل رعایتی بجلی استعمال کرنے جیسے گھٹیا الزامات سے منہ چھپا رہا ہے ۔ ان لوگوں کی ایک طویل فہرست ہے جو اس ملک سے کسی بھی طور سے غداری کے مرتکب ہوئے اور پھر اپنے اعمال کی سزا بھگتے گئے کتنے ہی اور نام اس فہرست میں درج ہونے والے ہیں۔

اس طویل تمھید کے بات یہ ثابت ہوجاتی ہے کے اس ملک کی خدمت کرنا یا اس کے کام آنا ایک ملی ہی نہیں مذہبی فریضہ بھی ہے۔ آپ، میں اور ہم جیسے کروڑوں افراد اپنے حصے کی ذمہ داری پوری نہیں کررہے ہیں۔ ہم تھانوں، عدالتوں، تعلیمی اداروں اور دیگر حکومتی اور نجی اداروں وغیرہ میں اپنا کام نکالنے کے لیئے رشوت دینے کے عادی ہوچکے ہیں۔
زکواة ادا نہ کرنا، نمازوں میں کوتاہی کرنا، غیر مسلموں کی نقالی، شعائر اللہ کا مذاق اُڑانا ، بلاوجہ جھوٹ بولنا، دوسروں کی غیبت اور چغلی کرنا، فحش مناظر دیکھنا، ٹریفک سگنلز کو توڑنا، بجلی چوری کرنا، میرٹ پر شفارش کو ترجیح دینا، فضول رسومات پر لاکھوں روپے خرچ کرنا، تعیشات کا ڈھیر جمع کرنا، نااہلوں کی خاشامد کرنا، ہم وطنوں‌سے تعصب کرنا جیسے سینکڑوں عیبوں کا ہم شکار ہو گئے ہیں۔

میں نے کچھ عرصہ قبل اللہ کی رحمت و کرم سے اپنا محاسبہ کرتے ہوئے یہ عہد کیا تھا کے میں ان تمام عیبوں سے خود کو دور رکھوں گا اور حتی الامکان ان برائیوں سے دوسرے مسلمانوں کو بھی دور رہنے کی تلقین کروں گا۔
میں آج اپنے پیارے وطن سے وعدہ کرتا ہوں کے اے ارض پاک:
1۔ میں تجھے نقصان پہچانے والی کسی سازش میں ہرگز معاونت نہیں کروں گا!
2۔ میں تیرے دیدہ و نادیدہ دشمنوں سے ہمیشہ نفرت کا اظہار کروں گا!
3۔ میں تیرے دشمنوں کا مقابلہ اپنی تمام تر طاقت اور قوت کے ساتھ کروں گا!
4۔ میں اپنی ذات کی وجہ سے تیرا پاک دامن کبھی داغدار نہیں ہونے دوں گا!
5۔ میں تیری بقا کے لیئے اپنے مال و جان سے جہاد کروں گا!

اے پاک وطن مجھ سے پوچھا گیا ہے کے میں نے "پاکستان کوکیا دیا" اے دلرُبا، میری سب سے قیمتی چیز میرے دو ننھے پھول، میری بیٹیاں ہیں۔ میں سنت ابراھیمی کی نقل کرتے ہوئے اُنہیں تجھ پر وارنے کا عہد کرتا ہوں اور یہ وعدہ کرتا ہوں کے اُن کی تربیت ایک سچے اور مخلص پاکستانی کی سی کروں گا۔ اے میرے وطن میری یہ ننھی بیٹیاں آج سے تیری امانت ہیں۔

شاید کل کا کوئی اقبال انکے کے لیئے بھی "فاطمہ بنت عبداللہ"جیسی نظم لکھے اور دیکھنے والے یہ کہنے پر مجبور ہوجائیں کے:

"ایسی چنگاری بھی یارب، اپنی خاکستر میں تھی!"