پاکستانی

صرف ان اراکین کو اسلامی سیکشن کی رسائی دی جائے جو صرف "میں " سے ہٹ کر کچھ کہنے اور سننے کی ہمت رکھتے ہوں ۔ ایسے اراکین جو پاک۔نیٹ کے ماحول میں انتشار پھیلانے کا سبب بن رہے ہیں ان کو عارضی آرام پر بھیج دینا چاہیے ۔ کچھ دوست نیا تھریڈ کھول کر سمجھتے ہیں پچھلے گناہ معاف ہوگئے

__________________

پاکستانی

Moderated Message:

نوٹ:عارضی طور پر احآدیث سے متعلق اختلاف پر پابندی لگا دی گئی ہے۔ تمام ممبران سے التماس ہے کہ احآدیث سے متعلق اختلاف کے لیے نئے تھریڈز یا مراسلہ جات مت پوسٹ کریں اور نہ ہی پرانے تھریڈز پر اس موضوع پر بات کریں۔ تمام سے تعاون کی گزارش ہے۔

حیدر

دیگر احباب خاص کر ایس کے جتالہ، ننھا بچہ، رضی، پاکستانی، عبد القدوس، نبیل خان، مس خان، زبیر افتخار، زارا، عمر، ہادی، نورالدین، اجمل، مرزا عامر، طارق راحیل

کی رائے اہمیت کی حامل ہے۔

جبکہ فریقین
فاروق سرور خان، رانا عمار

اور
عادل سہیل، عبد اللہ حیدر، عبد اللہ آدم، شکاری، کنعان، آبی ٹو کول، راجہ اکرام، رفیق طاہر وغیرہ کی رائے کا انتظار رہے گا

شکاری

بہت شکریہ حیدر صاحب، کہ آپ نے کم سے کم اس مسئلے کی سنگینی کا احساس کیا۔ میری رائے میں‌ علاج شروع کرنے سے قبل اصل مسائل کی تفہیم حاصل کر لینا ضروری ہے۔ پھر اس میں‌ اہم و غیر اہم یا کم اہم کی تقسیم کر کے ان کے حل کی جانب توجہ دی جا سکتی ہے۔ آپ نے جو لسٹ اس ضمن میں بنائی ہے، اس پر پہلے کچھ گزارشات پیش کرنا چاہتا ہوں۔ میں‌ چونکہ گزشتہ کچھ عرصے سے پاک نیٹ پر اس موضوع پر کم و بیش تمام دھاگوں میں‌ شرکت کر چکا ہوں، لہٰذا آپ اسے جاری مسائل کے ایک فریق کی رائے بھی سمجھ سکتے ہیں۔

میری رائے میں‌یہ دونوں‌ہی کوئی اختلافی مسئلہ نہیں‌ہیں۔ انتظامی اعتبار سے اگر احادیث کا انگلش متن پیش کرنے یا طوالت سے دقت ہو، تو الگ بات ہے۔ بحیثیت ایک فریق کے ، ہمیں‌ درج بالا دونوں‌باتوں پر کبھی اعتراض نہیں رہا۔ اور میں‌امید کرتا ہوں کہ میرے دیگر ساتھیوں کو بھی اس پر کوئی اعتراض نہیں‌ہے۔

اس میں‌ڈپلیکیٹ پوسٹس کو بھی شامل کر لیجئے۔ بعض اوقات ایک ہی پوسٹ بہت ہی معمولی سی تبدیلی یا بغیر تبدیلی کے کئی دھاگوں‌میں‌ کر دی جاتی ہے۔ جو دوسرے فریق کے لئے مشکل پیدا کرتی ہے کہ کس دھاگے میں‌جواب دیا جائے۔ اور ڈپلیکیٹ کونٹینٹ ویسے بھی یوزرز کے علاوہ سرچ انجن کے لئے بھی تکلیف کا باعث ہوتے ہیں‌اور اس سے نیٹ پر ویب سائٹ کی رینکنگ متاثر ہوتی ہے۔
خیر، درج بالا چاروں‌ مسائل صرف رانا عمار مظہر صاحب کے ساتھ ہیں۔ اسے تنقید نہ سمجھئے گا، میری رائے میں‌وہ خود اس ضمن میں معذور ہیں، یا انہیں احساس ہی نہیں‌کہ ان کے اس طرز عمل سے کسی کو تکلیف ہوتی ہوگی۔ انہیں انتظامیہ مناسب الفاظ و انداز میں‌سمجھا دے تو میں سمجھتا ہوں کہ وہ اس قسم کے انتظامی مسائل کو قبول کرتے ہوئے اپنے طرز عمل میں‌ضرور تبدیلی پیدا کر لیں‌گے۔

یہ مسئلہ حال ہی میں‌پیدا ہوا ہے۔ جلدی جلدی بہت سارے ایک جیسےموضوع پر دھاگے بنا کر ہر دھاگے میں‌دیگر دھاگوں کے لنکس دیا جانا بھی اس میں‌شامل کر لیجئے۔ اس میں‌ کوئی جنرل قانون بنانا تو شاید ممکن نہ ہوگا، ہاں ہر انفرادی کیس کو انتظامیہ علیحدہ ڈیل کر سکتی ہے۔

یہ بہت بڑا مسئلہ ہے کہ اسلامی سیکشن میں‌ گفتگو کرنے والے احباب موضوع کا خیال رکھے بغیر کسی گپ شپ سیکشن کی طرح ہر موضوع پر آزادانہ اظہار خیال کرتے رہیں۔ میرا مشورہ یہ ہے کہ پورے اسلامی سیکشن پر نہ سہی، اگر صرف اختلافی مسائل والے دھاگوں‌ پر موضوع کے مطابق پوسٹ کرنے کی پابندی لگانا ممکن ہو تو کم سے کم اسے ضرور امپلی مینٹ کروا لیا جائے۔ چند وارننگز، پوسٹس میں‌ڈیلیشن یا ترمیم کردینے سے آہستہ آہستہ موضوع کے تحت بات کرنے کا شعور ضرور بیدار ہوگا۔

ایک دوسرے پر ذاتی حملے، طعن و تشنیع، لطیف یا کثیف چوٹیں کرنا، تضحیک یا تحقیر۔ یہ سب خرابیاں‌ ہیں۔ میں‌خود ان میں‌مبتلا ہوں۔ عمل سمجھئے یا رد عمل۔ یہ تو نہیں‌ ہو سکتا کہ فریقین آپس میں‌ایک دوسرے سے چٹکلے نہ لیں۔ لیکن یہ بات گفتگو کرنے والوں تک ہی رہے یا ہم عصر اور اخلاف تک، تو میرے خیال میں‌ مجھ سمیت دیگر لوگ بھی اسے برداشت کر سکتے ہیں۔لیکن جب بات اسلاف تک متعدی ہو جاتی ہے، تو پھر علمیت سے زیادہ جذباتیت داخل ہو جاتی ہے، اور ہر شخص سیر کو سوا سیر بن کر دکھانے کی فکر میں‌مبتلا ہوتا ہے اور بات گھمبیر ہو جاتی ہے۔ لہٰذا اس مسئلے کی جڑ یہ ہے کہ آپس میں‌ایک دوسرے سے شوخیاں کر لی جائیں‌( (، اگرچہ یہ بھی نہ ہوں تو بہتر ، لیکن کوئی فریق دوسرے کے اسلاف پر بدزبانی یا زبان طعن دراز نہ کرے۔ علمی تنقید کا ہرجگہ اور ہر شخص کے لئے خیر مقدم۔


آپ کی لسٹ کے بعد، میری لسٹ میں‌ فی الحال موجودہ صورتحال کے تناظر میں‌ایک ہی پوائنٹ‌ہے اور میرے لئے فقط وہی اہم ہے:

10۔ احادیث‌رسول صلی اللہ علیہ وسلم ، علمی تنقید سے مبرا نہیں۔ صحیح‌و ضعیف حدیث‌ میں‌تمیز کرنا بھی ضروری ہے۔ لیکن حدیث‌چاہے صحیح‌ہو، ضعیف، موضوع ہو۔ یا ایک فریق کی نظر میں‌ کسی بھی وجہ سے وہ حدیث، حدیث کے درجہ تک پہنچتی ہی نہ ہو، لیکن چونکہ جب ہم لفظ‌حدیث‌ معروف معنوں‌میں‌استعمال کرتے ہیں تو اس کی نسبت بہرحال کائنات کی محترم و بزرگ ترین ہستی محمد رسول اللہ صلی اللہ علیہ وسلم کے ساتھ طے پا جاتی ہے۔ لہٰذا احادیث‌پر علمی تنقید ضرور کی جائے، سنجیدہ مباحث ہوں، جو فریق اسے حدیث‌باور کروانا چاہے، وہ اپنا موقف سنجیدگی سے سمجھائے اور جو اس پر اعتراض کرنا چاہے، وہ اپنا موقف سنجیدگی سے سامنے رکھے۔ لیکن ہر دو صورتوں‌میں‌اپنا موقف واضح‌ کرنے کے لئے درست الفاظ کا چناؤ ازبس ضروری ہے۔ خصوصیت سے حدیث‌پر اعتراض کرنے والوں‌ کے لئے یہ احتیاط ضروری ہے۔ کہ کہیں‌کسی درجے میں‌ ، نادانستگی یا وفور جذبات اور شوق خطابت میں‌ اس مقدس ترین ہستی کی توہین کا ادنیٰ‌سا پہلو بھی نہ نکلے، کہ جس کی شان میں‌گستاخی کوئی ادنیٰ درجے کا غیرت مند مسلمان بھی، بہرحال برداشت نہیں کرتا۔

دراصل جب احادیث‌پر اعتراض کئے جاتے ہیں تو اعتراض کرنے والا اپنے تئیں ایک غلط عقیدے یا رسول صلی اللہ علیہ وسلم پر جھوٹی بات کی تردید کر رہا ہوتا ہے، لہٰذا وہ احترام ملحوظ نہیں رکھ پاتا اور یہ فطری بات ہے۔ لیکن دوسرا فریق اسے رسول صلی اللہ علیہ وسلم کا کلام سمجھتا ہے (کیونکہ اصل اختلاف ہی اس کے حدیث‌ہونے یا نہ ہونے پر ہوتا ہے) ، لہٰذا اسے الفاظ کی ذرا سی بے احتیاطی بھی بہت کھَلتی ہے چہ جائیکہ باقاعدہ اس کا مذاق اڑایا جائے۔ لہٰذا اگر دونوں فریق ایک دوسرے کے نظریات کا احترام کرتے ہوئے اپنے موقف کی وضاحت کریں تو آدھے مسائل کا حل تو بات چیت ہی سے نکلنے کا امکان ہو جائے گا۔

امید ہے کہ دیگر بھائی عادل سہیل، عبداللہ حیدر، اور خصوصاً رانا عمار اور فاروق سرور خان صاحب بھی افہام و تفہیم کی اس منزل کو سر کرنے میں ساتھ دیں گے۔ اگر کسی کو ہمارے رویہ سے کچھ شکایات ہیں تو بصد شوق پیش کیجئے اور ضرور پیش کریں تاکہ ایک دوسرے کو بہتر سمجھ کر ، انتظامی معاملات کی حد تک تو تعاون کریں تاکہ پاک نیٹ پر خرچ ہونے والے ہمارے اوقات بہتر نتائج کے حامل ہو سکیں۔

__________________
نہیں، اے محمدؐ، تمہارے رب کی قسم یہ کبھی مومن نہیں ہوسکتے جب تک کہ اپنے باہمی اختلافات میں یہ تم کو فیصلہ کرنے والا نہ مان لیں،پھر جو کچھ تم فیصلہ کرو اس پر اپنے دلوں میں بھی کوئی تنگی نہ محسوس کریں، بلکہ سر بسر تسلیم کر لیں۔ [النساء: 65]

حیدر

اسلامی سیکشن کے چند قوانین :

اصل مراسلہ منجانب : منتظمین مراسلہ دیکھیں


3- اسلام کے کسی بھی رکن، حکم ضابطہ یا پابندی کے بارے میں طنزیا، مذاق اڑانے والا، دل آزاری والاموضوع یا مراسلہ انتہائی سختی سے ممنوع ہے اور اس سلسلے میں کسی قسم کی کوئی صفائی قبول نہیں کی جائے گی۔ لیکن اس بات پر بحث کی جاسکتی ہے کہ اس بات کا حکم کیوں دیا گیا اور اس کے پیچھے کیا حکمت یا معاشی/معاشرتی وجوہات تھیں۔ جیسا کہ یہ بحث کی جاسکتی ہے کہ اسلام میں عورت کا کیا مقام ہے؟، چار شادیوں کا کیا حکم ہے ؟، پردے کا حکم کیوں ہے؟، اور یا پھر ایسی کوئی بحث جس سے انسانی اخلاق اور سوچ کی تعمیر ہو اور مذہب کو سمجھنے میں آسانی ہو۔
4- کسی بھی فقہ کے فرد کو یہ اجازت نہیں کہ وہ کسی دوسرے فقہے پر تنقید، تضحیک، توہین یا پھر اس سے نفرت کا اظہار کرے۔ اس میں یہ سب باتیں شامل ہیں کہ کسی فقہے کا نام لے کر، بلاواسط یا پھر براہ راست حملہ کیا جائے۔
5- فورم پر کسی قسم کا کوئی اختلافی موضوع /اختلافی مراسلہ بنانے، ڈالنے کی اجازت نہیں۔ اختلافی مراسلے سے مراد یہ ہے کہ کوئی ایسا موضوع ڈالا جائے جو کہ مندرجہ بالا شق نمبر 3 اور 4 سے متعلقہ ہو۔ کسی ایسے اسلامی موضوع سے متعلقہ ہو جو کہ صدیوں سے چلا آ رہا ہو اور اس پر امت کا اختلاف ہو۔ان معاملات پر دلیل کے نام پر بحث کو مکمل طور پر ممنوع قرار دیا جاتا ہے۔ جو معاملات ہزاروں سالوں سے حل نہیں ہو سکے وہ ہم اس فورم پر بھی حل نہیں کر سکتے ہیں۔ اس لیے اختلافی موضوعات، دوسرے فرقوں کی تذلیل صاف یا پھر ڈھکے چھپے الفاظ میں قابل قبول نہیں ہو گی۔

اگر آپ اپنے فقہ کے لیے کوئی مضمون لکھتے ہیں اور اس میں کوئی ایسی بات نہ ہو جس سے کسی کی دل آزاری ہوتی ہو تو فورم کی انتظامیہ اسکو ڈالنے کی اجازت دیتی ہے۔لیکن اس موضوع میں واضح طور پر اس فقہے کا نام لکھا جائے گا، جس فقہے کے پیروکاروں کے لیے یہ لکھا گیا ہو گا۔اگر انتظامیہ کو کسی قسم کی شکایت وصول ہو تو انتظامیہ کسی بھی قسم کا ایکشن لینے کا حق مخفوظ رکھتی ہے۔ اور ایسا موضوع لکھنے سے پہلے اسلامی سیکشن کے ناطمین سے اجازت لینا ضروری ہو گی۔
اگر آپ اپنے فقہ کی طرف سے کوئی موضوع لکھتے ہیں تو اس موضوع میں اس بات کا خاص خیال رکھا جائے کہ اس میں کسی دوسرے فقہ کی توہین نہ ہو۔
6 - پاک نیٹ پر اسلامی سیکشن کی جو تقسیم کی گئی ہے اس کے مطابق بنیادی مسائل اور عام نصیحت والے مراسلات اور مضامین قبول کیے جائیں۔
7 - انبیا علیھم السلام اور صحابہ رضوان اللہ علیہھم کے علاوہ دیگر شخصیات کا ذکر نہ کیا جائے ، صحابہ کرام کی شان میں کسی قسم کی کمی یا گستاخی کی اجازت نہیں‌ہے۔ کیونکہ اپنی اپنی پسندیدہ شخصیات کا اپنے اپنے انداز میں ذکر کرنا باہمی منافرت کے بڑے اور معروف اسباب میں سے ایک ہے ۔
8 - مذہبی سیکشن کے لیے کاپی پیسٹ ، سکین شدہ صفحات(بغیر یونی کوڈ کی لکھائی)، بیرونی سائٹس کے حوالہ جات کو مکمل طور پر ممنوع قرار دیا جاتا ہے۔ اور خلاف ورزی پر انتظامیہ ایکشن لینے کی مجاز ہو گی۔

10 ۔ کسی بھی ممبر کو یہ حق حاصل نہیں کہ وہ کسی دوسرے ممبر پر کسی بھی مراسلہ یا موضوع میں تنقید کرے۔
11 ۔ اگر کسی ممبر کو کسی دوسرے ممبر سے کسی قسم کی کوئی بھی شکایت ہے تو وہ اسکو تھانے والے سیکشن میں رپورٹ کرے۔
12 ۔ اپنے طرز عمل سے یہ کوشش کریں کہ آپس میں نفرت کی بجائے پیار، محبت اور بھائی چارہ پروان چڑھے۔

حیدر

میں نے کہا بھی تھا کہ دعا دیں اسلامی سیکشن کی انتظامیہ کو کہ وہ تمام اصول و ضوابط بالائے طاق رکھتے ہوئے"غیر ضروری طور پر" اوپن ڈسکشن کی اجازت دےئے ہوئے ہے۔

کاش کے احباب اس خاص رعایت اور انتہائی فیور سے فائدہ اُٹھا لیتے اور مناسب انداز میں گفتگو فرما لیتے۔ تو آج یہ نوبت نہ آتی۔

جب تک فریقین خاص کر محترم رانا عمار اور محترم فاروق سرور خان مندرجہ بالا مسائل کا حل تجویز نہیں کرتے ۔ ۔ ۔ ۔تب تک کے لیے احادیث پر اختلافی بحث پر مکمل پابندی ہے۔
اگر کوئی احادیث سے متعلق مراسلہ لگانا چاہیے تو اس کو وہ مراسلہ سب سے پہلے مجھے بھیجنا ہو گا۔ میں اس کا مطالعہ کر کے اس بات کا تعین کروں گا کہ اس کو فورم پر آنا چاہیے کہ نہین۔
جب احباب مناسب انداز میں گفتگو کا کوئی طریقہ کار تلاش کر لیں گے تب یہ پابندی ہٹا لی جائے گے۔احادیث پر تنقیدی کوئی بھی مراسلہ خواہ وہ کسی بھی قسم کا ہو، اس پابندی کی زد میں آتا ہے۔ خلاف ورزی کرنے والا نتائج کا ذمہ دار خود ہو گا

اب یہ احباب پر منحصر ہے کہ وہ اس پابندی کو ہٹوانے میں کتنے دن لیتے ہیں ۔

حیدر

۔۔





۔

حیدر

۔۔





۔

عبداللہ آدم

__________________
قال الشيخ محمد نجيب المطيعي - رحمه الله- في تصوير طبيعة طريق المجاهد :
"وإنما يجاهد المؤمن في الله جهاده، إن أخفق فإفادة أو أوذي فإرادة، أو نفي فريادة،
أو سجن فعبادة، أو عاش فقيادة، أو مات فشهادة، فله الحسنى وزيادة"

شکاری

درج بالا دھاگوں کو دیکھتے ہوئے ایک کام یہ بھی کیا جا سکتا ہے کہ فریقین جب بھی کسی حساس موضوع پر بات کرنا چاہیں‌تو پہلے ایک دھاگا انتظامیہ کی اجازت کے لئے بنائیں۔ اور اس میں‌ فریق یہ بتائے کہ میں‌فلاں‌ موضوع پر بات کرنا چاہتا ہوں۔ موضوع کی حدود اور شرائط و ضوابط طے کر لیں۔ انتظامیہ اس موضوع اور شرائط و ضوابط کو دو چار روز کے لئے اوپن رکھے، تاکہ اختلاف رکھنے والا فریق بھی اپنی ان پٹ درج کروا دے۔ اور پھر انتظامیہ کی ’غیر جانب دارانہ ‘‌ نگرانی میں‌اس موضوع پر بحث ہو۔ جہاں اخلاقی حدود و قیود کے تحت بات چیت سختی سے لاگو ہو، موضوع کی حدود کی پابندی کروائی جائے۔ وغیرہ۔

اگر اسلامک سیکشن کے تمام فورمز پر یہ نگرانی مشکل ہو تو اس کے لئے ایک علیحدہ سیکشن بنام مکالمہ یا بحث‌مباحثہ بنا لیا جائے۔ اسلام کے عمومی مسائل پر گفتگو تو متعلقہ دھاگوں ہی میں‌ہوتی رہے، لیکن جہاں‌ کوئی موضوع بحث کا رخ اختیار کر لے تو اسے مکالمہ سیکشن میں‌منتقل کر کے ، اس سیکشن کے کڑے اصول و قوانین کو لاگو کر دیا جائے۔

فاروق سرورخان

ایک پابندی کی سفارش کروں‌گا۔

جس دھاگے میں‌ قرآن حکیم کی آٰیات اور اس کا ترجمہ پیش کیا جائے۔ وہاں اس کے معانی کو بدلنے کے لئے کسی قسم کی روایت پیش کرنے کی پابندی لگائی جائے اوریہ نا کہا جائے کہ قرآنی فرمان سے جو واضح معانی سامنے آتے ہیں وہ درست نہیں یا یہ کہ "روایات سے معانی "‌ اس کے مخالف بنتے ہیں‌۔

قرآن نظریات، اصولوں ، قوانین کا بہترین، آفاقی اور لامتناہی مجموعہ ہے ۔ یہ تمام زمانوں کے لئے ہے ، اگر کسی کی سوچ کا ارتقاء وہاں تک نہیں‌ہے جہاں‌ تک دنیا میں سوچوں کا ارتقاء ہو چکا ہے تو ضروری نہیں کہ پیش کرنے والا درست نا ہو۔۔۔۔ یہ کہنا کہ پرانے عالم (‌انبیاء نہیں )‌ سب سوچ گئے اور اب مزید سوچنے پر پابندی ہے درست نہیں‌

لہذا میں سفارش کروں گا کہ ہر اس دھاگے میں جہاں قرآن کریم کی آیا ت کے ساتھ کوئی نظریہ پیش کیا جائے ۔ اس دھاگے میں روایات سے اس نظریہ کی مخالفت کی بحث شروع کرنے پر پابندی لگائی جائے۔۔ البتہ برادران و خواہران اپنے نظریات کا اظہار ایک الگ دھاگے میں‌ روایات کی مدد سے جو چاہیں نظریات پیش کرسکتے ہیں ۔

میرے پاس بہت سے موضوعات پر قرآن حکیم کی آیات کی روشنی میں‌ لکھنے کے لئے تعمیری مواد ہے ، جو میں یہاں لکھنا چاہتا ہوں۔ اللہ تعالی کے فرمان قرآن حکیم کی روشنی میں‌، لیکن جو لوگ بھی کسی موضوع کو اپنی روایات کی کتب سے "غلط " ثابت کرنا چاہتے ہیں ۔ وہ ایسا کریں لیکن ایک الگ دھاگے میں ۔

مثال:
اگر میں قرآن کی آیات کی مدد سے زکواۃ کے بارے میں کچھ لکھتا ہوں تو اس کو قرآن حکیم کی آیات سے ہی بہتر بنائیے یا پھر اس کی مخالفت قرآن حکیم کی آیات ہی سے کیجئے،،، اگر آپ میری پیش کی ہوئی وضاحت سے روایات فقہ کی بنیاد پر اتفاق نہیں‌کرتے تو آپ اپنا دھاگہ بنا لیجئے۔۔۔ اس لئے کہ ایک فرقے کی روایات کے اعتبار سے زکواۃ کی مقدار ڈھائی فی صد اور دوسرے فرقے کی روایات سے اعتبار سے 10 فیصد ہے۔ ایک فرقہ زکواۃ کو "فصل کی کٹائی "‌ کے "ایونٹ" پر دینا جائز سمجھتا ہے اور دوسرا سال کی بچت پر۔۔۔

اگر آپ کو ضرورت ہے کے آپ اپنے نظریے پر لکھیں‌ تو بھائی لکھیں لیکن قرآن حکیم کو اس تفرقاتی فرقہ بندی کی مدد سے غلط ثابت کرنے کی کوشش اس دھاگے میں‌ مقابلہ ، مباہلہ ، مباحثہ نا کریں جہاں‌ قرآنی آیات ، ان نظریات کی بنیاد ہیں ۔

میں‌ یہاں‌ کسی کو قائیل کرنے نہیں‌آتا ، میرا ایک زاویہ نظر ہے جو مختلف ہے ۔۔ روایتی نہیں ۔۔۔۔ آپ کو پسند آتا ہے تو پڑھئے اگر نہیں‌ تو کچھ اور کیجئے۔۔۔ ٹی وی دیکھئے ،، کتاب پڑھیے کچھ اور کیجئے۔

والسلام

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

حیدر

آپ کی رائے سے جو تاثر اُبھر رہا ہے اور جس کی میں تائید کروں گا کہ ایسا ہی ہونا چاہیے کہ ہر کوئی اپنی اپنی راہ لے۔

لیکن معذرت کے ساتھ

عورت کتی بلی ہے
بلی عورت ہے
عورت بلی ہے
بلی ہے عورت
ہے بلی عورت


نام کے ڈھیر سارے تھریڈز کھولتے جانا اور ان میں ایک ہی جیسا مواد پیش کرتے جانا اور محض کاپی پیسٹ کرتے جانا، اور دیگر مندرجہ بالا مسائل پھر بھی اپنی جگہ رہ جاتے ہیں۔

ننھا بچہ

بطور خاموش قاری مُجھے ابھی تک اپنے نظریات میں مزید الجھاؤ ہی پیدا ہوتے دکھائے دئے ہیں بہت کم کوئی نقطہ کلئیر ہوا ہے۔
اگر واقعی میں انکا مقصد سچ بتلانا ہے تو اس لمبی بے جا بحث و بحث برائے بحث کے بجائے۔ موضوع پر تبصرہ جات بند کر دینے چاہئیں۔

جن کو جواب پیش کرنا ہو وہ ایک الگ موضوع بنا کر اپنا مُدعا اس میں پیش کر دیں اور موضوعات کی تعداد کو مختص کر دیا جائے جیسے ہفتے میں ایک فریق کی طرف سے ایک موضوع یا جو مناسب سمجھیں شائید اس طرح مجھ ایسے قاریوں کو کُچھ سمجھنے کا موقع مل سکے

__________________

اب تو اتنی بھی میسر نہیں مے خانے میں

skjatala

میری ذاتی رائے ( دوسروں کا اس سے متفق ہونا قطعی ضروری نہیں )
اسلامی تھریڈ کا بنیادی مقصد عام قاری کے لئے اسلام کی عظمت و روشن پہلو اجاگر کرنا ہو ناکہ اس میں اپنے ذہن کے پیدا شدہ کیڑے نکالنا ہو۔ (کیونکہ کہ اسلام میں کہیں بھی کجی و کمزوری نہیں)
اسلامی موضوع کو شروع کرنے سے پہلے اس پر زیادہ سے زیادہ معلومات حاصل کر لے ، تاکہ قارئین کی طرف سے کئے گئے معقول سوالوں کا لازمی معقول جواب دے سکے۔
قرآن و حدیث کے حوالے مکمل سیاق و اسباق کے ساتھ ہونے چاہیں ، ناکہ اپنے مطلب کے ٹکڑے۔
ایسا محسوس نہیں ہونا چاہئے کہ صاحب تھریڈ کا مقصد صرف اپنی علمی دھاک قارئین کے ذہنوں میں بٹھانا ہے۔یا دوسرں کو خواہ مخواہ مناظرے کے لئے ابھارنا ہے۔
جزاک اللہ ہو خیرا

__________________
اس دور میں تعلیم ہے امراضِ ملت کی دوا
ہے خونِ فاسد کے لیے تعلیم مثل نیشتر