منتظمین

پاکستان کی آواز – پاکستان کے فورمز کے ممبران کے لیے اسلامی سیکشن کے قوانین
1- یہ قوانین‌ فورمز کے منشور کے قوانین کی مذہبی حصے سے متعلقہ قوانین کی مزید تشریح کرتے ہیں اور کوئی بھی ایسا قانون‌ جو کہ فورمز کے منشور سے متصادم ہوتا ہو اس پر فورمز کے منشور کے قوانین کو فوقیت حاصل ہو گی۔
2- مذہبی سیکشن میں ہر نیا موضوع ،اس سے مراسلہ مراد نہیں، مکمل طور پر ماڈریٹ ہوتا ہے۔ ماڈریٹ سے مراد انتظامیہ کی مذہبی ٹیم کا اس موضوع کو پرکھنا اور اس کے بعد اس کی اجازت دینا یا پھر رد کرنا یا پھر اس میں مناسب ردو بدل کرنا ہے-
3- اسلام کے کسی بھی رکن، حکم ضابطہ یا پابندی کے بارے میں طنزیا، مذاق اڑانے والا، دل آزاری والاموضوع یا مراسلہ انتہائی سختی سے ممنوع ہے اور اس سلسلے میں کسی قسم کی کوئی صفائی قبول نہیں کی جائے گی۔ لیکن اس بات پر بحث کی جاسکتی ہے کہ اس بات کا حکم کیوں دیا گیا اور اس کے پیچھے کیا حکمت یا معاشی/معاشرتی وجوہات تھیں۔ جیسا کہ یہ بحث کی جاسکتی ہے کہ اسلام میں عورت کا کیا مقام ہے؟، چار شادیوں کا کیا حکم ہے ؟، پردے کا حکم کیوں ہے؟، اور یا پھر ایسی کوئی بحث جس سے انسانی اخلاق اور سوچ کی تعمیر ہو اور مذہب کو سمجھنے میں آسانی ہو۔
4- کسی بھی فقہ کے فرد کو یہ اجازت نہیں کہ وہ کسی دوسرے فقہے پر تنقید، تضحیک، توہین یا پھر اس سے نفرت کا اظہار کرے۔ اس میں یہ سب باتیں شامل ہیں کہ کسی فقہے کا نام لے کر، بلاواسط یا پھر براہ راست حملہ کیا جائے۔
5- فورم پر کسی قسم کا کوئی اختلافی موضوع /اختلافی مراسلہ بنانے، ڈالنے کی اجازت نہیں۔ اختلافی مراسلے سے مراد یہ ہے کہ کوئی ایسا موضوع ڈالا جائے جو کہ مندرجہ بالا شق نمبر 3 اور 4 سے متعلقہ ہو۔ کسی ایسے اسلامی موضوع سے متعلقہ ہو جو کہ صدیوں سے چلا آ رہا ہو اور اس پر امت کا اختلاف ہو۔ان معاملات پر دلیل کے نام پر بحث کو مکمل طور پر ممنوع قرار دیا جاتا ہے۔ جو معاملات ہزاروں سالوں سے حل نہیں ہو سکے وہ ہم اس فورم پر بھی حل نہیں کر سکتے ہیں۔ اس لیے اختلافی موضوعات، دوسرے فرقوں کی تذلیل صاف یا پھر ڈھکے چھپے الفاظ میں قابل قبول نہیں ہو گی۔
اگر کوئی رکن انتباہ کے باوجود معتصیبانا یا تفرقہ بازی کے مضامین ڈالتا ہے تو اس پرایک دفعہ تنبیہ کے بعد مستقل طور پر پابندی لگا دی جائے گی۔
اگر آپ اپنے فقہ کے لیے کوئی مضمون لکھتے ہیں اور اس میں کوئی ایسی بات نہ ہو جس سے کسی کی دل آزاری ہوتی ہو تو فورم کی انتظامیہ اسکو ڈالنے کی اجازت دیتی ہے۔لیکن اس موضوع میں واضح طور پر اس فقہے کا نام لکھا جائے گا، جس فقہے کے پیروکاروں کے لیے یہ لکھا گیا ہو گا۔اگر انتظامیہ کو کسی قسم کی شکایت وصول ہو تو انتظامیہ کسی بھی قسم کا ایکشن لینے کا حق مخفوظ رکھتی ہے۔ اور ایسا موضوع لکھنے سے پہلے اسلامی سیکشن کے ناطمین سے اجازت لینا ضروری ہو گی۔
اگر آپ اپنے فقہ کی طرف سے کوئی موضوع لکھتے ہیں تو اس موضوع میں اس بات کا خاص خیال رکھا جائے کہ اس میں کسی دوسرے فقہ کی توہین نہ ہو۔
6 - پاک نیٹ پر اسلامی سیکشن کی جو تقسیم کی گئی ہے اس کے مطابق بنیادی مسائل اور عام نصیحت والے مراسلات اور مضامین قبول کیے جائیں۔
7 - انبیا علیھم السلام اور صحابہ رضوان اللہ علیہھم کے علاوہ دیگر شخصیات کا ذکر نہ کیا جائے ، صحابہ کرام کی شان میں کسی قسم کی کمی یا گستاخی کی اجازت نہیں‌ہے۔ کیونکہ اپنی اپنی پسندیدہ شخصیات کا اپنے اپنے انداز میں ذکر کرنا باہمی منافرت کے بڑے اور معروف اسباب میں سے ایک ہے ۔
8 - مذہبی سیکشن کے لیے کاپی پیسٹ ، سکین شدہ صفحات(بغیر یونی کوڈ کی لکھائی)، بیرونی سائٹس کے حوالہ جات کو مکمل طور پر ممنوع قرار دیا جاتا ہے۔ اور خلاف ورزی پر انتظامیہ ایکشن لینے کی مجاز ہو گی۔
9 ۔ اگر آپکی نظر میں کوئی اختلافی موضوع یا مراسلہ موجود ہے تو شکایت سیکشن میں اطلاع دیں۔
10 ۔ کسی بھی ممبر کو یہ حق حاصل نہیں کہ وہ کسی دوسرے ممبر پر کسی بھی مراسلہ یا موضوع میں تنقید کرے۔
11 ۔ اگر کسی ممبر کو کسی دوسرے ممبر سے کسی قسم کی کوئی بھی شکایت ہے تو وہ اسکو تھانے والے سیکشن میں رپورٹ کرے۔
12 ۔ اپنے طرز عمل سے یہ کوشش کریں کہ آپس میں نفرت کی بجائے پیار، محبت اور بھائی چارہ پروان چڑھے۔
13 ۔ غیر مہذ بانہ اور غیر اخلاقی مضامین اور مراسلہ جات کے معاملہ میں کسی بھی ممبر کوانتظامیہ پر تنقید کرنے کی اجازت نہیں۔
14 ۔ یہ قوانین صحت کے لحاظ سے تمام مضامین و مراسلوں کو لاگو ہوں گے۔

__________________
"یہ ضروری تو نہیں کہ ہم جن سے محبت کرتے ہیں ان کے ساتھ زندگی بھی بتا سکیں"

Farrukh

جزاک اللہِ خیراً و کثیراً
یہ بہت اچھا قدم اُٹھایا اور اسکی ضرورت بھی تھی۔

حسینیت زندہ باد

قابل گرامی قدر منتظمین
شکریہ برادر آپ کا قوی امید ہے کہ ان قوانین پر سختی سے عمل کروایا جائے گا
قوانین کا احترام کرنا ہر رکن کا فرض ہے اور کسی مسلک پر کیچڑ اچھالنے کا حق کسی کو بھی نہیں ہے کیونکہ سب امتی ہیں اور وہ امتی ہیں جن کے بارے میں نبی کریم ص‌کا کہنا ہے کہ
یا اللہ میری امت بخش دے یا اللہ میری امت بخش دے
تو بحیثیت امت ہم سب کا فرض ہے کہ مسلکی جنگ نہ لڑیں بلکہ نبی کریم ص‌ کا صیح معنوں میں امتی بننے کی کوشش کریں
کسی رکن کی دل آزارہ ہوئی ہو تو معذرت چاہتا ہوں کسی کی دل آزاری کرنا مجھے مقصود نہیں ہے

shafresha

مندرجہ بالا قوائد و ضوابط کے عملاَ سختی سے نفاذ کے بعد اس فورم، اسکے منتظمین و ناظمین پر "جانبداری" کا لگنے والا الزام بھی غلط ثابت ہوجائے گا۔

اے اللہ عزوجل، تو مُخلصین کو اُن کے خلوص اور نیت کا اجر عطا فرما، آمین ثم آمین۔ ۔ ۔ ۔

shafresha

مندرجہ بالا قوائد و ضوابط کے عملاَ سختی سے نفاذ کے بعد اس فورم، اسکے منتظمین و ناظمین پر "جانبداری" کا لگنے والا الزام بھی غلط ثابت ہوجائے گا۔

اے اللہ عزوجل، تو مُخلصین کو اُن کے خلوص اور نیت کا اجر عطا فرما، آمین ثم آمین۔ ۔ ۔ ۔

فیصل ناصر

"حسینت زندہ باد" آپکا انداِز تحریر کچھ مانوس سا لگتا ہے

monee3s

یہ ہوئی نا بات ۔

حسینیت زندہ باد

قابل گرامی قدر فیصل صاحب یہ دنیا ہے یہاں آپ کو ہر کوئی جانا پہچانا سا لگتا ہے
شکریہ واضح فرما دیں کہ میرا انداز بیاں کس سے ملتا ہے جو آپ کو مانوس سا لگ رہا ہے
آپ کا شکریہ کہ آپ نے خاکسار کو عزت بخشی اور اس قابل سمجھا کہ ہم آپ کو مانوس سے محسوس ہوئے ورنہ بندہ ناچیز اس مقام تک نہیں پہنچا ہے
ابھی تو آغاز محبت ہے انجام کیا ہو گا خدا جانے
عزت بخشنے کا شکریہ

طاھر

السلام علیکم،

ماشاءاللہ ! بہت بہتر قوانین ہیں۔

اس سلسلے میں ایک اور اضافہ تجویز کرتا ہوں کہ اسلام سے متعلق کسی بھی قسم کا تھریڈ عام بحث و مباحثہ سیکشن میں نہ ڈالا جائے اور اس سیکشن کے منتظمین کو اس بات کا پابند کیا جائے کہ اسلام سے متعلقہ مضامین اگر ان کے سیکشن میں موجود ہے تو اسے فوراً اسلامی سیکشن میں منتقل کر دے۔

اکثر لوگ اسلامی سیکشن پر پابندیوں کی وجہ سے اور اپنا نقطہ نظر فوری پیش کرنے کے لیئے عام بحث مباحثہ یا گپ شپ میں ڈال دیتے ہیں۔

والسلام

طاہر

__________________

منتظمین

یہ قانون کی بجائے ایک کامن سینس کی بات ہے۔

طاھر

Which is not Common in Common People


والسلام

طاہر

شاہ جی 90

بھائیو اور بہنو اسلام و علیکم
میں منتظمین بھائی کا بہت بہت بہت مشکور ہوں کہ انہوں نے اس عاجز کی تجاویز کو شرف قبولیت بخشا ۔ اب امید ہے کہ انشااللہ پاک نیٹ پر کسی قسم کی اختلافی یا دلآزاری والی بات نہیں ہو گی، یہ محبتوں بھرا فورم انشااللہ یوں ہی شاد و آباد رہے گا ۔ انجم بھائی کہاں ہیں ۔ آپ ہی تو ہم سے نعرے لگوایا کرتے تھے
پاک نیٹ زندہ باد ، پاک نیٹ زندہ باد ، پاک نیٹ زندہ باد ، پاک نیٹ زندہ باد ، پاک نیٹ زندہ باد ، پاک نیٹ زندہ باد ، ۔ اللہ تعالی منتظمین بھائی کو ہمیشہ خوشیاں اور سکون کی دولت عطا فرمائے ، یہ فورم ہمارے لیئے ایک گھر بن چکا ہے ۔
منتظمین بھائی اور دیگر سینئیر ممبران سے گزارش ہے کہ اگر اس معاملے میں عوامی ممبران کی مدد چاہئیے ہو تو میں حاضر ہوں ۔

شاہ جی 90

بھائیو اور بہنو اسلام و علیکم
میں منتظمین بھائی کا بہت بہت بہت مشکور ہوں کہ انہوں نے اس عاجز کی تجاویز کو شرف قبولیت بخشا ۔ اب امید ہے کہ انشااللہ پاک نیٹ پر کسی قسم کی اختلافی یا دلآزاری والی بات نہیں ہو گی، یہ محبتوں بھرا فورم انشااللہ یوں ہی شاد و آباد رہے گا ۔ انجم بھائی کہاں ہیں ۔ آپ ہی تو ہم سے نعرے لگوایا کرتے تھے
پاک نیٹ زندہ باد ، پاک نیٹ زندہ باد ، پاک نیٹ زندہ باد ، پاک نیٹ زندہ باد ، پاک نیٹ زندہ باد ، پاک نیٹ زندہ باد ، ۔ اللہ تعالی منتظمین بھائی کو ہمیشہ خوشیاں اور سکون کی دولت عطا فرمائے ، یہ فورم ہمارے لیئے ایک گھر بن چکا ہے ۔
منتظمین بھائی اور دیگر سینئیر ممبران سے گزارش ہے کہ اگر اس معاملے میں عوامی ممبران کی مدد چاہئیے ہو تو میں حاضر ہوں ۔

مباح

السّلام علیکم منتظمین بھائی!
بہت بہت شکریہ تہہ دل سے میں اور فورم کے تمام ممبران آپکے اس اقدام کے مشکور ہیں بس صرف یہ کہنا چاہوں گا کہ ان اقدامات پر سخت عمل درآمد ہو اللہ فورم کے تمام ناظمین اور منتظمین کو جرائے خیر دے آمین۔
والسّلام مباح

منتظمین

اراکین کی سب سے بڑی مدد یہی ہو گی کہ جس موضوع کو وہ اختلافی سمجھتے ہیں اس کی رپورٹ کر دیا کریں۔