سلام!
جیسا کہ آپ سب جانتے ہی ہیں کہ کچھ ذآتی مصروفیات کی بناء پر میں پاک۔نیٹ کو زیادہ وقت نہیں دے پا رہا ہوں اس کی بناء پر فورمز اور پاک۔نیٹ کی ترقی متاثر ہو رہی ہے۔ اس صورتحال سے نمٹنے کے لیے میں نے سحر کی سربراہی میں ایک تین رکنی کمیٹی تشکیل دی ہے جو کہ میری عدم موجودگی میں فورمز کے معاملات کو دوسرے ایڈمنز/ناظمین اور سٹاف کے باہمی مشورے سے چلانے کی ذمہ دار ہو گی۔ کمیٹی مندرجہ ذیل اراکین پر مشتمل ہو گی۔


1- شاہ فریشہ
شاہ فریشہ کی رابطہ کاری اور زبان دانی کو مدنظر رکھتے ہوئے ان کو یہ ذمہ داری تفویض کی جاتی ہے کہ وہ فورمز پر معیار کو برقرار رکھیں گے۔ اس مقصد کے لیے وہ اچھی اور معیاری تحریر کی حوصلہ افزائی، اچھے رائٹرز کو فورمز کی طرف راغب کرنا اور ان کی تحاریر کو اجاگر کرنا ہو گا۔ وہ فورمز کے اراکین میں معیاری تحاریر لکھنے کا رجحان پیدا کرنے کے کوئی بھی قدم اٹھانے کے مجاز ہوں گے۔

اس کے ساتھ ساتھ وہ فورمز پر اراکین کے مابین کسی بھی قسم کے مسائل میں مصلح کا کردار ادا کریں گے اور ان کے فیصلے حتمی تصور کیے جائیں گے۔ فورمز پر غیر اخلاقی مواد کی ترسیل کو روکنے کی ذمہ داری بھی ان پر عائد ہو گی۔
شاہ فریشہ کے پاس پہلے ہی اسلامی سیکشن کی ماڈریشن ہے اور وہ مندرجہ بالا زمہ داریوں کے ساتھ ساتھ اس ذمہ داری کو بھی سرانجام دیں گے۔

2- عدنان بھائی۔
عدنان بھائی ایک پرانے اور تجربہ کار فورمر ہیں۔ اور ان کے پاس وی بی کا بھی کافی علم ہے۔ اس لیے ان کو فورمز پر مکمل طور پر بیک اینڈ کو سنبھالنے کی ذمہ داری دی جاتی ہے جس میں وہ فورمز کو بنانا، ختم کرنا، اراکین کو مینج کرنا اور نئے ماڈریٹر اور سپر ماڈریٹرز کا سحر اور سٹاف کی رائے سے انتخاب کے بعد ان کے حقوق کو مینج کرنا شامل ہو گا۔ فورمز کے بیک اینڈ پر مکمل طور پر ان کا کنٹرول ہو گا اور اوربیک اینڈ کا کوئی بھی کام ان کی اجازت اور رائے کے بغیر مکمل نہیں کیا جائے گا۔ اس کے ساتھ ساتھ ان کے پاس فورمز کی مارکیٹنگ اور تشہیر کی ذمہ داری بھی ہو گی۔ (خلیل بھائی نے بھی ان اختیارات کی سفارش کی تھی) یہ ایسے کام ہیں جو کم وقت طلب ہیں لیکن بہت زیادہ تجربہ اور اختیاط کے تقاضی ہیں جو کہ عدنان بھائی احسن طریقے سے سرانجام دے سکتے ہیں۔ انشاءاللہ جیسے ہی ان کا وقت کا مسلہ حل ہوگا ان پر مزید بوجھ ڈال دیا جائے گا۔

3- ڈاکٹر سحر

سحر کو فورمز کی سٹریٹجی اور انتظامی امور میں مکمل اختیار دیا جاتا ہے۔ وہ فورمز کی پالیسی بنانے کی مجاز ہوں گی اور دیگر سٹاف کو راہنمائی فراہم کریں گیں۔ بنائی گئی پالیسی کے مطابق وہ فورمز کے سٹاف کو مختلف سیکشنز اور انتظامی اداروں میں تقسیم کے بعد، تفویض کیے گئے فرائض کا جائزہ لینے کی مجاز ہوں گی۔ فورمز کی ترتیب و ترکیب اور دیگر اس قسم کے انتظامی فیصلوں پر سٹاف کے مشورے سے عمل درآمد کروانے کی ذمہ داری ان پر عائد ہو گی۔

مجھے امید کہ قابل قدر سٹاف اور تمام اراکین نامزد کردہ اشخاص کے ساتھ مکمل تعاون کریں گیں‌اور پاکستان سے اس محبت کے سفر کو جاری و ساری رکھنے میں مدد گار ثابت ہوں گے۔ جیسا کہ ہم سب ہی جانتے ہیں کہ پاک۔نیٹ پر سب اشخاص بلا معاوضہ کام کرتے ہیں اس لیے کوشش کی گئی ہے کہ کسی ایک پر اتنا بوجھ نہ ڈال دیا جائے کہ جس قدر وہ اٹھانے کا متحمل نہ ہو۔

اگر کوئی بھی سٹاف کا رکن مجھ سے کسی بھی بارے میں رابطہ کرنا چاہے تو admin@pak.net پر میل کر سکتا ہے۔

اللہ ہم سب کو سیدھی راہ پر چلنے کی توفیق عطاء فرمائے۔ (امین)

__________________
تم سپاہی نہیں ہو پیشہ ور قاتلو!