درجہ بندی: (1 votes - 4.00 average)

پاک نیٹ : پاکستان کی آواز ، پاکستان کے فورمز کی انتظامیہ کی طرف سے مندرجہ ذیل کیٹیگریز میں مقابلہ جات کا اعلان کیا جا رہا ہے۔

1:مہم جُو
2:باکمال
3:ذہین
4:مشہور

ہر کیٹیگری اور انعامات کی تفصیل مندرجہ ذیل ہے۔

1: مہم جُو
اس کیٹیگری کا مقصد فورم پر زیادہ سے زیادہ نئے پاکستانی/ممبرز لانا ہے۔ اس کیٹیگری میں حصہ لینے والوں کی پہلی دو پوزیشنز کے لیے انعامات ہیں۔ زیادہ سے زیادہ ممبرز فورم پر لائیں اور انعام حاصل کریں۔

انعامات:
پہلا انعام : 300 روپے نقداور خوبصورت سے پاک نیٹ وزیٹنگ کارڈز جن پر آپ کا نام اور رابطہ نمبر لکھا ہو گا اور فورم پر آپ کی انفارمیشن بار پر خوبصورت سا ٹیگ (یا موبائل کارڈز)
دوسرا انعام:200 روپے نقداور خوبصورت سے پاک نیٹ وزیٹنگ کارڈز جن پر آپ کا نام ،مقابلے کا نام اور رابطہ نمبر لکھا ہو گا (یا موبائل کارڈز)
اور فورم پر آپ کی انفارمیشن بار پر خوبصورت سا ٹیگ

شرائط و ضوابط:
1:اس مقابلہ کا فاتح ہونے کے لیےکم از کم 5 ممبرز کو متعارف کروانا ہو گا۔ جو کوئی بھی سب سے زیادہ ممبر متعارف کروائے گا وہ فاتح ہو گا
2:ہر متعارف شُدہ ممبر فورم پر مقابلے کی مُدت کے دوران تک ایکٹو رہے اور کم از کم 200 قانونی مراسلہ جات کا ہدف بھی پورا کرے۔
3: چِیٹنگ سے گُریز کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔
دوسری کیٹیگری: باکمال
اس کیٹیگری کا مقصد پاکستانیوں کو اپنے خیالات کے اظہار کو مضمون یا کالم کے پیرائے میں کرنے کے لیے اُبھارنا ہے۔ زیادہ سے زیادہ نئے تھریڈز کھولیں اور انعام جیتیں۔

اس کیٹیگری کی مزید مندرجہ ذیل کیٹیگریز ہیں:
اسلام اور ہم:
اس سب کیٹیگری کے تحت مضمون نگار اپنے خیالات کا اظہار مضمون کی صورت میں کریں گے کہ کیوں کر اسلام ہی ہمارے لیے اصل راہ نجات ہے۔ اسلام کس طرح ہم کو دنیاوی اور اخروی مسائل سے نبٹنے کے لیے ہتھیار فراہم کرتا ہے ۔اسلام کا حقیقی چہرہ اور مقصد سامنے لانے کی کوشش کرنی ہے۔
پاکستانیات:
ہر بات پاکستان: پاکستان کی معیشت، پاکستان کی معدنیات، پاکستان کی سیاست، جمہوریت، مارشل لا، فوجی آپریشن، سرحدوں پر منڈلاتے جنگ کے خطرات، اندرونی انتشار، پاکستان کے حسین علاقے، سیر و سیاحت الغرض پاکستان کی ہر چیز۔ پاکستان پر کسی بھی موضوع پر لکھیے۔ اپنے شہر کا تعارف کروائیں یا سکول و کالج کا، کہیں سیر و سیاحت کے لیے گئے تو اس کا احوال لکھیں یا حالات حاضرہ پر قلم اُٹھائیں۔ ہم آپ کو خوش آمدید کہتے ہیں۔
اُردو نثر:
طنز و مزاح ہو یا جاسوسی دنیا، رومانوی ادب ہو یا کہ آپ کی ڈائری کا صفحہ، ہمارے ساتھ شئیر کیجیے اور بہترین تحریر پر حاصل کیجیے انعام۔
اُردو شاعری:
اپنی ذاتی نظمیں، غزلیں، یا تخلیقات ہمارے ساتھ شئیر کیجیے۔
انفارمیشن ٹیکنالوجی:
کمپیوٹر اور انفارمیشن ٹیکنالوجی سے متعلق اپنی معلومات شئیر کیجیے اور جیتے شاندار انعام


ہر کیٹیگری کے لیے انعام
فاتح : ایک کتاب اور خوبصورت سے پاک نیٹ وزیٹنگ کارڈز جن پر آپ کا نام ،مقابلے کا نام اور رابطہ نمبر لکھا ہو گا اور فورم پر آپ کی انفارمیشن بار پر خوبصورت سا ٹیگ ( یا مساوی قیمت کے موبائل کارڈز)


شرائط و ضوابط:
1: کسی بھی کیٹیگری میں بلامقابلہ کوئی بھی فاتح نہیں ہو گا۔ ہر کیٹیگری میں حصہ لینے والوں کی تعداد کم از کم پانچ ہونی چاہیے۔
2:کوئی بھی ممبر ایک سے زائد مضامین ایک سے زائد کیٹیگری میں بھیج سکتا ہے۔ جتنے زیادہ مضامین اُتنے زیادہ جیتنے کے امکانات۔ تاہم حصہ لینے والے ہر ممبر کو کم از کم 5 مضامین مقابلے کے لیے جمع کروانے ہوں گے۔
3: مضمون کی کم از کم دس سطریں ضرور ہونی چاہیں۔ہر سطر میں اوسطاً 20 الفاظ ہوتے ہیں
4:مضمون کا آئیڈیا ماخوذ تو ہو سکتا ہے ، لیکن وہ مضمون انٹرنیٹ پرکہیں موجود نہیں ہونا چاہیے۔ انٹرنیٹ پر پایا جانے والا مضمون مقابلے سے باہر تصور کیا جائے گا۔
5:اسلام اور پاکستان کی کیٹیگریز کے لیے ترجمہ شُدہ مضامین بھی قابل قبول ہوں گے۔ تاہم وہ ترجمہ انٹرنیٹ پر پہلے دستیاب نہیں ہونا چاہیے۔ تاہم ہمارے لیے زیادہ پسندیدہ خود اپ کی اپنی محنت اور آپ کے اپنے خیالات ہوں گے۔
6:انفارمیشن ٹیکنالوجی کے سیکشن کے لیے حصہ لینے والوں کی تعداد اگر پانچ سے کم ہو گی تو ان کے لیے متبادل آپشن یہ ہو گا کہ حصہ لینے والوں کے کم از کم تھریڈز کی تعداد 10 ہو۔
7: مضامین براہ راست فورم پر شئیر کر دئیے جائیں ۔ ان کا لنک یہاں پیسٹ کر دیں بشمول ان کی کیٹیگری۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔
تیسری کیٹگری: ذہین
اس کیٹیگری کے تحت مختلف مقابلہ جات تیزی سے کروائے جائیں گے۔ جو ممبر اُن تمام مقابلہ جات میں سب سے زیادہ پوائینٹس حاصل کرے گا ، وہ اس کیٹیگری کا فاتح ہو گا۔

فاتح : ایک کتاب اور خوبصورت سے پاک نیٹ وزیٹنگ کارڈز جن پر آپ کا نام ،مقابلے کا نام اور رابطہ نمبر لکھا ہو گا اور فورم پر آپ کی انفارمیشن بار پر خوبصورت سا ٹیگ۔( یا مساوی قیمت کے موبائل کارڈز)

شرائط و ضوابط:
ہر مقابلے کی اپنی شرائط و ضوابط ہوں گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔
چوتھی کیٹیگری: مشہور
اس کیٹیگری کے تحت فورم پر پسندیدہ ترین ممبر کو انعام سے نوازا جائے گا۔ ظاہر سی بات ہے کسی بھی ممبر کے پسندیدہ ہونے میں چند ہی عوامل ہوتے ہیں یعنی زیادہ سے زیادہ عام فہم مضامین پیش کرنا ، زیادہ سے زیادہ با مقصد مراسلہ جات کرنا، دوسروں کی مدد کرنا، اُنکے ساتھ اخلاق سے پیش آنا وغیرہ۔ اس مقصد کے لیے مقابلے کے آخر میں ایک پول/سروے کروایا جائے گا۔ جس کے تحت فورم پر سب سے زیادہ پسندیدہ یا مشہور ممبر کو چُنا جائے گا

فاتح : ایک کتاب اور خوبصورت سے پاک نیٹ وزیٹنگ کارڈز جن پر آپ کا نام ، مقابلے کا نام اور رابطہ نمبر لکھا ہو گا اور فورم پر آپ کی انفارمیشن بار پر خوبصورت سا ٹیگ ( یا مساوی قیمت کے موبائل کارڈز)



۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔
انتظامیہ کا فیصلہ حتمی ہو گا۔ انتظامیہ ضرورت پڑنے پر اصول و ضوابط میں تبدیلی کر سکتی ہے ۔ تاہم اس کی وجہ فورم پر بیان کر دی جائے گی۔

اس مقابلے کے بارے مزید کوئی سوالات یا معلومات کے لیے اپ اسی تھریڈ میں یا انتظامیہ کے کسی ممبر سے پی ایم کر کے معلومات لے سکتے ہیں۔

بیرون ملک مقیم پاکستانیوں یا ممبرز کے لیے انعامات دینے کے لیے متبادل طریقہ کار پر غور کیا جائے گا جو وقت انے پر ممبر کے ساتھ ڈسکس کر لیا جائے گا۔

یہ مقابلہ کل 24 اکتوبر 2011 سے شروع ہو گا اور اس کی آخری تاریخ 30 نومبر 2011 رات 12 بجے تک ہے۔