چاچا کمال

صوبہ سرحد کے ضلع سوات سے پہلی مرتبہ ایک ایسی ویڈیو منظر عام پر آئی ہے جس میں حلیے سے طالبان معلوم ہونے والے افراد ایک لڑکی کو سرعام کوڑوں کی سزا دے رہے ہیں۔تاہم حکومت اور طالبان نے اس خاص واقعہ کی تردید کی ہے تاہم اس بات کی تصدیق کی کہ ماضی میں خواتین کو کوڑوں کی سزائیں دینے کے واقعات پیش آئے ہیں۔

موبائل فون سے بنائی گئی یہ دو منٹ کی ویڈیو اب سرعام دستیاب ہے۔ ویڈیو میں سرخ جوڑے میں ملبوس ایک جوان سال لڑکی کو دکھایا گیا ہے جسے زمین پر الٹا لِٹاکر کوڑے مارے جارہے ہیں۔

ویڈیو میں یہ بھی دکھایا گیا ہے کہ طالبان کے حُلیے میں ایک شخص لڑکی کو پشت پر کوڑے برسارہا ہے جبکہ ایک شخص اس کے پیروں اور دوسرے نے جسم کے اوپر کے حصے کو دبوچا ہوا ہے۔ اس موقع پر درجنوں افراد دائرے میں کھڑے اس منظر کو دیکھ رہے ہیں۔

سزا دینے والے افراد آپس میں پشتو زبان میں بات کرتے ہیں اور لڑکی چیختی چلاتی پشتو میں فریاد کرتی ہے کہ ’میرے باپ کا توبہ ، میرے دادا کا توبہ آئندہ ایسا نہیں کرونگی۔‘ وہ شدت درد سے بار بار التجا کرتی ہے کہ ’خدا کے لیے کچھ صبر کرو‘ مگر مارنے والا شخص کہتا ہے کہ ’تم نے کہا تھا مجھے ماردو مگر اب تو میرے پاس چھری بھی نہیں ہے۔‘

پندرہ سے زائد کوڑے مارنے کے بعد وہ لوگ لڑکی کو چھوڑ دیتے ہیں اور اٹھتے ہی لڑکی شٹل کاک برقعہ میں ملبوس نظر آتی ہے۔ اس وقت ان میں سے بڑی داڑھی والا ایک شخص اس سے قریب واقع ایک کمرے میں لے جاتا ہے۔ چیخ و پکار اور باتوں سے وہ تقریباً بارہ سے سترہ سال کے درمیان کی عمر کی معلوم ہوتی ہے۔

اس سلسلے میں دس کے قریب مقامی لوگوں سے رابطہ کیا گیا تو کافی مشکلات کے بعد انہوں نے صرف واقعہ کی تصدیق کی اور کہا کہ واقعہ سوات کی تحصیل کبل کے کالا کلی میں پیش آیا ہے۔ مقامی لوگ بظاہر خوف کی وجہ سے مزید معلومات دینے سے انکار کررہے ہیں۔ یہ بھی معلوم نہیں ہوسکا کہ لڑکی کون ہے اور انہیں کس بات پر سزا دی جارہی ہے۔

طالبان ترجمان مسلم خان سے رابطہ کیا گیا تو انہوں نے کہا کہ خواتین کو کوڑے مارنے کی سزا کا واقعہ حالیہ دنوں میں پیش نہیں آیا ہے۔ انہوں نے اس خاص واقعہ سے بھی لاعلمی کا اظہار کیا البتہ انہوں نے اس بات کی تصدیق کی کہ امن معاہدے سے قبل مولانا فضل اللہ کے حکم پر خواتین کو سزائیں دی جاتی تھیں۔

انہوں نے کہا کہ ماضی میں خواتین کو سرعام سزائیں نہیں دی گئیں بلکہ مولانا فضل اللہ نے حکم دیا تھا کہ خواتین کو جب بھی سزا دینی ہو تو انہیں کمرے کے اندر کوڑے مارے جائیں۔ مسلم خان کے بقول انہوں نے ماضی میں ایسی خواتین کو سزائیں دی ہے جو بقول ان کے گھر سے بھاگ گئی تھیں یا پھر انہیں مبینہ طور پر ' غیر اخلاقی حرکات' میں ملوث پایا گیا تھا۔

ملاکنڈ ڈویژن کے کمشنر سید محمد جاوید سے بھی جب اس بابت رابطہ کیا گیا تو انہوں نے بھی اس طالبان ترجمان مسلم خان کے مؤقف کی تائید کی اور کہا ممکن ہےماضی میں خواتین کو ایسی سزائیں دی گئی ہوں۔ان کے بقول امن معاہدے کے بعد طالبان نے اپنی نجی عدالتیں ختم کردی ہیں۔

ابھی تک یہ معلوم نہیں ہوسکا ہے کہ آیا یہ واقعہ حکومت اور طالبان کے درمیان ہونے والے امن معاہدے سے پہلے یا بعد میں پیش آیا ہے لیکن یہ اس لحاظ بہت ہی سنگین واقعہ ہے کہ سوات میں ایک خاتون کو سرعام کوڑوں کی سزادی جارہی ہے۔اس سے قبل طالبان نے کئی دفعہ ان مرد حضرات کو لوگوں کے سامنے کوڑوں کی سزائیں دی تھیں جن پر مختلف نوعیت کے الزامات لگائے گئے تھے۔


اگر کسی کے پاس اصل ویڈیو ہو تو لگائیں۔۔۔۔ ویسے تالی بانوں کے حمائتی اس کے حق میں بھی کچھ نہی کچھ نکال لائیں گے۔۔۔

خلیل

ویسے میرے خیال سے پھر امریکہ ٹھیک ہی کر رہا ہے طالبان کو مار کر

فیصل ناصر

اس ویڈیو پر جیو اور دوسرے میڈیا میں بحث چل رہی ہے

صوفی محمد نے اس واقعے پر طالبان کے ملوث ہونے کی تردید کردی ہے
اور اس قسم کے لوگوں سے نمٹنے کا اعلان کیا ہے

اب کیا کہیں گے آپ ہے ؟؟

باقی لوگ بھی اس پر رائے دے رہے ہیں ذرا غور سے دیکھ لیں

فیصل ناصر

اس بات کے جواب میں کوئی یہ کہدے کے غزہ میں اسرائیل بھی ٹھیک کررہا ہے تو ۔۔۔۔

ذاتی عناد میں اتنا آگے نا بڑھیں کے دوست اور دشمن کی تمیز بھی کھو دیں

Haya 786

طالبان ھیں یا نہیں مگر مجھے ایک بات بتائیں کیا یہ لوگ مسلمان ھیں یا نہیں ؟؟؟
کیا یہ جو کر رھے ھیں ٹھیک کر رھے ھیں ؟؟
مجھے ویڈیو دیکھ کر دکھ کے ساتھ غصہ بھی آرھا ھے کیا مسلم ملک میں مردوں کے جھمگٹے میں مرد کسی عورت کو ایسے سزا دے سکتے ھیں ؟

فیصل ناصر

بی بی آپ کی بالکل ٹھیک
ایسی کسی بھی حرکت کی حمائت نہیں کی جاسکتی
لیکن یہاں ایک بات کو مختلف زاوئے سے بیان کیا جا رہا ہے

ایک مخصوص طبقے کو لعن طعن کیا جارہا ہے

چوری کرنا بری بات ہے
اگر کوئی مسلمان چوری کرے تو کیا سارے مسلمان خراب ہو جائیں گے ؟؟
اور کیا اس کا مطلب یہ ہوجائے گا کے اسلام میں چوری کرنا جائز ہے ؟؟
انفرادی عمل کے عوض اجتماع پر قدزن لگانا چہ معنی

فیصل ناصر

بی بی آپ کی بالکل ٹھیک
ایسی کسی بھی حرکت کی حمائت نہیں کی جاسکتی
لیکن یہاں ایک بات کو مختلف زاوئے سے بیان کیا جا رہا ہے

ایک مخصوص طبقے کو لعن طعن کیا جارہا ہے

چوری کرنا بری بات ہے
اگر کوئی مسلمان چوری کرے تو کیا سارے مسلمان خراب ہو جائیں گے ؟؟
اور کیا اس کا مطلب یہ ہوجائے گا کے اسلام میں چوری کرنا جائز ہے ؟؟
انفرادی عمل کے عوض اجتماع پر قدزن لگانا چہ معنی

حیدر Rehan

اللہ کا عذاب ہے اسے لوگوں کے لیے کہ خود تو ۔ ۔ قوم لوط والی حرکات کریں اور جو زرہ برابر بھی کوی جرم سرزد وہ تو سرے عام اس پر ظلم کیا جاے ۔ ۔ ۔

سود کا کاروبار ساری دنیا جانتی ہے کہ یہی لوگ کرتے ہیں ، ، ، لیکن جو خود کریں وہ کچھ نہیں ۔ ۔ ۔ ۔ ۔ ستر ستر سال کی عمر میں اٹھ اٹھ شادیاں کرنے والے کم عمر لڑکیوں سے اج اسلام کی باتیں کرتے ہیں ۔ ۔ ۔ عورتوں کو غلام سمجھنے والے ، ، سودہ کرتے ہیں انسانیت کا۔ ۔ ۔ ۔

ایسی ویڈو افغانستان کی بھی کتنی ہی موجود ہیں ، ، ،
اور اگر کوی کارو کاری ، ، جیسے عمل کہ اچھا سمجھتا ہے وہ بھی انہی میں شامل یے ۔ ۔ ۔
فرعون جسا ظالم جب دریا میں ڈوبنے لگا تو اس نے حضرت موسی سے کہا کہ میں ایمان لایا تیرے رب پر اے موسی مجھے بچا لے، ، مجھے بچا لے ، مجھے بچالے ۔ ۔
تو اللہ نے پکار کر کہا اے فرعون اگر تو مجھے ایک بار بھی مدد کے لیے پکارتا تو مجھے قسم ہے اپنی ربوبیت کی میں تجھے بچا لیتا ۔۔ ۔ ۔ ۔ ۔۔ ۔ کیا خیال ہے کہ اس بچی کا کون سا ایسا عمل تھا جو اللہ معاف نہ کرتا ۔ ۔ ۔ ۔اور یہ اسلام کے ٹھیکیدار بن گیے ۔

حضرت نوع علیہ سلام طوفان کے بعد ، ، روزگار کے لیے مٹی کے برتن بنانے اور بیجنے کا حکم دیا۔ ۔ ۔
ایک روز ایک فرشتہ ایا اور حضرت نوح سے کچھ کھلونے / برتن خریدے اور حضرت نوح کے سامنے توڑ دیے ۔ ۔ ۔ حضرت نوح نے کہا اے شخص تجھے اگر پسند نہ آے تھے تو تو میرے سامنے تو نہ اسے توڑتا ، ، کہیں اور جاکر توڑدیتا ۔ ۔ مجھے بہت دکھ ہوا تیری اس حرکت پر۔ ۔
تو آواز قدرت ائی اے نوح ، ، تجھ سے یہ مٹی کہ بے جان کھلونے اور برتن کے ٹوٹنے کا دکھ برداشت نہیں ہوتا ، ، اور تو نے مجھ سے میرے بناے ہوے لوگوں پر عذاب کی بددعا کی، ، اور تو جانتا ہے تھا کہ نبی کی دعاییں میں رد نہ کرسکوں گا
وہ میرا انکار کرتے تھے ، ، تو میں جانو یا وہ جانے ، تیرا کام تو صرف پیغام دینا تھا ،مجھے بہت افسوس ہے کہ تو نے ایسی بددعا بھی کی ۔ ۔ ۔ ۔

محمد الیاس

ایک بات طے ہے کہ عورت کو کسی کے فیصلے کے مطابق کسی جُرم کی سزا ملی ہے۔ اسلامی لحاظ سے یہ لوگ محرم ہونے چاہئیں جنہوں نے اسکو پکڑا ہے۔ یہ مجمع کھڑا تماشہ دیکھ رہا ہے جو اس بات کی نشاندھی کرتا ہے کہ یا تو یہ لڑکی کسی سنگین جُرم کا ارتکاب کئے ہے یا یہ تماشہ کرنے والے لوگ بے غیرت ہیں۔ اس بارے میں سردست کُچھ نہیں‌کہا جا سکتا کیونکہ ہم کو مکمّل واقعے اور وجوہات کا علم نہیں ہے۔ جیسا کہ عام زمانے کا دستور ہے ظلم ہوتے دیکھ کر بھی لوگ صرف تماشہ ہی کرتے ہیں۔ اب نشریاتی اداروں نے اس تماشے کو ایک باقاعدہ حیثیّت دی ہے کہ لوگ آپس میں گتّھم گُتھّا ہوں تو یہ لوگ مختلف زاویوں سے تصویریں کھینچتے رہتے ہیں۔
اس واقعے سے زیادہ شدید یہ واقعات ہیں کہ پاکستانی حکمران کافر ملکوں میں جا کر کھلّم کھلّا شراب پیتے ہیں اور ان کے چہیتے مرد اور عورتیں مختلف لوگوں‌ کے سامنے فحش حرکات کرتے اور ناچتے بھی ہیں۔ کیا کبھی اُن پر بنی عکسبندیوں پر اس طرح نشریاتی اداروں نے کبھی توجہ نہیں دی ہے۔ فی الحال امریکہ کا زور طالبان کے خلاف صرف ہو رہا ہے تو یہ بھی گلے پھاڑ رہے ہیں طالبان کے خلاف۔ امریکہ میں تقریبا" چالیس فیصد بچّوں کے والد کے نام درج نہیں ہوتے ہیں۔ یورپ کے بعض ملکوں‌میں یہ تناسب اور زیادہ ہے۔ کیا اس سے بڑا انسانیّت پر ظلم کوئی اور ہو سکتا ہے بچّہ اور عورت کے حقوق کی اس سے بڑی خلاف ورزی کیا ہو سکتی ہے۔ وہاں بچّیوں کو اس عمر سے ناچ کے لئے عادی کرایا جاتا ہے جبکہ اسکو معلوم نہیں ہوتا کہ کمر کس طرح لچکایا جاتا ہے جسکا آپ لوگ عام تماشا کر سکتے ہیں اور پاکستان پر آوازیں کستے ہیں کہ یہاں بچّوں کے حقوق غصب کئے جا رہے ہیں۔ کچھ لوگ عیّاش گھوڑے دوڑانے والے عربیوں کو بچّے بیچتے ہیں‌ اس حد تک تو ٹھیک ہے مگر ان حقوق کا بہانہ کر کے ایک زمانے میں سیالکوٹ کی گیندوں پر بین الاقوامی طور پر پابندی کی کوشش بھی کی گئی تھی کہ ان کو بچّے سیتے ہیں جو دس سال کی عمر کے ہوتے ہیں۔
اس واقعے پر اسی وقت اپنی رائے دی جاسکے گی جب یہ معلوم ہو کہ؛
1- یہ عورت/لڑکی کون ہے؟
2- اس نے کیا جُرم کیا تھا، اور کیا اس سے پہلے بھی اس کو ایسا نہ کرنے کی تنبیہہ کی گئی تھی؟
3- جو لوگ اس کو سزا دے رہے ہیں وہ کون ہیں اور اس عورت سے انکا کیا رشتہ ہے؟
یہ بات یاد رکھئے کہ عام بے پردہ عورتیں اسکو اپنا حق تصوّر کرتی ہیں اور کسی چاردیواری کو قید خانہ۔ اسلئے ایسی عورتیں اکثر شادی کر کے بھی مرد اگر ان کی طبیعت کے مطابق ہو تو انکے ساتھ رہ لیتی ہیں ورنہ طلاق لے کر اپنی پہلی زندگی گُزارتی ہیں۔

wajee

ویسے یہ چھے مہینے پہلے کا واقعہ ہے لیکن جو بھی ہوا اچھا نہیں ہوا

ایکسٹو

ابھی ابھی جیوپر طالبان کے نمائندے ًمسلم خان سے اسی موضوع پر بات کی گئی اور انہوں‌نے بتایا کہ یہ وڈیو دراصل طالبان کے جنگ کے زمانے کی ہے اور تقریباً ایک سال پرانی ہے۔ انکا کہنا تھا کہ سزا تو بہرحال ملنا ہی تھی، مگر یہ طریقہ بالکل غلط ہے۔
اور یہ بھی کہ جن مردوں نے اس لڑکی کو پکڑ رکھا تھا، وہ اسکے اپنے گھر کے محرم لوگ تھے۔
انکا کہنا تھا کہ گو کہ طریقہء کار غلط تھا، مگر یہ اسوقت کے طالبان نے تحقیق کر کے سزا دی۔ اگر یہی کام موجودہ وقت کے قاضی عدالتوں کے ذریعے ہوا ہوتا تو شائید اس لڑکی کو سنسار کر دیا جاتا۔
اسکے ساتھ ساتھ انہوں‌نے یہ بھی بتایا کہ یہ لڑکی اپنے سسر کے ساتھ باہر پھرتی رہی جو کہ اسکے لئے نامحرم ہے۔ اور اس کے سُسسر کو بھی سزا دی گئی جس کی وڈیو نہیں‌دکھائی گئ اور چھُپا لی گئی۔
یہ یاد رہے کہ یہ وڈیو موبائیل کیمرہ کے ذریعے بنائی گئی ہے اور خود طالبان نے نہیں‌بنائی۔

اب امن معاہدے اور قاضی عدالتوں کے قیام کے بعد، طالبان ان عدالتوں کے فیصلوں‌کے پابند ہیں اور خود سے ایسی حرکت نہیں‌کرتے۔

عبداللہ حیدر

اس قسم کی گھٹیا الزام تراشی اور اسلام کے ٹھیکیدار ہونے کا دعوٰی بھی۔ بہت خوب۔ کاش سورۃ النور کی ابتدائی آیات ہی پڑھ لی ہوتیں، اس طرح کا الزام لگانے والے کو بھی کوڑوں کی سزا دی جا سکتی ہے۔

شازل

اسلام میں زانی یا زانیہ کی سزا مقرر ہے اور ہم اس میں کوئی ردوبدل نہیں‌کرسکتے
اور اسے ظالمانہ کہنا بھی گناہ کے زمرے میں آتا ہے
مگر سوال یہ ہے کہ ہم میں سے کون اس گناہ سے پاک ہے ہر جگہ فحاشی کا دور دورہ ہے کون کہہ سکتا ہے کہ میں اگر موقع ملا تو گناہ میں شامل نہیں ہو ں گا،
کاش اس کے ساتھ مرد کو بھی ایسے ہی حالات سے گزارا جاتا،
ہم جانتے ہیں کہ تھانوں میں کسی عورت کے ساتھ کیا کچھ نہیں کیا جاتا یہ تو اس کے عشر عشیر بھی نہیں مگر سوال یہ بھی کہ کبھی کسی نے اس کے خلاف اس قدر طاقتور آواز اٹھائی؟
کاش اس واقعے کو پردے میں کیا جاتا اور کچھ اور بھی اہتمام کیا جاتا،سرعام اس عورت کی بے عزتی نہ کی جاتی، اس واقعے کو اسلام سے نتھی کرنا قطعی غلط ہے بلکہ یہ اسلام سے برگشتہ کردینے والی بات ہے، اور اس کے لئے وہ لوگ جو ایسا کررہے ہیں قابل تعزیر ہیں،خدا ان سے نمٹے تو نمٹے ورنہ یہ کسی انسان کے بس کی بات تو نہیں۔

فیصل ناصر

لیکن ڈالر تو اب ملے ہیں اس کی تشہیر کے

خلیل

ان کے اور بھی بہت سارے کارنامے ہیں جن میں عورتوں کی چھاتی کو کاٹا جا رہا ہے۔۔۔خیر میری طرف سے ....

محمد الیاس

شیری رحمن اس معاملے پر کافی بولی ہے اور شائد اسکو پچھتاوا بھی ہو کہ حکومت میں اب نہیں ہے ورنہ اس کو خوب اُچھالتی اور اسکا طوطا سر چڑھ کر بولتا۔ یہ تو ایک جھلک ہے ابھی زنا کی سزا کسی نے عکسبندی میں نہیں بھری ہے۔ اس تماشے میں کیا بُرائی ہے وہ الگ بات ہے مگر پشتو عکس میں کام کرنے والی غیر معمولی جُثّے والی عورتوں اور لفنگوں کو جان کے لالے پڑیں گے۔ شیری رحمٰن اور متعلقہ لوگوں کو صرف یہ شعر پڑھنا چاہئے؛
تھا زندگی میں‌موت کا کھٹکا لگا ہوا
مرنے سے پیشتر بھی میرا رنگ زرد تھا