امریکا سے رقم لینے کا الزام درست ثابت ہونے پر سنی اتحاد کونسل کی تحقیقاتی کمیٹی نے 4رہنماؤں کی بنیادی رکنیت معطل کرکے انہیں پارٹی عہدوں سے فارغ کردیا ہے۔
دی نیوز ٹرائب کے نمائندے کے مطابق جن رہنماؤں کی پارٹی رکنیت معطل کی گئی ہے ان میں جماعت اہلسنت کے صفدر شاہ اور فضل الرحمن اوکاڑوی ، سنی تحریک کے حیدر علوی اور مدثر شاہ شامل ہیں۔
سنی اتحاد کونسل نے امریکا سے فنڈ لیے
نمائندے نے یہ بھی بتایاکہ پارٹی کی بنیادی رکنیت سے معطلی اور عہدوں سے فارغ کیے جانے پر مذکورہ رہنماؤں نے پارٹی کو قانونی نوٹس بھجوادیے ہیں۔
واضح رہے کہ 11جنوری 2012ء کو اسلام آباد میں امریکی سفارت خانے نے دعوی کیا تھا کہ اس نے پاکستان کے بریلوی مکتبہ فکر سے تعلق رکھنے والی جماعتوں کے اتحاد، سنی اتحاد کونسل، کو 2009ء میں فنڈنگ کی تھی۔
امریکی خبررساں ادارے ایسوسی ایٹڈ پریس )اے پی(نے پاکستان میں امریکیسفارتخانے کے اہلکار کے حوالےسے انکشاف کیا تھا کہ امریکا سے فنڈ لینے کے بعد سنی اتحاد کونسل نے اپنی سمت تبدیل کی ہے۔
امریکا کی سرکاری ویب سائٹ usaspending.govکے مطابق سنی اتحاد کونسل نے 2009ء میں امریکا سے 36 ہزار 607 ڈالر وصول کے تھے۔
سنی اتحاد کونسل نے پاکستان میں دہشت گردی اورانتہا پسند تنظیموں خصوصاً طالبان کے خلاف زور و شور سے مہم چلائی اور ان کے خلاف متعدد احتجاجی ریلیاں اور جلسے کا بھی منعقد کیے۔
امریکا سے فنڈ لینے والے 4 رہنما معطل | The News Tribe

__________________
"اگرحق کونہیں پہچان سکتے،تو باطل کےتیروں پر نظررکھو،جہاں پرلگ رہے ہوں وہی حق ہے///شیخ الاسلام،،،امام ابن تیمیہ رحمتہ اللہ علیہ. (حافظ سعید زندہ باد)