چاچا کمال

صوبہ سرحد کے ضلع سوات سے پہلی مرتبہ ایک ایسی ویڈیو منظر عام پر آئی ہے جس میں حلیے سے طالبان معلوم ہونے والے افراد ایک لڑکی کو سرعام کوڑوں کی سزا دے رہے ہیں۔تاہم حکومت اور طالبان نے اس خاص واقعہ کی تردید کی ہے تاہم اس بات کی تصدیق کی کہ ماضی میں خواتین کو کوڑوں کی سزائیں دینے کے واقعات پیش آئے ہیں۔

موبائل فون سے بنائی گئی یہ دو منٹ کی ویڈیو اب سرعام دستیاب ہے۔ ویڈیو میں سرخ جوڑے میں ملبوس ایک جوان سال لڑکی کو دکھایا گیا ہے جسے زمین پر الٹا لِٹاکر کوڑے مارے جارہے ہیں۔

ویڈیو میں یہ بھی دکھایا گیا ہے کہ طالبان کے حُلیے میں ایک شخص لڑکی کو پشت پر کوڑے برسارہا ہے جبکہ ایک شخص اس کے پیروں اور دوسرے نے جسم کے اوپر کے حصے کو دبوچا ہوا ہے۔ اس موقع پر درجنوں افراد دائرے میں کھڑے اس منظر کو دیکھ رہے ہیں۔

سزا دینے والے افراد آپس میں پشتو زبان میں بات کرتے ہیں اور لڑکی چیختی چلاتی پشتو میں فریاد کرتی ہے کہ ’میرے باپ کا توبہ ، میرے دادا کا توبہ آئندہ ایسا نہیں کرونگی۔‘ وہ شدت درد سے بار بار التجا کرتی ہے کہ ’خدا کے لیے کچھ صبر کرو‘ مگر مارنے والا شخص کہتا ہے کہ ’تم نے کہا تھا مجھے ماردو مگر اب تو میرے پاس چھری بھی نہیں ہے۔‘

پندرہ سے زائد کوڑے مارنے کے بعد وہ لوگ لڑکی کو چھوڑ دیتے ہیں اور اٹھتے ہی لڑکی شٹل کاک برقعہ میں ملبوس نظر آتی ہے۔ اس وقت ان میں سے بڑی داڑھی والا ایک شخص اس سے قریب واقع ایک کمرے میں لے جاتا ہے۔ چیخ و پکار اور باتوں سے وہ تقریباً بارہ سے سترہ سال کے درمیان کی عمر کی معلوم ہوتی ہے۔

اس سلسلے میں دس کے قریب مقامی لوگوں سے رابطہ کیا گیا تو کافی مشکلات کے بعد انہوں نے صرف واقعہ کی تصدیق کی اور کہا کہ واقعہ سوات کی تحصیل کبل کے کالا کلی میں پیش آیا ہے۔ مقامی لوگ بظاہر خوف کی وجہ سے مزید معلومات دینے سے انکار کررہے ہیں۔ یہ بھی معلوم نہیں ہوسکا کہ لڑکی کون ہے اور انہیں کس بات پر سزا دی جارہی ہے۔

طالبان ترجمان مسلم خان سے رابطہ کیا گیا تو انہوں نے کہا کہ خواتین کو کوڑے مارنے کی سزا کا واقعہ حالیہ دنوں میں پیش نہیں آیا ہے۔ انہوں نے اس خاص واقعہ سے بھی لاعلمی کا اظہار کیا البتہ انہوں نے اس بات کی تصدیق کی کہ امن معاہدے سے قبل مولانا فضل اللہ کے حکم پر خواتین کو سزائیں دی جاتی تھیں۔

انہوں نے کہا کہ ماضی میں خواتین کو سرعام سزائیں نہیں دی گئیں بلکہ مولانا فضل اللہ نے حکم دیا تھا کہ خواتین کو جب بھی سزا دینی ہو تو انہیں کمرے کے اندر کوڑے مارے جائیں۔ مسلم خان کے بقول انہوں نے ماضی میں ایسی خواتین کو سزائیں دی ہے جو بقول ان کے گھر سے بھاگ گئی تھیں یا پھر انہیں مبینہ طور پر ' غیر اخلاقی حرکات' میں ملوث پایا گیا تھا۔

ملاکنڈ ڈویژن کے کمشنر سید محمد جاوید سے بھی جب اس بابت رابطہ کیا گیا تو انہوں نے بھی اس طالبان ترجمان مسلم خان کے مؤقف کی تائید کی اور کہا ممکن ہےماضی میں خواتین کو ایسی سزائیں دی گئی ہوں۔ان کے بقول امن معاہدے کے بعد طالبان نے اپنی نجی عدالتیں ختم کردی ہیں۔

ابھی تک یہ معلوم نہیں ہوسکا ہے کہ آیا یہ واقعہ حکومت اور طالبان کے درمیان ہونے والے امن معاہدے سے پہلے یا بعد میں پیش آیا ہے لیکن یہ اس لحاظ بہت ہی سنگین واقعہ ہے کہ سوات میں ایک خاتون کو سرعام کوڑوں کی سزادی جارہی ہے۔اس سے قبل طالبان نے کئی دفعہ ان مرد حضرات کو لوگوں کے سامنے کوڑوں کی سزائیں دی تھیں جن پر مختلف نوعیت کے الزامات لگائے گئے تھے۔


اگر کسی کے پاس اصل ویڈیو ہو تو لگائیں۔۔۔۔ ویسے تالی بانوں کے حمائتی اس کے حق میں بھی کچھ نہی کچھ نکال لائیں گے۔۔۔

سام

نام کے پہلے تین حرف وگرنہ ائ ہیٹ انکل سام

فیصل ناصر

تو اپنا مکمل نام بھی بتا دیں

عبدالقدوس

ارے یار آپس میں ایویں‌لڑ لڑ مر رہے ہو یہ کیوں نہیں سوچتے کہ اتنے اسلام کے ٹھیکدار جو یہ بن رہے ہیں انہوں نے یہ ویڈیو کیوں بنانے دی؟

عبدالقدوس

اور سب سے مزے دار بات یہ کہ مار کھانے کے بعد خاتون ایسے چُستی سے کھڑی ہوجاتی ہیں‌جیسے کہ کوڑے انہیں نہیں زمیں پر مارے جا رہے ہوں

ام غزل

اس سوال کا جواب تو میں بھی چاہوں گی۔

فرحان دانش

فاروق سرورخان

برادر محترم، آیت کے اس اردو حصے کے مترادف عربی حصے پر نشان لگا دیجئے۔
جبکہ شادی شدہ مرد و عورت کی بدکاری پر سزا رجم ہے اور یہ سزائے موت ہے

آپ عربی سے واقف ہیں اور بخوبی جانتے ہیں کہ اس آیت میں عربی میں یہ الفاظ موجود نہیں۔

سوالات
کیا یہ آیت یہ بھی کہتی ہے کہ ۔
1۔ کوئی شنوائی اور کوئی فریاد نہ ہو؟
2۔ کیا آپ کو پتہ ہے کہ اس عورت نے زنا کیا تھا۔
3۔ کیا آپ کو پتہ ہے کہ بنا جانے زنا کا الزام رکھنے والے کی سزا کیا ہے؟‌ آپ یہ الزام لگا چکے ہیں۔ بلکہ آُپتو حد بھی لگا چکے ہیں۔
4۔ کیا اس کے جرم کی مکمل تفتیش کی گئی؟
5۔ کیا اس تفتیش کا، گواہوں کے ناموں کا ، اور زنا کے مرد مجرم کا ریکارڈ‌رکھا گیا؟
6۔ کیا اس مرد زانی کو بھی اس جرم کی سزا دی گئی۔
7۔ کیا یہ آیت یہ بھی کہتی ہے کہ اس کے دیکھنے والے مرد ہوں۔ پکڑنے والے مرد ہوں اور مرد ہی سزا دیں؟
8۔ کیا یہ آیت یہ بھی حق دیتی ہے کہ اس مقدمہ کا کوئی ریکارڈ نہ رکھا جائے۔

برادر محترم ، پاکستان کی معمولی سے معمولی عدالت میں بھی یہ تمام ریکارڈ رکھا جاتا ہے۔ کیا وجہ ہے کہ شرعی عدالت اس کا حساب نہ رکھے؟

بات صرف اتنی ہے کہ "غیرت مند تالی بانوں " کو عورتوں کی تجارت میں بہت مزا آتا ہے۔ ان کا بس نہیں چلتا کہ کس طور ان عورتوں کو قابو کریں۔ اور پھر ان کی کالا بازاری کریں۔ صرف یہی وجہ ہے کہ ان کی غیرت جاگتی ہے۔ کہ اگر عورت کے اسلامی حقوق ہونگے تو پھر تول تول کر کس طرح بیچیں گے؟

صاحب مسلمان کا اسلام اور تالی بانی دو الگ الگ مذہب ہیں۔ مسلمان کے مذہب کا مرکز مکہ مکرمہ اور مدینہ ا منورہ ہے اور تالی بانوں کے مذہب کا مرکز سمرقند و بخارا۔ مسلمان کا نبی حضرت محمد صلی اللہ علیہ وسلم ہیں اور تالی بان کا نبی بخاری و سمرقندی۔

اگر اس طرح کا اسلام مسلمانوں پر طاقت استعمال کرکے تھونپنا ہے تو اس کا جواب میں بھی طاقت کی توع رکھیں۔ پھر جس کا بھی بڑا بم ہو ، اس پر شکایت نہ کرے کوئی ۔ا۔ جب ان لوگوں نے قرآن سے باہر رہ کر فقہ اور شریعت کے نام پر تالی بانی بذریعہ طاقت نافذکرنی ہے تو پھر ڈرون حملہوں کی شکائت کیسی؟ پھر طاقت کے جواب میں طاقت کی ہی توقع رکھیں۔ جو لوگ قانون سازی کرنے کے لئے آپس کی مشاورت کی جگہ طاقت کا استعمال پسند کرتے ہیں پھر نہ ان رحم کیا جاتا ہے اور نہ ہی ان کی شکائت سنی جاتی ہے۔

براد محترم کیا آپ تالی بانی کو اسلام سمجھتے ہیں؟ اس کو قرآن سے ثابت کرتے ہیں؟

shafresha

کل بروز جمعہ اس مراسلے پر تبصرہ کرکے جب شام کو اپنے گھر پہنچا تو گھر میں‌گھستے ہی میں‌نے اپنے بڑی بیٹی "فارھہ" کو پنا منتظر پایا، بابا، بابا، آپ کو پتہ ہے "طلا بان" نے ایک لڑکی کو کوڑے مارے؟"
کیا؟ "مجھے ایسا لگا وہ جیسے کی نے وہ کوڑا میرے سر پرمارا ہو۔" آپ کو کس نے کہا بیٹے؟ میں‌نے پیار سے پوچھا تو معلوم ہوا کے یہ خبر ٹی وی پر جیو نیوز نے بڑے اہتمام سے نہ صرف نشر کی ہے بلکے وہ لوگ مسلسل یہ ویڈیو بھی دیکھا رہے ہیں۔
آپ کو شاید یقین نہ کریں مگر یہ سیچ ہے میری بیٹی مجھے یہ سب کچھ بتاتے ہوئے کانپ رہی تھی۔ میں‌نے اپنی 9 سال کی بیٹی کے گال پر پیار کیا اور اُسے اپنی گود میں‌اُٹھا لیا اور کہا :بیٹے تم کیوں ڈر رہی ہو؟ "بابا وہ لڑکی کو مار رہے تھے، کوڑوں‌سے، بابا اب میں اکیلی باہر نہیں جاؤں گی" اُس نے یچکیاں‌لیتے ہوئے کہا۔
مجھے رونا آگیا اور میں‌نے اُسے اپنے سینے سے لگاتے ہوئے کہا "کسی کی مجال ہے کے میری بیٹی کو مارے" آپ کے بابا ہیں‌نا!

آج میں‌آپ سب سے سوال کرتا ہوں‌کے کیا اس قسم کی سوچ رکھنے والوں لوگوں سے بریت کا اعلان کرنا مُناسب نہ ہوگا۔
خواہ ہمیں‌مل کر ہر سطح پر ان جیسی سوچ رکھنے والے لوگوں کو مار مار کراپنے معاشرے سے نکالنا ہی کیوں‌نہ پڑے۔ انہیں‌ان کے علاقوں‌میں‌بھیج دینا چاھیئے۔
میرے ایک عزیز نے اپنی دانست میں‌ اُس کوڑے مارنے والے شخص کو چیلنج دیا ہے کے "کاندھے پر کلاشنکوف ٹانگ کر خود کو "مردِ مجاہد" سمجھنے والے آ، مردوں کی طرح کھلے ہاتھوں سے مجھ سے مقابلہ کر اگر میں نے اپنے خالی ہاتھوں کے "پینچ" سے تیرے چہرے کا بھرتہ نہ بنا دیا تو میرا نام نہیں! ع
مومن ہو تو بے تیغ بھی لڑتا ہے سپاہی

فاروق سرورخان

جب لوگ " طاقت کے استعمال " کو باہمی مشاورت کی جگہ چن لیتے ہیں تو پھر ان سے طاقت کی زبان میں ہی بات کی جانی چاہئیے۔ تالی بانوں کی یہ خاصیت ہے کہ چھپ کر وار کرتے ہیں۔۔ جب ان لوگوں نے طاقت کے استعمال کو چن ہی لیا ہے تو پھر رحم کیسا؟

ام غزل

اےاللہ ہم پر، ہماری اولادوں پر، اور ہماری عزتوں پر رحم فرمااور ہمیں سیدھی راہ پر چلنے کی توفیق عطا فرما۔آمین ثم آمین۔

arslansun

بھائی یہ تو کچھ نہیں‌بڑے سے بڑے تازے واقعات پر تو چینلز بند کردیئے جاتے ہیں‌حکومت میڈیا کا منہ بند کر دیتی ہے اور اس تین ماہ پہلے کے چھوٹے سے واقعے کو میڈیا نے کتنا اٹھا لیا شائید حکومت دھیان کسی اور طرف کرنا چاہ رہی ہے۔

طاھر

بہت اچھے بھائی حیدر !

میں کسی کو قتل کر دیتا ہوں اور اللہ سے معافی مانگ لیتا ہوں - کیا ضرورت ہے دنیاوی انصاف کے سسٹم کی؟‌
اور اگر یہی کام کوئ خدانخواستہ آپ کے کسی جاننے والے کے ساتھ کردے تو کیا آپ کا حق نہیں کہ اسے سزا دلوائیں - یا اس کے لیئے اللہ سے بیٹھ کردعا کریں گے کہ اللہ میری دعا کو اس کی معافی پر زیادہ فوقیت دے؟

والسلام
طاہر

شاھین

ویسے ایسی ویڈیوز شئر کرنا کسی عقل مند کا کام نہیں ، بغیر تصد یق کیے ، یہ اسلام کو بدنام کرنے کے علاوہ اور کچھ نہیں اور سبحانہ اللہ یو ٹیوب‌کو تو عقل آگی کے انھوں‌نے ویڈیو ہٹا دی پر پتا نہیں‌ہمارے بھائیوں‌کو کب آئی گی جو اس تھریڈ‌کو ہٹا دیں کیوں‌کہ یہ اسلام سے نفرت کا بائث بھی بن سکتا ہے (اللہ معاف کرے(

حیدر Rehan

بے شک یہ میں نے کب کہا کہ قران میں یہ نہی میں نے مدد پر پکارنے کو کہا تھا پھر پڑہ لیں جناب۔ ۔ ۔ اللہ نے کہا کہ اے فرعون اگر تو ایک بار بھی مجھے مدد کے لیے پکارتا تو میں تجھ کو بچالیتا ۔ ۔ ۔ ۔ ۔ ۔ ۔ ۔(یہ مختلف کتابوں میں ہے سب کی کتابوں میں ۔ ۔ ۔ کسی ایک کی نہی ۔ ۔ ۔

حیدر Rehan

سوالات
کیا یہ آیت یہ بھی کہتی ہے کہ ۔
1۔ کوئی شنوائی اور کوئی فریاد نہ ہو؟
2۔ کیا آپ کو پتہ ہے کہ اس عورت نے زنا کیا تھا۔
3۔ کیا آپ کو پتہ ہے کہ بنا جانے زنا کا الزام رکھنے والے کی سزا کیا ہے؟‌ آپ یہ الزام لگا چکے ہیں۔ بلکہ آُپتو حد بھی لگا چکے ہیں۔
4۔ کیا اس کے جرم کی مکمل تفتیش کی گئی؟
5۔ کیا اس تفتیش کا، گواہوں کے ناموں کا ، اور زنا کے مرد مجرم کا ریکارڈ‌رکھا گیا؟
6۔ کیا اس مرد زانی کو بھی اس جرم کی سزا دی گئی۔
7۔ کیا یہ آیت یہ بھی کہتی ہے کہ اس کے دیکھنے والے مرد ہوں۔ پکڑنے والے مرد ہوں اور مرد ہی سزا دیں؟
8۔ کیا یہ آیت یہ بھی حق دیتی ہے کہ اس مقدمہ کا کوئی ریکارڈ نہ رکھا جائے۔

برادر محترم ، پاکستان کی معمولی سے معمولی عدالت میں بھی یہ تمام ریکارڈ رکھا جاتا ہے۔ کیا وجہ ہے کہ شرعی عدالت اس کا حساب نہ رکھے؟

بات صرف اتنی ہے کہ "غیرت مند تالی بانوں " کو عورتوں کی تجارت میں بہت مزا آتا ہے۔ ان کا بس نہیں چلتا کہ کس طور ان عورتوں کو قابو کریں۔ اور پھر ان کی کالا بازاری کریں۔ صرف یہی وجہ ہے کہ ان کی غیرت جاگتی ہے۔ کہ اگر عورت کے اسلامی حقوق ہونگے تو پھر تول تول کر کس طرح بیچیں گے؟

صاحب مسلمان کا اسلام اور تالی بانی دو الگ الگ مذہب ہیں۔ مسلمان کے مذہب کا مرکز مکہ مکرمہ اور مدینہ ا منورہ ہے اور تالی بانوں کے مذہب کا مرکز سمرقند و بخارا۔ مسلمان کا نبی حضرت محمد صلی اللہ علیہ وسلم ہیں اور تالی بان کا نبی بخاری و سمرقندی۔

براد محترم کیا آپ تالی بانی کو اسلام سمجھتے ہیں؟ اس کو قرآن سے ثابت کرتے ہیں؟[/QUOTE]

سب جانتےہیں کہ یہ لوگ اج تک اسلحہ، ہیروئن ، لڑکیاں اور سود کا کاروبار کرتے رہے، ، اور اج سب دھندے مشکل میں پڑگے تو حکومت کرنے نکل پڑے ۔ ۔
اسلام کے ٹھیکیدار ۔ ۔ بن گے ہیں ۔ ۔ ۔ ۔ کسی نے سہی کہا ہے تلابان، ، ، اور تالی بان ۔ ۔ ۔ ۔ہیں یہ لوگ۔ ۔