چاچا کمال

صوبہ سرحد کے ضلع سوات سے پہلی مرتبہ ایک ایسی ویڈیو منظر عام پر آئی ہے جس میں حلیے سے طالبان معلوم ہونے والے افراد ایک لڑکی کو سرعام کوڑوں کی سزا دے رہے ہیں۔تاہم حکومت اور طالبان نے اس خاص واقعہ کی تردید کی ہے تاہم اس بات کی تصدیق کی کہ ماضی میں خواتین کو کوڑوں کی سزائیں دینے کے واقعات پیش آئے ہیں۔

موبائل فون سے بنائی گئی یہ دو منٹ کی ویڈیو اب سرعام دستیاب ہے۔ ویڈیو میں سرخ جوڑے میں ملبوس ایک جوان سال لڑکی کو دکھایا گیا ہے جسے زمین پر الٹا لِٹاکر کوڑے مارے جارہے ہیں۔

ویڈیو میں یہ بھی دکھایا گیا ہے کہ طالبان کے حُلیے میں ایک شخص لڑکی کو پشت پر کوڑے برسارہا ہے جبکہ ایک شخص اس کے پیروں اور دوسرے نے جسم کے اوپر کے حصے کو دبوچا ہوا ہے۔ اس موقع پر درجنوں افراد دائرے میں کھڑے اس منظر کو دیکھ رہے ہیں۔

سزا دینے والے افراد آپس میں پشتو زبان میں بات کرتے ہیں اور لڑکی چیختی چلاتی پشتو میں فریاد کرتی ہے کہ ’میرے باپ کا توبہ ، میرے دادا کا توبہ آئندہ ایسا نہیں کرونگی۔‘ وہ شدت درد سے بار بار التجا کرتی ہے کہ ’خدا کے لیے کچھ صبر کرو‘ مگر مارنے والا شخص کہتا ہے کہ ’تم نے کہا تھا مجھے ماردو مگر اب تو میرے پاس چھری بھی نہیں ہے۔‘

پندرہ سے زائد کوڑے مارنے کے بعد وہ لوگ لڑکی کو چھوڑ دیتے ہیں اور اٹھتے ہی لڑکی شٹل کاک برقعہ میں ملبوس نظر آتی ہے۔ اس وقت ان میں سے بڑی داڑھی والا ایک شخص اس سے قریب واقع ایک کمرے میں لے جاتا ہے۔ چیخ و پکار اور باتوں سے وہ تقریباً بارہ سے سترہ سال کے درمیان کی عمر کی معلوم ہوتی ہے۔

اس سلسلے میں دس کے قریب مقامی لوگوں سے رابطہ کیا گیا تو کافی مشکلات کے بعد انہوں نے صرف واقعہ کی تصدیق کی اور کہا کہ واقعہ سوات کی تحصیل کبل کے کالا کلی میں پیش آیا ہے۔ مقامی لوگ بظاہر خوف کی وجہ سے مزید معلومات دینے سے انکار کررہے ہیں۔ یہ بھی معلوم نہیں ہوسکا کہ لڑکی کون ہے اور انہیں کس بات پر سزا دی جارہی ہے۔

طالبان ترجمان مسلم خان سے رابطہ کیا گیا تو انہوں نے کہا کہ خواتین کو کوڑے مارنے کی سزا کا واقعہ حالیہ دنوں میں پیش نہیں آیا ہے۔ انہوں نے اس خاص واقعہ سے بھی لاعلمی کا اظہار کیا البتہ انہوں نے اس بات کی تصدیق کی کہ امن معاہدے سے قبل مولانا فضل اللہ کے حکم پر خواتین کو سزائیں دی جاتی تھیں۔

انہوں نے کہا کہ ماضی میں خواتین کو سرعام سزائیں نہیں دی گئیں بلکہ مولانا فضل اللہ نے حکم دیا تھا کہ خواتین کو جب بھی سزا دینی ہو تو انہیں کمرے کے اندر کوڑے مارے جائیں۔ مسلم خان کے بقول انہوں نے ماضی میں ایسی خواتین کو سزائیں دی ہے جو بقول ان کے گھر سے بھاگ گئی تھیں یا پھر انہیں مبینہ طور پر ' غیر اخلاقی حرکات' میں ملوث پایا گیا تھا۔

ملاکنڈ ڈویژن کے کمشنر سید محمد جاوید سے بھی جب اس بابت رابطہ کیا گیا تو انہوں نے بھی اس طالبان ترجمان مسلم خان کے مؤقف کی تائید کی اور کہا ممکن ہےماضی میں خواتین کو ایسی سزائیں دی گئی ہوں۔ان کے بقول امن معاہدے کے بعد طالبان نے اپنی نجی عدالتیں ختم کردی ہیں۔

ابھی تک یہ معلوم نہیں ہوسکا ہے کہ آیا یہ واقعہ حکومت اور طالبان کے درمیان ہونے والے امن معاہدے سے پہلے یا بعد میں پیش آیا ہے لیکن یہ اس لحاظ بہت ہی سنگین واقعہ ہے کہ سوات میں ایک خاتون کو سرعام کوڑوں کی سزادی جارہی ہے۔اس سے قبل طالبان نے کئی دفعہ ان مرد حضرات کو لوگوں کے سامنے کوڑوں کی سزائیں دی تھیں جن پر مختلف نوعیت کے الزامات لگائے گئے تھے۔


اگر کسی کے پاس اصل ویڈیو ہو تو لگائیں۔۔۔۔ ویسے تالی بانوں کے حمائتی اس کے حق میں بھی کچھ نہی کچھ نکال لائیں گے۔۔۔

مسافر

"اَمرد" کے ساتھ تو ہر جگہ ہی منہ کالا کیا جاتا ہے یہ صرف ایک صوبے کا نہیں پورے ملک اور امت بلکے پورے بنی نوح انسان اس قبیح فعل میں ملوث پائے جاتےہیں( ہر ملک ہر قوم ہر مذہب کے لوگ(

مسافر

برادرم سرور فاروق صاحب لگتا ہے آپ کو کھلم کھلا وار کرنے والے امریکی بہت پسند ہیں کوئی بات نہیں بھائی یہ تو دل کی مرضی ہے کر لو جو کچھ کر سکتے ہو، ، ، ، ،، ، ، ؟

*ساجد*

آپ کے مراسلے میں ہی آپ کے سوالات کا جواب موجود ہے لہذا میرے تبصرے کی ضرورت نہیں۔
ایک برائی کو دوسری برائی کے ارتکاب کی دلیل قرار دینے سے مثبت بحث و تجزیہ کا دروازہ تو بند ہو جاتا ہے۔ پھر میں جو بھی دلیل دوں ، بات "میں نا مانوں" پہ ہی اٹک جائے گی۔
قبل اس سے کہ ہم بحث میں پڑ کر اپنی جہالت کے پول کھولیں۔ کسی سیانے کی وہ بات یاد آ رہی ہے کہ "خاموشی ہماری جہالت پہ پردہ ڈال دیتی ہے"۔
میں نے تو خاموشی کا راستہ اختیار کر لیا ہے آپ چاہیں تو علم و حکمت کے موتی بکھیرتے رہئیے۔

مسافر

اللہ رب العزت نے یہ سزا اس لیے رکھی ہے تاکہ انصاف ہوسکے اور کوئی اپنی طرف سے ظلم نہ کرے یہ سزائیں تو ظلم اور نا انصانی اور برائی کو روکنے کے لیے رکھی گئیں ہیں

arifkarim

ہاں لیکن آجکل تو یہی سزائیں ظلم کرنے کیلئے استعمال ہوتی ہیں۔

فیصل ناصر

‭BBC Urdu‬ - ‮پاکستان‬ - ‮کوڑوں والی وڈیو جعلی ہے: طالبان‬

فرحان دانش

لڑکی کوکوڑے مارنا پاکستانیوں کے منہ پر طما نچہ مارنے کے مترادف ہیں

فیصل ناصر

طمانچہ تو ڈرون حملے ہیں جو ایک کے بعد ایک امریکا کئے چلا جارہا ہے

فیصل ناصر

یہاں لڑکی کی مظلومیت سے زیادہ
طالبان کی مخالفت پر زور ہے
یہی اس ویڈیو کو ریلیز کرنے کا مقصد تھا

طلبان نے تردید کی ہے اس کی
کئی مرتبہ لیکن


پاکستان میں عورتوں پر مظالم میں چاروں صوبے شریک ہیں
سندھ میں تو کاری کے قبرستان تک ہیں
ہر مہینے یہاں 15 سے 20 واقعات ہوتے ہیں "اس میں وہ شامل نہیں جن کا ریکارڈ ہی نہیں ملتا "
پنجاب میں کئی مرتبہ خبر لگی ہے کہ عورتوں کو ننگا کرکے ان کے جلوس نکالے گئے پنچائت میں اجتماعی زیادتی کی بے شمار خبریں ہیں
بلوچستان میں ابھی کچھ دن پہلے 4 عورتوں کو زندہ دفن کیا گیا جس میں حکومت میں شامل لوگوں کے نام تھے

ان واقعات پر بھی اسی انداز میں میڈیا اپنا رنگ دکھاتا اور اسی طرح آپ لوگوں کے تبصرے ہوتے تو میں مانتا کہ واقعی آپ لوگوں میں جذبہ ہے لیکن ان واقعات پر خاموشی اور ایک نامعلوم ویڈیو پر اتنا ہنگامہ صاف ظاہر کرتا ہے کہ یہ انسانیت پر بات نہیں ہورہی بلکہ طالبان کے خلاف دل کی بھڑاس نکالی جارہی ہے

طاھر

بھائی -

جو ہوا وہ غلط ضرور ہے لیکن سوال وہی ہے کہ اس کو اتنا اچھالا کیوں جا رہا ہے؟ اس سے فائدہ اٹھا کون رہا ہے؟

اس طمانچے کے بارے میں کیاخیال ہے ؟



والسلام
طاہر

محمد الیاس

عورت کو خدا نے ماں، بہن، بیٹی، بیوی، دادی اور پوتی کے روپ میں‌ عزّت دی ہے۔ چونکہ عام لوگوں اور مہذّب لوگوں میں ایسی کوئی حرکت دیکھنے کے بعد کہ عورت کو پیٹا جا رہا ہے فورا" اسکے لئے ہمدردی اور سزا دینے والوں کے لئے غصّے کے جذبات پیدا ہو جاتے ہیں۔ عام لوگوں کو چونکہ جرائم پیشہ افراد کے ساتھ واسطہ نہیں‌ ہوتا اور صرف کتابوں یا عکس میں ڈاکوؤں وغیرہ کو دیکھتے ہیں۔ اگر کسی بے حیا عورت کی دیدہ دلیری اور اسکی بے شرمی کی باتوں‌ اور اداؤں‌کا جائزہ لیا جائے تو انسانیّت کی ایسی گری صورت کا اندازہ تب ہی ہو جاتا ہے۔ اُس وقت عام آدمی کا اس کو کچّا چبانے کو دل جی چاہتا ہے۔
عیسوی 1969 تک موجودہ ضلع چترال ایک الگ ریاست تھی جس میں شرعی قانون لاگو تھا۔ کسی کے گھر میں زبردستی گھُسنے والے کی سزا ڈاکو کی سزا ہے جو قانون میں مارنا ہی ہے۔ سُنا ہے کہ چترال کے قصبے کے ایک قریبی گاؤں میں‌ ایک بوڑھا اور بُڑھیا اکیلے رہتے تھے جنکی کوئی اولاد نہ تھی۔ جوان انکا کوئی لحاظ نہیں‌کرتے تھے اور اُنکے میوے وغیرہ کی فصل کھا جاتے تھے۔ گرمیوں‌کی شروعات میں وہاں خوبانی پکتی ہے۔ ایک دفعہ بوڑھے نے دیکھا تو کچھ معلوم لوگ اسکی خوبانی کے درخت پر جو اسکے صحن میں‌تھی چڑھے ہوئے تھے اور خوبانی کھا رہے تھے۔ بوڑھے نے انکو دھتکارا مگر ان پر کوئی اثر نہ ہوا تو اس کو بے غیرتی محسوس ہوئی اور شکایت لے کر بادشاہ کے پاس گیا کہ اب تو میرے صحن میں بھی اُترنے لگے ہیں۔ بادشاہ نے واقعے کا جائزہ لینے کے بعد بوڑھے سے پوچھا کہ کیا وہ بندوق رکھتا ہے اُس کی نفی کے جواب پر بادشاہ نے اس کو سرکاری بندوق جاری کر دی کہ صحن میں اُترنے والوں کو مارے۔ اگلی صبح جبکہ کُچھ احمق اسی طرح درخت پر چڑھ کر میوہ کھا رہے تھے بوڑھے نے اُن کو ایک مرتبہ کہا مگر انکے مذاق اُڑانے پر اُونچی شاخ والے کو نشانہ بنایا۔ اب اگر اسکی عکسبندی جاری کی جائے تو آپ لوگ یوں ہی بُرا مانیں کہ خوبانی کھاتے مارا ہے بے وقوف بوڑھے نے۔
میں نے ایک مرتبہ کراچی میں صوبہ سرحد کی ایک عورت دیکھی جو کسی فنّی تعلیم کے بہانے کراچی میں رہتی تھی۔ میں وہاں اپنے ایک جاننے والے کی دوکان میں‌بیٹھا تھا جبکہ دوسرا دوکاندار اور ساتھ ایک سندھی میاں صاحب بیٹھا تھا۔ اس دوکاندار نے میری طرف کُچھ اشارہ کیا تو وہ عورت اُس دن چلی گئی اور اگلے دن ایسے موقعہ پر آئی کہ دوکاندار نہیں تھا میں اور سندھی میاں بیٹھے تھے۔ یہ عورت کُچھ شوخیاں دکھانے لگی تو میں‌نے اس سے کہا کہ تم گھر میں یہ بتا کر کہ میں کُچھ سیکھ رہی ہوں یہاں بازاروں‌میں پھر رہی ہو۔ اس بات کے جواب میں اس عورت نے مُجھے کافی سُنائیں جنکا دوسرے جواب کے بعد میں خاموش ہو کر صرف سُنتا رہا کیونکہ وہ میدان میں اُتری ہوئی تھی۔ اُسکے جانے کے بعد سندھی میاں صاحب نے مُجھے کہا کہ یار ان لوگوں کے ساتھ ویسے ہی اپنی بات ضائع کرتے ہو، یہ بات کی حد سے نکلے ہوئے لوگ ہیں۔
یہ سب بات یہاں اس لئے کرنی پڑی کہ تال برابر ہو گئی ہے۔

shafresha

مگر تحریک طالبان کے نمائندے نے جیو ٹی وی سے کہا ہے کے یہ واقعہ جند "طلا بان" کا ذاتی فعل ہے اور اگر وہ لڑکی ہمارے "ہاتھ" آتی تو ہم اُسے "رجم" کی شرعی سزا دیتے۔
ویڈیو ایڈیٹنگ سے واقفیت کی بنیاد پر میں یہ کہہ سکتا ہوں کے یہ ویڈیو "جعلی" نہیں‌ہے، البتہ "طلا بان" کا بیان "جعلی" ہوسکتا ہے۔

shafresha

میں آپ کو اپنی ذاتی تجربے کی بنیاد پر درجنوں "مذھبی" شخصیات کے ایسے گھناؤنے روپ دیکھا سکتا ہوں کے لوگ (آپ نہیں) کانوں کو ہاتھ لگائیں اور اُن کا اعتبار مذھب و شریعت سے ہی اُٹھ جائے۔ مگر صرف یہ سوچتا ہوں کے جب اللہ نے اُن کا پردہ رکھا ہے تو میں کون ہوتا ہوں اُن کا پردہ فاش کرنے والے۔ اللہ ہم سب کے گناھوں کا پردہ رکھے، آمین ثم آمین ۔ ۔ ۔
لہذا آپ کے بیان کردہ واقعہ کو دلیل بنا کر خواتین کے کردار پر اُنگلی نہیں اُٹھائی جاسکتی۔ زرا بازار حسن کی لڑکیوں کی ذاتی زندگی کو کھنگالیئے تقریبا ہر واقعہ کے پیچھے ایک "خود دار" مرد کا ہاتھ ہی نظر آئے گا۔
مردہ باد، مردہ باد، طلا بان کی ذھنیت والے مردہ باد

shafresha

یوٹیوبکو عقل نہیں آ گئی حکومت پاکستان کے "درخواست" کرنے پر یہ ہوا ہے۔ مگر اب پچھتاوے کیا ہوت، جب چریا چُک گئیں‌کھیت۔
حقائق سے منہ چھپانا "شتر مُرغ؛ کی فطرت تو ہو سکتی ہے مگر کسی سیلم العقل انسان کی نہیں۔
یہ لاگ اگر "طلا بان" نہی‌تو کم از کم "پشتوں مسلمان پاکستانی" تو ہیں ہی نا؟

فیصل ناصر

یو ٹیوب پر تو بہت ویڈیو ہیں
ایک خاص پر زور کیوں آگیا اچانک

ہر میڈیا بڑھ چڑھ کر حصہ لے رہا ہے

اپنے سوال کے جواب کا ابھی تک منتظر ہوں

طالبان کی نو عمرلڑکی کو کوڑوں کی سزا