آئندہ کیلئے کاروباری لائحہ عمل کی منصوبہ بندی کی جارہی ہے، صدیق میمن



کراچی (اسٹاف رپورٹر) پاکستان بزنس مین اینڈ انٹیلکچوئلز فورم (پی بی آئی ایف) کے صدر میاں زاہد حسین نے صدر پاکستان جنرل (ر) پرویز مشرف اور نگراں وزیر اعظم محمد میاں سومرو سے اپیل کی ہے کہ یکم جنوری سے گیس کی قیمتوں میں کیا گیا اضافہ واپس لیا جائے تاکہ ملکی معیشت کی ترقی کو برقرار رکھنے اور پیداواری لاگت میں بڑھتے ہوئے اضافے کی روک تھام کی جاسکے میاں زاہد حسین نے کہا کہ صنعتی اور تجارتی صارفین پر گیس کی قیمتوں میں یکم جنوری سے 5.25 فیصد سے 10 فیصد اضافے کے احکامات پر فوری طور پر نظر ثانی کی جائے کیونکہ گیس کی قیمتوں میں اضافے سے صنعتی ترقی کو دھچکا لگا ہے اور موجودہ حالات میں ملکی معیشت اس نقصان کی متحمل نہیں ہوسکتی۔ انہوں نے مزید کہاکہ گیس کی پیداوارمقامی ہے اوراس کی قیمت بین الاقوامی مارکیٹ سے منسلک کرنا سراسر زیادتی ہے سی این جی اور سیمنٹ سیکٹر کے لئے گیس کی قیمتوں میں 10/فیصد اضافے کے رد عمل کے طور پر سی این جی کی قیمت ڈھائی روپے فی کلو بڑھ گئی ہے جس کے باعث مہنگائی سے تنگ آئے ہوئے عوام پر مزید بوجھ بڑھ گیا۔ میاں زاہد حسین نے مزید کہا کہ حکومت کو ملک میں انرجی سیکٹر کے لئے طویل مدتی پالیسی تشکیل دیتے ہوئے پاکستان کے مستقبل کو تحفظ فراہم کرنا ہوگا کیونکہ ملک میں بجلی اور گیس کے بڑھتے ہوئے بحران کے باعث مستقبل کی سرمایہ کاری بھی خطرے میں پڑ گئی ہے میاں زاہد حسین نے کہا کہ ملک میں بڑھتی ہوئی گیس کی طلب کے مقابلے میں گیس کے موجودہ ذخائر ناکافی ہیں۔ انہوں نے کہا کہ ورلڈ بینک کی رپورٹ کے مطابق پاکستان کی گیس کی کھپت 2006 کے دوران 2.5 ٹی سی ایف ریکارڈ کی گئی تھی جبکہ ملک میں گیس کی طلب 7 سے 8/فیصد سالانہ کی شرح سے بڑھ رہی ہے میاں زاہد حسین نے کہا کہ پاکستان کی آبادی 16/کروڑ افراد پر مشتمل ہے جو کہ بجلی اور گیس کی پیداوار کے حوالے سے بڑی مارکیٹ کی حیثیت اختیار کرتے ہوئے سرمایہ کاروں کو اس ریجن میں سرمایہ کاری کی جانب راغب کرسکتی ہے جس کے لئے حکومت کو اپنے قریبی ممالک اور خاص طور پر ایران سے تعلقات کو وسیع کرنے کی ضرورت ہے جس کے لئے بزنس کمیونٹی تعاون کے لئے تیار ہے۔