دبئی…دبئی مذاکرات میں آئی ایم ایف نے توانائی کے شعبے میں اصلاحات پر عدم اعتماد کا اظہار کرتے ہوئے بجلی کے نرخ میں مزید30 پیسے فی یونٹ اضافے کا مطالبہ کیا ہے۔ ذرائع نے جیو نیوز کو بتایا کہ مذاکرات میں آئی ایم ایف کا موقف تھا کہ یکم اکتوبر سے حکومت نے بجلی کے نرخ میں6 فیصد اضافہ کرنا تھا، تاہم50 یونٹ والے چھوٹی صارفین اور ٹیوب ویل پر سبسڈی دینے کی وجہ سے یہ اضافہ حقیقی معنوں میں4.4 فیصد تک ہوا۔ اس طرح سبسڈی سے پیدا ہونے والا خسارہ عام صارفین سے حاصل کیا جائے۔ آئی ایم ایف کا کہنا ہے کہ حکومت نے بجلی کے نرخ میں ایک روپے20 پیسے فی یونٹ اضافہ کیا تھا اب اس میں مزید30 پیسے کا اضافہ12 نومبر کی شام تک کیا جائے۔ آئی ایم ایف نے یہ بھی مطالبہ کیا ہے کہ ویلیو ایڈڈ ٹیکس کا مسودہ دسمبر تک تیار کیا جائے اور ٹیکس اصلاحات کا عمل بروقت مکمل کیا جائے۔
ـــــــــــــــــــــــــ ــــــــــــــــــــــ
روزنامہ جنگ۔