05 ستمبر 2010
کارڈیف( نیٹ نیوز ) پاکستان اور برطانیہ میں پہلا ٹی 20 میچ بھی پاکستان کیلئے بدنامی کا باعث ہی بناجس میں انگلینڈ نے پاکستان کوپانچ وکٹوں سے شکست دے دی ہے کارڈیف میں ، میچ فکسنگ کے بعد دونوں ٹیموں کا یہ پہلا میچ تھاجس میں پاکستان ٹاس ہار گیا تاہم انگلینڈ نے پاکستان کو پہلے کھیلنے کی دعوت دی تھی اور خود فیلڈنگ کا فیصلہ کیا۔ پہلے کھیلتے ہوئے پاکستان کی ٹیم نے انگلینڈکو چاوکٹوں پر 127 رنز کا ہدف دیا ۔پاکستان کی جانب سے محمد یوسف 18 گیندوں پر تین چوکوں کی مدد سے 26 سکور بنا کر آوٹ ہوئے۔ شہباز حسن نے 25 گیندوں پر دو چوکوں کی مدد سے 21 سکور بنائے، فواد عالم نے 29 گیندوں پر 20 رنز اور کامران اکمل چار گیندوں پر چھ کے مجموعی سکور پر آوٹ ہوگئے جبکہ عمر اکمل 35 اور شاہد آفریدی 16 رنز بنا کر ناٹ آوٹ رہے۔ برطانیہ کی جانب سے جی پی سوان نے چار آوورز میں 14 سکور کے نقصان پر دو وکٹیں حاصل کیں۔ ٹی ٹی بریسنان نے تین آوورز میں 18 سکور کے نقصان پر ایک وکٹ اور ایم ایچ یارڈی نے چار آوورز میں 21 سکور کے نقصان پر ایک وکٹ حاصل کی۔جواب میں انگلینڈ کی ٹیم نے اٹھارہویں اوور میں شاندار چوکا مار کر مطلوبہ سکور پورا کرلیا ۔ برطانیہ کی جانب سے ایس ایم ڈیویز نے 27 گیندوں پر تین چوکوں کی مدد سے 33 رنز بنا کر آوٹ ہوگئے۔ آر ایس بوپارا نے 13 گیندوں پر ایک چوکے کی مدد سے 11 رنز، سی کیسویٹر نے سات گیندوں پر ایک چوکے کی مدد سے چھ رنز، پی ڈی کولنگ ووڈ نے چار گیندوں پر چار رنز اور ایل جے رائٹ دوگیندوں پر سفر سکور پر آوٹ ہوگئے۔ برطانیہ کے کھلاڑی ای جے جی مورگان 24 گیندوں پر چھ چوکوں کی مدد سے 38 سکور اور ایم ایچ یارڈی 26 گیندوں پر چار چوکوں کی مدد سے 35 سکور بنا کر ناٹ آوٹ رہے۔ پاکستان کی جانب سے عمدہ بالنگ کا مظاہرہ کرتے ہوئے شعیب اختر اور شاہد آفریدی نے چار چار اوورز میں کل 50 سکور کے نقصان پر دو دو وکٹیں حاصل کیں جبکہ عمر گل نے 13 گیندوں پر 17 رنز دے کر ایک وکٹ حاصل کی۔

__________________
جاویداسد