شریک حیات ایسا ہو جو آپ کو سمجھ سکے، جیو کے ”اٹھو جاگو پاکستان“ میں ڈاکٹر شائستہ واحدی سے گفتگو
کراچی (جنگ نیوز)ٹی وی انڈسٹری کی باصلاحیت فنکارہ ماریہ واسطی نے کہا ہے کہ ابھی زندگی میں بہت اچھا آنا باقی ہے۔بہت سارے فنکاروں کی وجہ سے شوٹنگ کا شیڈول خراب ہوتا ہے، ایسے فنکاروں کے اس رویے کے ذمے دار بھی ڈائریکٹر اور پروڈیوسر ہیں۔پہلے عمران خان بہت اچھے لگتے تھے کیونکہ ساری قوم ہی ان کے پیچھے تھی۔اس وقت جو لوگ بھی سیاست کررہے ہیں، انہیں سیاست چھوڑدینا چاہئے۔ سیاسی اداکاروں کو اداکاری کے میدان میں خود کو منوانا چاہئے۔انہوں نے یہ باتیں جیو ٹی وی کے مارننگ شو”اٹھو جاگو پاکستان“ میں میزبان شائستہ واحدی کے ساتھ گفتگو کرتے ہوئے کہیں۔ماریہ واسطی نے کہا کہ کئی بار ایسا ہوتا ہے کہ آپ بہت سارا کام کررہے ہوتے ہیں لیکن وہ نظر نہیںآتا۔ اصل بات یہ ہے کہ آپ کس پراجیکٹ پر اور کن لوگوں کے ساتھ کام کررہے ہیں۔ان کا کہنا تھا کہ خواتین بہت طاقت ور ہیں اور انہوں نے مختلف شعبوں میں خود کو منوایا ہے۔ میں سمجھتی ہوں کہ جو خواتین اپنے ٹیلنٹ کا مظاہرہ کرتی ہیں وہ طاقت ور ہیں۔ماریہ واسطی کا کہنا تھا کہ جب کوئی کردار ملتا ہے تو میں کافی غور کرتی ہوں۔فلم آرٹ اور کمرشل کا امتزاج ہونی چاہئے۔نصیر الدین شاہ بہت اچھے فنکار ہیں، کردار ایسا ہونا چاہئے جس میں کوئی کشش یا کام کرنے کی گنجائش ہو۔شادی کے حوالے سے سوال پرماریہ واسطی نے کہا کہ میں شادی پر اور اپنی فیملی پر یقین رکھتی ہوں،۔میرا خیال ہے کہ انسان خود کو سب سے زیادہ پہچانتا ہے، بہت سی خواتین ایسی ہیں جن کو پتہ ہی نہیں کہ وہ کیا چاہتی ہیں۔بچپن میں لڑکیوں کے خوابوں میں شہزادہ ہی آتا ہے۔ میں سمجھتی ہوں کہ شریک حیات ایسا ہونا چاہئے جو آپ کو اور آپ اسے سمجھ سکیں۔مختلف سوالوں کے مختصر جواب دیتے ہوئے ماریہ نے کہا کہ زندگی بہت خوبصور ت ہے۔بریکنگ نیوز دلوں کو بریک کرتی ہیں۔ عابدہ پروین بہت شاندار فنکارہ ہیں۔ موبائل فون کے بغیر نہیں رہ سکتی۔ ایشوریا رائے بہت حسین ہے۔ اسلام آباد خوبصورت شہر ہے لیکن اس وقت کرپشن کی زد میں ہے۔ماریہ واسطی کے مطابق میں اپنی سالگرہ 14اگست کو مناتی ہوں۔یہ تاریخ ایسی ہے کہ کسی نہ کسی کو یاد رہتی ہے۔اپنی شخصیت میں آنکھیں اچھی لگتی ہیں۔اگر مجھے کسی آرٹسٹ کے سا تھ کوئی پراجیکٹ کرنے کا موقع ملے تو میں علی ظفر کا انتخاب کروں گی۔ایک سوال پر انہوں نے کہا کہ شاپنگ کرتی ہوں تاہم بہت زیادہ شاپنگ کا مرحلہ کبھی کبھی آتا ہے، مجھے جس چیز کی ضرورت ہوتی ہے وہ مجھے جہاں سے ملے، لے لیتی ہوں۔ بیرون ملک بہت اچھی چیزیں مل جاتی ہیں لیکن میں برانڈز کے پیچھے نہیں پڑتی۔ایک سوال پر ماریہ واسطی کا کہنا تھا کہ مجھے طاہرہ واسطی کا کام بہت اچھا لگتا ہے، وہ شہزادیوں کی طرح لگتی ہیں۔طاہرہ واسطی میری خالہ ہیں، ابتدا میں لوگ یہ سمجھتے رہے کہ میں ان کی بیٹی ہوں۔میری طاہرہ واسطی، رضوان واسطی اور لیلیٰ واسطی سے بہت اچھی دوستی ہے۔
06-01-11, 04:12 AM
06-01-11, 04:12 AM
Linear Mode
Similar Threads
