اجمل پہاڑی نے 111 افراد کے قتل کا اعتراف کرلیا

**گلاب خان** · 08-09-11, 05:26 AM

اسلام آباد (عثمان منظور) سپریم کورٹ میں اجمل پہاڑی کے حوالے سے پیش کی گئی مشترکہ تحقیقاتی ٹیم کی رپورٹ میں انکشاف کیا گیا ہے کہ اجمل پہاڑی نے گزشتہ 24سالوں میں 111 افراد کے قتل کا اعتراف کیا ہے۔ ادھر ایم کیو ایم نے مشترکہ تحقیقاتی ٹیم کے قابل اعتماد ہونے پر سوال اٹھایا ہے۔ سابق سٹی ناظم کراچی مصطفی کمال نے دعویٰ کیا ہ کہ اجمل پہاڑی نے حراست کے دوران سب کچھ تسلیم کرلیا ہے۔ مشترکہ تحقیقاتی ٹیم کی زیرحراست کوئی بھی شخص 9/11 کے حملوں کی منصوبہ بندی کرنے کا عمل دو گھنٹے کے اندر تسلیم کرلے گا۔ پریس کانفرنس میں مصطفی کمال نے کہا کہ اجمل پہاڑی نے وہ تمام الزامات بھی تسلیم کرلئے ہیں جو اس نے کبھی کئے ہی نہیں۔ کراچی میں ہلاکتوں پر ازخود نوٹس کی سماعت کے دوران چیف جسٹس نے کہا کہ اجمل پہاڑی کے حوالے سے تحقیقاتی ٹیم کی رپورٹ چشم کشا ہے۔ رپورٹ میں کہا گیا کہ مشترکہ تحقیقاتی ٹیم آئی ایس آئی، ایم آئی، آئی بی، پاکستان رینجرز سندھ، کراچی پولیس، سی آئی ڈی کراچی کی سپیشل برانچ پر مشتمل تھی جس کے سامنے اجمل پہاڑی نے یہ اعترافات کئے ہیں کہ اس نے بھارت میں تربیت حاصل کی اور 1986ءسے 2000ءکے درمیان 53 افراد کو موت کے گھاٹ اتارا جبکہ 2005ءسے 2011ءکے دوران 58 افراد کو قتل کیا۔ رپورٹ میں کہا گیا کہ اجمل پہاڑی کو دو دفعہ عدالتی تحویل میں رکھا گیا۔ ایک دفعہ 1989ءمیں غیر قانونی اسلحہ رکھنے پر ایک سال تک جبکہ دوسری بار 2000ءمیں اسے سی آئی اے نے قتل کے الزام میں گرفتار کیا اور 2005ءمیں اسے ضمانت پر رہائی ملی۔ اجمل پہاڑی نے انکشاف کیا کہ ٹارگٹ کلنگ کی ہدایت برطانیہ اور جنوبی افریقہ سے دی جاتی تھی، وہ 1996 میں عسکری تربیت کے لئے سنگاپور سے بھارت گیا۔ ذیل میں 1986ءسے 2000ءتک اس کے قتل کی وارداتوں کی تفصیل دی گئی ہے۔ اس نے اے ایس آئی عارف شاہ کو قتل کیا۔ اس نے قمر ٹیڈی کے ساتھ مل کر ایم کیو ایم حقیقی کے کارکن شانی، قطر ہسپتال میں پیپلزپارٹی کے دو کارکنوں اصغر پاکستانی اور اورنگی ٹا¶ن کے یاسین کو قتل کر دیا۔ اجمل پہاڑی نے اپنے دیگر ساتھیوں کے ہمراہ پاک کالونی میں واقع ایم کیو ایم حقیقی کے دفتر پر حملہ کیا اور حقیقی کے 14 کارکنوں کو موت کے گھاٹ اتار دیا۔ اس نے ایم کیو ایم حقیقی کے کارکن جمال کو بھی قتل کیا۔ رپورٹ کے مطابق اجمل پہاڑی کے بقول 1995ءمیں فاروق دادا کے پولیس مقابلے میں نے صدیق بچہ، آصف زیدی، سعید نیگرو، معین مینو اور دلاور کے ساتھ مل کر اورنگی ٹا¶ن نمبر 1سے نیشنل کوچ اغواءکی اور اسے اورنگی ٹا¶ن میں واقع اللہ والا کالج لے گئے۔ اس میں 25، 20 افراد سوار تھے۔ ہم نے 12 پنجابی مسافر الگ کئے اور ان پر کلاشنکوف سے فائر کھول دیا۔ اس کے بعد صدیق بچہ اس کوچ کو چلا کر اسے کالج کے قریب گرا¶نڈ میں کھڑا کردیا۔ یہ فاروق دادا کے قتل کا انتقام تھا۔ 1995ءمیں اس نے پولیس کے مخبر ہونے کے شبے میں ایک بنگالی کو قتل کیا۔ اس نے پی پی پی اورنگی ٹا¶ن کے انچارج اقبال ماما کو قتل کیا۔ 1995ءمیں اس نے پولیس کے بلٹ پروف کانوائے پر حملہ کیا جس میں دو پولیس اہلکاروں کو مار دیا اور ایک کو زخمی کیا۔ اسی طرح نجی پان والا بھی پولیس کے مخبر ہونے کے شبے میں اس کی گولیوں کا نشانہ بنا۔ 1996ءمیں ایم کیو ایم (اے) کے کارکن مارے جارہے تھے۔ میں نے اور دیگر کارکنوں نے ایم کیو ایم (ایچ) کے تین کارکن قتل کئے۔ 1998ءمیں اس نے بہت الحمزہ پر ایم کیو ایم (ایچ) کے چیئرمین آفاق احمد کو قتل کرنے کیلئے حملہ کیا تاہم دوسری طرف سے مزاحمت پر وہ اس میں ناکام ہوا لیکن اس کارروائی میں حقیقی کے 2 کارکنوں کو مارنے میں کامیاب ہوگیا۔ 2000ءمیں اس نے پی ایم ایل نواز کے وکیل اقبال رعد کو قتل کیا۔ 2005ءکے بعد اس نے 58 افراد کو قتل کیا جن کی تفصیلات درج ذیل ہے۔ 2006ءمیں، میں نے نعیم کلاں کو رنچھوڑ لائن لیاری میں ایم کیو ایم (ایچ) کے 6 کارکنوں کے قتل کا حکم دیا۔ اس کے حکم پر 2006ءمیں ہی حقیقی کے مزید 2 کارکن مار دیئے گئے۔ اسی سال اس نے عمران پیجر کو انڈر ورلڈ سے منسلک ہونے کے شک پر مار دیا۔ ایم کیو ایم (اے) کے جنید عرف احتشام کو جہانگیر آباد ناظم آباد میں قتل کیا گیا۔ احتشام نے پہاڑی کے ساتھ مل کر متعدد افراد کو قتل کیا۔ ایم کیو ایم حقیقی کے محمد آصف خان کو کیا۔ اسی طرح اس نے 2008ءمیں سیکٹر 5 ای نیوکراچی میں ریحان علی خان کو مار دیا۔ ”میں نے اور میری ٹیم نے ایم کیو ایم حقیقی سے تعلق کی بنیاد پر محمد منور کو قتل کیا۔ 2006ء/ 2007ءمیں پاک کالونی میں اس نے ایم کیو ایم حقیقی کے 2 کارکنوں کے قتل کا حکم دیا۔ 2006ء/ 2007ءمیں اس نے غنی کو ایم کیو ایم حقیقی کے 4 کارکنوں کو پی آئی بی کالونی میں مارنے کا حکم دیا۔ اسی طرح 2007ءمیں اس کے حکم پر مانی اور شانی نے گلستان جوہر میں حقیقی کے 4 کارکن قتل کئے۔ 2007ء/ 2008ءمیں اس کے حکم پر بدر اقبال کو قتل کردیا گیا۔ لیاقت آباد میں وسیم باس نے اجمل پہاڑی کے حکم پر حقیقی کے 3 کارکن قتل کئے۔ اسی عرصہ کے دوران پہاڑی کے حکم پر زبیر اورنگی ٹا¶ن والے نے حقیقی کے مزید 3 کارکن مار دیئے۔ مشترکہ تحقیقاتی ٹیم کی رپورٹ کے مطابق 2008ءمیں میرے حکم پر امتیاز کمانڈو اور اس کی ٹیم نے نیو کراچی میں حقیقی کے 5 کارکن قتل کئے۔ 2008-09ءمیں اس کی ہدایت پر حقیقی کا ایک اور کارکن مار دیا گیا۔ ’نومبر 2010ءمیں آفتاب ملک چیئرمین بہاری قومی موومنٹ کو قتل کردیا جائے میں نے نوشاد اور منظور اور ان کی ٹیم کو 26 نومبر 2010ءکو آفتاب ملک کو قتل کرنے کا ٹاسک دیا۔“ ’2006ءمیں اسے ایم کیو ایم (اے ) کے ان کارکنوں کی فہرست دی گئی جن کے بارے میں شبہ تھا کہ وہ انڈر ورلڈ ڈان شعیب خان کیلئے کام کررہے تھے۔ اس نے اور اس کی ٹیم نے ان تمام کو قتل کردیا۔ ایم کیو ایم حقیقی کے محمد عارف، محمد شفیق، محمد شہزاد ایم ایران خان اور طارق ذیشان کو بھی اجمل پہاڑی نے قتل کیا۔ ایک اور شخص کو مخبر ہونے کے شبے میں قتل کیا اور اس کی لاش کو بوری میں بند کیا گیا۔ ایم کیو ایم (اے ) کے اسلم شیخ کو پارٹی کیلئے کام نہ کرنے پر قتل کردیا گیا۔ ایک شخص عبدالقیوم عمر گوگا گروپ سے منسلک ہونے پر قتل کیا گیا۔ ایک اور نامعلوم شخص کو لوگوں کے مارنے کے حکم پر قتل کیا۔ اپریل 2010ءمیں اس نے آفاق احمد کی ممکنہ رہائی کے بعد اسے قتل کرنے کا منصوبہ بنایا لیکن اس کی رہائی موخرکردی گئی۔

روزنامہ جنگ راولپنڈی

**نیلم خان** · 08-09-11, 06:09 AM

اس کو رہائ مل جائے گی ۔

**محمد یاسرعلی** · 08-09-11, 11:11 AM

اجمل پہاڑی - جوائنٹ انٹروگیشن رپورٹ

**نبیل خان** · 08-09-11, 06:03 PM

اللہ رحم کرے ۔ ۔ ۔ ۔ ۔ ۔ آخر انڈیا کا تربیت یافتہ ہے جو خود کشمیر میں انسانیت کا قتل عام کر رہا ہے

**نیلم خان** · 08-09-11, 11:13 PM

اس کو رگڑا لگانا چاہیئے

مگر لگائے کون؟

**حسنین ایوب** · 12-09-11, 08:37 PM

کراچی میں نہ جانے کتنے اجمل پہاڑی ہوں گے

08-09-11, 06:09 AM	#2
نیلم خان ذیلی ناظم تاریخ شمولیت: Aug 2009 مقام: Rawalpindi مراسلات: 11,904 کمائي: 561,103 شکریہ: 25,573 10,451 مراسلہ میں 38,588 بارشکریہ ادا کیا گیا	اس کو رہائ مل جائے گی ۔ Share Share this post on Digg Del.icio.us Technorati Twitter Facebook!

08-09-11, 11:11 AM	#3
محمد یاسرعلی Senior Member تاریخ شمولیت: Apr 2008 مقام: راولپنڈی عمر: 28 مراسلات: 4,031 کمائي: 54,664 شکریہ: 7,881 2,881 مراسلہ میں 7,142 بارشکریہ ادا کیا گیا	اجمل پہاڑی - جوائنٹ انٹروگیشن رپورٹ Share Share this post on Digg Del.icio.us Technorati Twitter Facebook!

08-09-11, 06:03 PM	#4
نبیل خان Senior Member تاریخ شمولیت: Jun 2011 مراسلات: 2,286 کمائي: 26,507 شکریہ: 8,476 1,586 مراسلہ میں 3,509 بارشکریہ ادا کیا گیا	اللہ رحم کرے ۔ ۔ ۔ ۔ ۔ ۔ آخر انڈیا کا تربیت یافتہ ہے جو خود کشمیر میں انسانیت کا قتل عام کر رہا ہے Share Share this post on Digg Del.icio.us Technorati Twitter Facebook!

08-09-11, 11:13 PM	#5
نیلم خان ذیلی ناظم تاریخ شمولیت: Aug 2009 مقام: Rawalpindi مراسلات: 11,904 کمائي: 561,103 شکریہ: 25,573 10,451 مراسلہ میں 38,588 بارشکریہ ادا کیا گیا	اس کو رگڑا لگانا چاہیئے مگر لگائے کون؟ Share Share this post on Digg Del.icio.us Technorati Twitter Facebook!

12-09-11, 08:37 PM	#6
حسنین ایوب Senior Member تاریخ شمولیت: Nov 2008 مقام: پاک نیٹ مراسلات: 1,064 کمائي: 19,020 شکریہ: 1,708 625 مراسلہ میں 1,251 بارشکریہ ادا کیا گیا	کراچی میں نہ جانے کتنے اجمل پہاڑی ہوں گے Share Share this post on Digg Del.icio.us Technorati Twitter Facebook!

Currently Active Users Viewing This Thread: 1 (0 members and 1 guests)

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
ایک عجیب کہانی! ( فاعتبرہ یا اولیٰ الابصار)	shafresha	عمومی بحث	2	11-01-10 11:24 AM
میر کی عظمت کا اعتراف	میاں شاہد	ذوق	1	27-09-08 05:25 AM
میری وفا پہ اعتبار	میاں شاہد	ذاکر دہلوی	0	22-04-08 11:24 AM
اعتبارزمانہ شاعر عظمت عقیل	Real_Light	شعر و شاعری	2	21-04-08 02:14 PM
اعتبار ساجد کی شاعری	محمدعدنان	شعر و شاعری	89	14-04-08 08:50 PM