کراچی (پ ر) علامہ عابدی میموریل سوسائٹی کے صدر موسیٰ عابدی نے کہا ہے کہ اخلاقیات اور پارلیمانی روایات کی پاسداری نہایت ضروری ہے۔ گلشن اقبال میں وفد سے گفتگو کرتے ہوئے انہوں نے کہا کہ حالیہ واقعات قابل افسوس ہیں مار دھاڑ ہنگامہ آرائی اور پرتشدد سیاست سے بیرونی دنیا میں ہماری جگ ہنسائی ہو رہی ہے ہمارے سیاستدانوں اور مذہبی رہنماؤں کو یہ بات اچھی طرح سوچ لینا چاہئے کہ وطن کی بقاء استحکام اور وقار سب پر مقدم ہے، لہٰذا ہم سب کا فرض بنتا ہے کہ تمام معاملات پر نظر رکھیں اور ہر اس اقدام سے پرہیز کریں جس سے نفرتوں میں اضافہ ہو۔ انہوں نے حکومت سے کہا کہ وہ عوام کی داد رسی کرے اور باہمی اتحاد کے جذبوں کو فروغ دیا جائے۔