ادارہ محتسب سندھ، ایک سال میں 1393 شکایات کا ازالہ کیا گیا



کراچی (اسٹاف رپورٹر) ادارہ محتسب سندھ کے اعلامیہ میں بتایا گیا ہے کہ گزشتہ ایک سال میں کل 7519 شکایتیں موصول ہوئی جن میں سے 3080 شکایات کو باقاعدہ تحقیقات کے لیے منظور کیا گیا۔ باقی شکایتیں ابتدائی کارروائی کے بعد نمٹا دی گئیں۔ اسی دوران 2178 کیسز کا فیصلہ کیا گیا جن میں 1393 شکایات کنندگان کی شکایات کا ازالہ کیا گیا۔ صرف دسمبر میں 534 درخواستیں موصول ہوئیں جن میں سے 252 باقاعدہ منظور کی گئیں اس کے علاوہ 955 شکایات کا سیکشن 33 کے تحت ازالہ کیا گیا۔ ماہ دسمیر میں 140 شکایات موصول ہوئیں جن میں سے 89 کو ریلیف ملا۔ واضح رہے کہ یوسف جمال کی مدت منصب میں دفاتر کی تعداد 5 سے 14 ہوگئی جن میں جیکب آباد، سکھر، لاڑکانہ، نواب شاہ، نوشہرو فیروز، میر پور خاص، دادو، حیدر آباد، بدین، ٹھٹھہ، کراچی وسطی، کراچی غربی اور ہیڈ آفس شامل ہیں اس کے علاوہ شکایات بھیجنے کے طریقے کار کو آسان اور تیز تر بنانے کی تبدیلیاں بھی کی گئیں۔