مقبوضہ بیت المقدس(مانیٹرنگ ڈیسک)شدت پسند تنظیم القاعدہ کے سربراہ اسامہ بن لادن کے قتل کے بعد اسرائیل نے کہا ہے کہ القاعدہ اور دیگر اسلامی شدت پسند جہادی تنظیموں کے درمیان کوئی فرق نہیں،جس طرح اسامہ بن لادن کو "ٹھکانے" لگایا گیا اسی طرح تمام اسلامی جہادی تنظیموں کی قیادت کو قاتلانہ حملوں میں ہلاک کر دیا جائے۔اسرائیل کے قومی سلامتی کمیٹی کے چیئر مین اور سابق وزیردفاع شال موفاذ نے عبرانی ریڈیو سے گفتگو کرتے ہوئے کہا کہ اگر کسی ملک میں کوئی بھی اسلامی جہادی گروپ سرگرم ہو اور اس گروپ کی وجہ سے ملک کی سلامتی خطرے میں پڑ جائے تو اس کی تمام قیادت کو ٹارگٹ کلنگ میں ہلاک کر دیا جائے۔انہوں نے کہا کہ اسرائیل کوحماس، جہاد اسلامی اور لبنان کی شیعہ تنظیم حزب اللہ کی جانب سے اسی طرح کے خطرات لاحق ہیں جس طرح کے القاعدہ سے ہیں۔عالمی برادری کو چاہیے کہ وہ تمام اسلامی شدت پسند گروپوں کیخلاف کارروائی کے لیے ایک جیسی پالیسی وضع کرے۔ادھر اسرائیل میں اپوزیشن جماعت قدیمان کے ایک رکن کنیسٹ نے بھی اسی طرح کے خیالات کا اظہار کیا ہے۔ ان کا کہنا ہے کہ تمام اسلامی مذہبی جہادی گروپوں کی لیڈر شپ کا وہی انجام ہونا چاہیے جو اسامہ بن لادن کا امریکا کے ہاتھوں ہوا ہے
اوصاف

__________________

اندازِ بیاں گرچہ بہت شوخ نہیں ہے
شاید کہ اتر جائے ترے دل میں مری بات