برطانوی وزیر اعظم گارڈن براؤن نے پاکستان کو خبردار کیا ہے کہ اسے القاعدہ کی قیادت بالخصوص اسامہ بن لادن اور ایمن الظواہری کو ڈھونڈ نکالنے میں دنیا کی پوری مدد کرنی ہوگی۔

برطانوی وزیر اعظم گارڈن براؤن نے بی بی سی کے ایک ساتھ ایک انٹرویو میں کہا:’ہمیں اپنے آپ سے یہ سوال کرنا ہوگا کہ آٹھ سال گزرنے کے باوجود ہم القاعدہ کی اہم قیادت کے نزدیک کیوں پہنچ نہیں سکے ہیں۔‘

برطانوی وزیر اعظم کا بیان امریکی سینٹ کی ایک رپورٹ کے فوراً بعد آیا ہے جس میں کہا گیا کہ اسامہ بن لادن تورا بورا سے بچ کر پاکستان کے قبائلی علاقوں میں گم ہو گئے تھے۔

گارڈن براؤن نے کہا ہے کہ ہمیں پاکستان کو کہنا ہوگا کہ اس کی سکیورٹی فورسز اور سیاستدانوں کو القاعدہ کی قیادت کو ڈھونڈ نکالنے میں مدد کرنی ہوگی۔برطانوی وزیر اعظم نے کہا پاکستان کو سکیورٹی فورسز جنوبی وزیرستان میں کامیابی سے آپریشن کر رہا ہے ۔

گارڈن براؤن نے کہا کہ وہ پاکستان رہنماؤں سے بات چیت کے دوران انہیں کہیں گے کہ جب دنیا القاعدہ کو توڑنے میں اتنے کچھ کر رہی تو پاکستان بھی ثابت کرے کہ وہ القاعدہ سے مقابلہ کرنے صلاحیت رکھتا ہے۔

برطانوی وزیر اعظم نے کہا کہ دہشتگرد آج بھی دنیا کو خطرات سے لاحق کر رہے ہیں۔ ’ہمیں ان آٹھ سالوں میں پاکستان سکیورٹی فورسز اور عالمی افواج کو القاعدہ کی قیادت تک پہنچ جانا چاہیے تھا۔‘

برطانوی ٹی وی چینل سکائی نیوز کے ساتھ بات چیت میں گارڈن براؤن نےکہا کہ برطانیہ پاکستان کےتعلیمی نظام کو بحال کرنےکےلیے تیار ہیں جہاں مدرسوں میں کیےجانے والے پراپیگنڈے میں شدت پسندی کی حمایت کی جاتی ہے۔

گارڈن براؤن نے ایک روز پہلے افغان صدر حامد کرزئی کو خبردار کیا تھا کہ انہیں ملک میں بدعنوانی اور فورسز کی تربیت کے اہداف دیئے جائیں گے اور کرزئی کو یہ اہداف پورے کرنے کی یقین دہانی دینی ہوگی۔
ـــــــــــــــــــــــــ ـــــــــــــ
بی بی سی۔