کراچی (پ ر) مذہبی اسکالر ڈاکٹر وقار عظیمی نے کہا ہے کہ امریکی حکومت کو سب سے زیادہ مطلوب افراد میں سرفہرست اسامہ بن لادن کی زندہ گرفتاری انٹیلیجنس اور تفتیشی ایجنسیوں کیلئے بہت زیادہ اہمیت رکھتی تھی۔ انہوں نے کہا کہ آپریشن کے بعد اٹھنے والے دیگر کئی سوالات کے ساتھ ساتھ اب عوام یہ بھی جاننا چاہتے ہیں کہ اہم ترین ٹارگٹ تک رسائی اور اس کے ٹھکانے پر قبضہ کرلینے کے بعد جدید ترین اسلحہ اور ٹیکنالوجی سے لیس امریکی فوجیوں نے اسے زندہ گرفتار کیوں نہیں کیا۔ اسامہ کی زندہ گرفتاری القاعدہ کے بارے میں کئی انتہائی اہم معلومات کی فراہمی کا ذریعہ بن سکتی تھی۔ اسامہ کو جان سے مار کر ان معلومات کی فراہمی کا ذریعہ مسدود کیوں کر دیا گیا۔ انہوں نے کہا کہ امریکن فوجیوں کی جانب سے کیے جانے والے آپریشن جیرونیمو کے انداز کے ساتھ ساتھ اس کے نتائج پر بھی عوامی حلقوں میں شکوک و شبہات بڑھتے جا رہے ہیں۔
جنگ

__________________
لا فتی الا علیّ لا سیف الاّ ذوالفقار