ہوانا(رائٹرز)کیوباکے سابق رہنمافیڈل کاسترو نے کہا ہے کہ امریکا نے اسامہ بن لادن کو ہلاک کردیا تاہم اس نے اسامہ کے پاکستانی ٹھکانے میں حملے کے دوران اپنی کمزوری اورعدم سلامتی کا مظاہرہ کیا۔یہ بات امریکا کے سابق حریف کیمونسٹ رہنما نے جمعرات کو اپنے ایک اخباری مضمون میں لکھی ہے۔برطانوی خبررساں ادارے کے مطابق 84سالہ کاسترونے لکھا ہے کہ امریکی صدربارک اوباماچھپنے کے لئے کوئی راستہ نہیں مل رہا کیونکہ اسامہ بن لادن کو ان کے بچوں اور بیویوں کی موجودگی میں قتل کیا گیا ۔کیوباکے سابق صدرنے مزیدکہا ہے کہ امریکی خصوصی دستوں کے ذریعے آپریشن سے پاکستانی قانون کی خلاف ورزی ہوئی ہے اوراس ملک کے مذہبی روایات اورقومی وقارکی بے حرمتی کی گئی ہے۔کاسترونے پش گوئی کی ہے کہ اسامہ بن لادن کی جلدبازی میں تدفین کی تیاریاں اوربعدازاں اسے سمندربردکرنے سے اوباما کے لئے واشنگٹن کے مسائل ختم نہیں کئے ۔اسامہ کو قتل کرکے سمندرکی گہرائیوں میں بھیج دیناامریکی کی کمزوری اور عدم سلامتی کو ظاہر کرتا ہے۔
جنگ

__________________
لا فتی الا علیّ لا سیف الاّ ذوالفقار