02 ستمبر 2010
لندن(نیٹ نیوز) آئن سٹائن کے بعد دنیا کے سب سے بڑے سائنسدان سٹیفن ہاکنگ نے کہا ہے خدا نے کائنات کو تخلیق نہیں کیا بلکہ فزکس کے قوانین کے مطابق کائنات وجود میں آئی ہے۔ ”اے شارٹ ہسٹری آف ٹائم“ کی ریکارڈ فرخت کے بعد اپنی دوسری کتاب” ڈی گرینڈ ڈیزائن “میں سٹیفن ہاکنگ نے کہا سائنس میں اب جن نظریات پر کام ہو رہا ہے اس کے مطابق خدا کا وجود بے معنی ہو گیا ہے۔ برطانوی سائنسدان نے کہا فزکس کے اصول کے مطابق گریوئٹی (کشش ثقل)موجود ہے اس لئے کائنات اپنے آپ کو خود ہی وجود میں لا سکتی ہے اور لاتی رہے گی۔ اڑسٹھ سالہ ہاکنگ نے 1988ءمیں اپنی کتاب اے شارٹ ہسٹری آف ٹائم سے عالمگیر شہرت حاصل کی جو دنیا میں سب سے زیادع فروخت ہونے والی کتابوں میں شامل ہے جس میں ”بلیک ہول“کا نظریہ بھی پیش کیا گیا ہے۔ سائنسدانوں نے کہا ہاکنگ نے مذہب کے بارے میں پہلے جن خیالات کا اظہار کیا تھا اب وہ ان سے منحرف ہو گیا اب اس نے کہا ہے کہ فزکس کے اصولوں کے مطابق یہ ضروری نہیں کہ کائنات کے وجود میں آنے میں خدا کا ہاتھ ہے۔ قبل ازیں ہاکنگ نے اپنی شہرہ آفاق کتاب میں لکھا تھا” اگر ہم مکمل تھیوری پا لیں تو یہ انسانی فہم اور فراست کی معراج ہو گی اور ہم خدا کا ادراک حاصل کر لیں گے“۔ہاکنگ نے اب اپنی نئی کتاب میں جو اس نے امریکی طبعیات دان لیونارڈ لوڈی نو کے ساتھ مل کر لکھی ہے ۔ برطانوی سائنسدان کا کہنا ہے 1992ءمیں جب یہ معلوم ہوا کہ ایک سیارہ دوسرے سیارے کے گرد گھوم رہا ہے تو جدید سائنس کے بانی نیوٹن کا یہ نظریہ غلط ثابت ہو گیا کہ کائنات انتشار میں پیدا نہیں ہو سکتی بلکہ اس میں خدا کا ہاتھ ہے ۔ یہ اتفاق ہے کہ سورج ایک ہے اور اس کا زمین سے اتنا فاصلہ ہے اور یہ ضروری نہیں کہ خدا نے انسانوں کو خوش کرنے کے لئے یہ زمین بنائی ہے ۔ سٹیفن ہاکنگ ایک بیماری کے باعث بول نہیں سکتا اس کی آواز ایک خصوصی کمپیوٹر سے نکلتی ہے ۔ بیماری کے باعث وہ مفلوج ہو چکا ہے اور خاص طور پر بنائی ہوئی وہیل چیئر کے ذریعے حرکت کرتا ہے ۔ نیورومسکلر ڈسٹرونی بیماری نے بیس برس کی عمر میں اس پر حملہ کیا تھا مگر وہ کوشش کر کے دنیا کا صف اول سائنسدان بن گیا۔ وہ کیمبرج یونیورسٹی میں پروفیسر میتھمیٹکس ہے ۔ پہلے یہ اعزاز نیوٹن کو حاصل تھا ۔ ”گرینڈ ڈیزائن “کی فروخت اگلے ہفتے شروع ہو گی۔

__________________
جاویداسد