الخلیل (ثناء نیوز) فلسطینی ذرائع کے مطابق ایک اسرائیلی فوج نے بدھ کی شب رات گئے مسلمانوں کے قبلہ اول مسجد اقصی کے صحن میں جنگلے کی جانب پٹرول بم پھینک دیا۔ دوسری جانب علی الصبح غاصب یہودیوں مسجد میں در اندازی کی اور مسجد کے صحن میں دندناتے رہے۔مرکز اطلاعات فلسطین کے مطابق مسجد اقصی کی مشرقی دیوار کے قریب اسرائیلی فوجی گاڑی کھڑی تھی کہ ایک فوجی آگے بڑھا اور ایک بم مسجد کے صحن میں پھینک دیا، بم جبل زیتون کی جانب پھینکا گیا تاہم خوش قسمتی سے اس کی وجہ سے کوئی جانی یا مالی نقصان نہ ہوا۔دوسری جانب جمعرات کی صبح انتہا پسند یہودیوں کے ایک جتھے نے مسجد کے صحن پر دھاوا بولا اور مسجد میں گشت کرتے رہے اس موقع پر اسرائیلی پولیس اور فوج کے اہلکار بھی موقع پر موجود رہے۔مسجد اقصی کے ایک گارڈ نے بتایا کہ اسرائیل نے گنبد صخرہ کے علاقے میں تعینات فوج کی تعداد میں اضافہ کرنا شروع کر دیا ہے۔

__________________
لا فتی الا علیّ لا سیف الاّ ذوالفقار