مقبوضہ بیت المقدس(اے این این)اسرائیلی سراغ رساں اداروں کے اہلکاروں نے مقبوضہ بیت المقدس کی الجوز کالونی میں واقع مسجد ابن قدامہ پر حملہ کرکے بڑے پیمانے پر توڑ پھوڑ کی اور دو نمازیوں کو گرفتار کرلیا ہے۔مرکز اطلاعات فلسطین کے مطابق صہیونی اہلکاروں نے اسرائیلی وزیر داخلہ کی جانب سے مسجد بند کرنے کے حکم پر عمل نہ کرنے کو کارروائی کا جواز بنایا۔ مقبوضہ بیت المقدس کی کالونی الجوز کے باسیوں نے بتایا کہ گرفتار کیے جانے والوں کے نام وائل الھنینی اور مازن الزین ہیں۔ ان میں سے ایک اذان دے رہا تھا کہ اسرائیلی فوجی اہلکاروں نے اسے اذان دینے سے روک کر ایک ساتھی سمیت گرفتار کرلیا، اس کے بعد فوج نے نمازیوں کو بھی مسجد داخل ہونے سے روک دیا اور کوئی نمازی ظہر کی نمازمسجد میں ادا نہ کرسکا۔ واضح رہے کہ اس مسجد کا افتتاح دو ہفتے قبل اوقاف کے عہدیدار کے موجودگی میں 2001 سے تعمیر ایک رہائشی مکان کی دوسری منزل میں کیا گیا تھا۔ اہل علاقہ کا کہنا ہے کہ کالونی کے چھوٹے بچوں اور بزرگوں کے لیے علاقے میں ایک مسجد کی اشد ضرورت ہے۔ مکان کے رہائشیوں اور اہل محلہ نے بتایا کہ انہوں نے کسی اسرائیلی حکم کی خلاف ورزی نہیں کی وہ اس مسجد کو نماز کی ادائیگی کے لیے استعمال کر رہے ہیں اور یہاں پر قران کی تلاوت، عبادت اور نماز کی ادائیگی کی جاتی ہے جو کوئی غیر قانونی کام نہیں۔
Daily Ausaf Leading News Resource of Pakistan

__________________

اندازِ بیاں گرچہ بہت شوخ نہیں ہے
شاید کہ اتر جائے ترے دل میں مری بات