گلاب خان

اسلام آباد(خصوصی نامہ نگار) وفاقی پولیس نے اسلام آباد کے انتہائی حساس علاقے سے 2دہشت گردوں کو گرفتار کرکے دوخودکش جیکٹس 2 ہینڈ گرنیڈ اور دوپستول برآمد کرائے ہیں۔ پولیس ذرائع کے مطابق مسلح دہشت گرد اہم سرکاری دفاتر‘ حساس مقامات اور مساجد کو نشانہ بنانا چاہتے تھے جبکہ یوم آزادی پر دھماکے کرکے افراتفری پھیلانا چاہتے تھے۔ ایس ایچ او تھانہ نیلور انسپکٹر تنویر عباس ٹھنڈا پانی کے ایریا میں مصروف چیکنگ تھا کہ دو افراد ایک گاڑی سے اترے اور پولیس پارٹی کو دیکھ کرکچی آبادی کی طرف چل پڑے۔ مشکوک جان کر اس کی جامہ تلاشی لی گئی تو دو گرنیڈ اور 2پستول برآمد ہوئے۔ پولیس نے خودکش جیکٹس کی تصدیق نہیں کی جبکہ حساس اداروں کی رپورٹ کے مطابق گرفتار افراد کی نشاندہی پردوخودکش جیکٹس بھی برآمد کی گئی ہیں۔ پولیس ذرائع کے مطابق گرفتار ملزموں کا تعلق گلگت و بلتستان کے ضلع استور سے بتایا جاتا ہے۔ عمریں 31 اور 28 سال ہیں۔

روزنامہ جنگ راولپنڈی

__________________

(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)

نیلم خان

اللہ ہی اس ملک پر اپنا رحم کرے آمین

اداس ساحل

دنیا سے ٹیکلنالوجی کی ترقی کی خبریں آتی ہیں۔ قومیں روز بروز مضبوط سے مضبوط ہوتی ہیں اور پاکستان میں خودکش حملہ، ٹارگٹ کلنگ، بم دھماکہ، چوری، ڈاکہ، سرعام قتل اور کرپشن کی خبریں آتی ہیں۔ لگتا ہے لوگ کچھ ذیادہ ہی مصروف ہیں۔ میرا خیال ہے کہ کرکٹ میچ کو پھر سے شروع ہو جانا چاہیے۔ کم از کم لوگ گھرمیں تو امن سے بیٹھیں گے یا شاید کرکٹ کے میچ کے عوض ہی جان بچ جائے

__________________

اوارا اجنبی

اللہ کا شکر ہے کہ یہ دہشت گرد پکڑے گئے ورنہ کتنے لوگ ان کے گھناؤنے کھیل کا شکار ہوجاتے۔

نیلم خان

شکر الحمد للہ ۔

کلمہ حق

خدا نخواستہ اگر یہ دہشت گرد پکڑے نہ جاتے تو خودکش حملوں سے کتنی تباہی پھیلتی، اللہ تعالی لوگوں کو حملوں سے محفوظ رکھے ۔ امید ہے ایک دن یہ دہشت گردی ختم ہو جائے گی۔