شیخوپورہ (نمائندہ جنگ) القاعدہ اور اس کے فاٹا کے اتحادیوں نے اسلام آباد میں سابق وزیراعظم بے نظیر بھٹو سمیت اہم شخصیات، ملکی و غیر ملکی اداروں اور سفارت خانوں خاص طور پر امریکہ اور برطانیہ کے سفارت خانوں پر خودکش حملوں کا منصوبہ بنایا ہے اس سلسلے میں 8 خودکش بمبار اسلام آباد پہنچ گئے ہیں۔ یہ بات وفاقی وزارت داخلہ کی طرف سے قانون نافذ کرنے والے اداروں کو الرٹ کرنے کیلئے جاری کئے جانے والے ایک مراسلہ میں کہی گئی ہے۔ ذرائع نے بتایا ہے کہ اس مراسلہ کی روشنی میں سیکرٹری داخلہ پنجاب نے صوبہ بھر میں پولیس سمیت قانون نافذ کرنے والے تمام اداروں کو الرٹ کر دیا ہے۔

__________________