اسلام آباد کے ساتھ ایٹمی معاہدہ نہیں ہوسکتا،امریکہ

امریکا نے کہا ہے کہ پاکستان کے ساتھ اُس کے بہت اہم تعلقات ہیں لیکن ہندوستان کی طرزپر اسلام آباد کے ساتھ ایٹمی معاہدہ نہیں ہوسکتا ۔ واشنگٹن میں محکمہ خارجہ کے ترجمان ٹام کیسی کا کہناہے کہ پاکستان اور ہندوستان کی صورت حال ایک دوسرے سے بالکل مختلف ہے۔ٹام کیسی نے کہا کہ ضروری نہیں کہ پاکستان کو بھی وہی مقام دیا جائےجو ہندوستان کو حاصل ہے۔ امریکی ترجمان نےمزید کہا کہ پاکستان کے ساتھ ایٹمی پھیلاؤ کے مسائل بھی ہیں ، اس لئےہندوستان کے ساتھ معاہدہ دونوں ملکوں کے درمیان واضح فرق کی نشاندہی کرتا ہے ، تاہم ترجمان نے دہشت گردی کے خلاف جنگ کا ذکر کرتے ہوئے کہا کہ پاکستان کے ساتھ امریکا کے بہت اہم تعلقات ہیں۔ (31 جولائي 2007)