ہیکرز نے اطالوی سائبر کرائم یونٹ سے چوری کی گئی دستاویز کی خفیہ معلومات جاری کرنی شروع کر دی ہیں۔

ہیکرز نے مبینہ طور پر اٹلی کے اس ادارے سے آٹھ گیگا بائٹس کی فائلیں چوری کر لی تھیں جو ملک میں انٹرنیٹ ٹکنالوجی کے اہم نظام کی نگرانی کرتا ہے۔

ان معلومات کو شائع کرتے ہوئے اپنے ایک پیغام میں ہیکر گروپ انونیمس نے لکھا ہے کہ انہیں یہ فائل’ ذرائع ‘ سے حاصل ہوئی ہے۔

خیال ہے کہ یہ حملہ اس گروپ کے کچھ اطالوی اراکان کی گرفتاری کے جواب میں کیا گیا ہے۔

ان دستاویز میں سرکاری دفاتر کی تفصیلات ہیں جیسے کہ آسٹریلیا کی وزارتِ دفاع ، امریکی زرعی محکمہ اور کچھ نجی کمپنیوں کے اعدادو شمار شامل ہیں۔

اٹلی کےسائبرکرائم برانچ کے افسران نے جولائی کے اوائل میں انونیمس ہیکر گروپ کے کچھ مشتبہ ممبران کے گھروں پر چھاپے مارے تھے اور تین افراد کو گرفتار بھی کیا تھا