موسیٰ قلعہ......افغانستان میں امریکی سفیر نے موسی ٰ قلعہ کے ضلعی گورنر سے ملاقات کی ہے۔ تفصیلات کے مطابق امریکی سفیر ولیم ووڈ نے صوبہ ہلمندمیں موسیٰ قلعہ کے ضلعی گورنر ملا عبدالسلام سے ملاقات کی اور ان پر زور دیا کہ وہ علاقے میں پوست کی کاشت روکنے کے لئے اپنا اثرو رسوخ استعمال کریں۔واضح رہے کہ ملا عبدالسلام طالبان کمانڈرتھے اور انہوں نے گذشتہ دنوں موسیٰ قلعہ کو طالبان کے قبضے سے چھڑانے میں نیٹو افواج کی مدد کی تھی۔