South Asian News Agency (SANA) ⋅ September 15, 2011 ⋅
اسلام آباد(ثناء نیوز )وزیر خارجہ حناء ربانی کھر نے کہا ہے کہ پاکستان افغانستان میں امن واستحکام کا خواہاں ہے ۔ خطے کی ترقی و استحکام پاکستان کی اولین ترجیح ہے۔افغانستان میں امن واستحکام کے لئے اٹھائے گئے اقدام میں زمینی حقائق کو مد نظر رکھا جائے۔ وزیر خارجہ حناء ربانی کھر سے پاکستان میں تعینات جرمنی کے سفیر ڈاکٹر مائیکل کوخ نے ملاقات کی اور انہیں جرمنی کے شہریوں میں5 دسمبر2011ء کو افغانستان پر ہونے والی ’’بون‘‘ کانفرنس میں شرکت کی دعوت دی ۔اس موقع پر وزیر خارجہ حناء ربانی کھر نے واضح کیا کہ پاکستان مستحکم اور پر امن افغانستان چاہتا ہے اور اس مقصد کے لیے اپنا کردار ادا کرتا رہے گا۔انہوں نے کہا کہ خطے میں استحکام اور ترقی پاکستان کی اولین ترجیح اور ہم خود مختاری،سرحد وں کے احترام اور خطے کے تمام ممالک کی سیکورٹی کے اصولوں پر یقین رکھتے ہیں۔وزیر خارجہ نے کہا کہ پاکستان افغان حکومت کی سربراہی میں افغانستان میں جاری مفاہمتی سربراہی میں افغانستان میں جاری مفاہمتی عمل کی حمایت کرتا ہے عالمی برادری کی طرف سے افغانستان میں استحکام ،امن اور سیکورٹی کے لیے اٹھائے جانے والے اقدام میں زمینی حقائق کو مد نظر رکھا جائے اور ان میں علاقائی ممالک کو شراکت دار بنایا جائے۔دریں اثناء حناء ربانی کھر سے متحدہ عرب امارات کے سبکدوش ہونے والے سفیر علی سیف سلطان الصوانی نے بھی ملاقات کی۔ یو اے ای کے سفیر نے پاکستان میں اپنے قیام کے دوران وزیر خارجہ اور حکومت کی طرف سے ان سے کیے گئے تعاون پر شکریہ ادا کیا اور کہا کہ متحدہ عرب امارات پاکستان کے ساتھ اپنے تعلقات کو خصوصی اہمیت دیتا ہے اور ان تعلقات کو مختلف شعبوں میں فروغ دینے کا خواہاں ہے۔وزیر خارجہ نے یو اے ای کے سفیر کی پاکستان اور متحدہ عرب امارات کے درمیان تعلقات کو فروغ دینے میں ادا کی گئی خدمات انہیں خراج تحسین پیش کی۔اس موقع پر دونوں ممالک کے درمیان حکومت اور عوام کی سطح پر قائم تعلقات پر اطمینان کا اظہار کیا گیا
SANA (South Asian News Agancy) | افغانستان میں امن واستحکام کے لئے اٹھائے گئے اقدام میں زمینی حقائق کو مد نظر رکھا جائے۔ ۔ ۔ حناء ربانی کھر
15-09-11, 10:52 AM
15-09-11, 10:52 AM
Linear Mode
Similar Threads
