کابل…افغانستان میں اس سال پوست کی دھماکا خیز پیداوار کی توقع ہے جس کے ذریعے حاصل ہونے والی آمدنی کو مسلح مزاحمت کاراسلحے کی خریداری کے لئے استعمال کرینگے۔ایک پریس کانفرنس میں ناٹو افواج کے امریکی کمانڈر ڈین مکنیل نے اس خدشے کا اظہار کرتے ہوئے کہا کہ انہیں یورپ کے ناٹو کمانڈرز نے اس سال منشیات کی پیداوار کے خلاف اپنی کارروائیاں بڑھانے کے لئیکہا ہے ،اور وہ پوست کی پیداار روکنے کے لئے سخت اقدامات کرینگے۔یاد رہے کہ 2006کے مقابلے میں 2007 میں افغانستان میں پوست کی پیداوار میں 34 فیصد اضافہ ہوا تھا۔