واشنگٹن... امریکی جنرل ڈیوڈپیٹراس نے خبردار کیا ہے کہ افغانستان میں ترقیاتی منصوبوں کی کمی اور پرتشدد واقعات میں تیزی سے اضافہ فوجی آپریشن کو طویل جنگ میں تبدیل کر سکتا ہے۔ امریکی اخبار”واشنگٹن پوسٹ“ نے جنرل ڈیوڈ پیٹراس کی جانب سے علاقائی حکمت عملی کی از سر نو تشکیل کے حوالے سے تیار کردہ رپورٹ میں کہی ہے۔ جنرل ڈیوڈ پیٹراس 31 اکتوبر کو امریکی سینٹرل کمانڈ کے سربراہ کا عہدہ سنبھالیں گے۔ جنرل ڈیوڈ پیٹراس کی ریوو رپورٹ باضابطہ طور پر اگلے ماہ سے شروع ہوگی لیکن جو ماہرین اور فوجی حکام اس کی تیاری میں مدد دے رہے ہیں ان کا کہتا ہے کہ جنرل ڈیوڈ پیٹراس کم از کم دو بڑے ایشوز پر خصوصی توجہ مرکوز کئے ہوئے ہیں۔