بالی …انڈونیشیا کے جزیرے بالی میں اقوام متحدہ کے تحت گلوبل وارمنگ کانفرنس شروع ہو گئی ہے ۔کانفرنس میں دنیا بھر کے ایک سو نوے ممالک کے تقریباً دس ہزار وفود ،مختلف تنظیموں کے نمائندے اور صحافی شرکت کر رہے ہیں ۔کانفرنس دو ہفتے تک جاری رہے گی جس میں سال دو ہزار نو تک معاشی اور حولیاتی تباہ کاریوں سے بچاؤ اور ماحولیاتی حدت سے پید اہونے والے مسائل سے نمٹنے کے لیے نئے عالمی معاہدے پر بات چیت کی جائے گی اور تمام صنعتی ممالک پر زور دیا جائے گا کہ وہ سال دو ہزار بارہ کے اختتام تک گرین ہاؤس گیسوں کے اخراج میں کمی کریں ۔کانفرنس کا افتتاح انڈونیشیا کے وزیر ماحولیات اور اقوام متحدہ کے فریم ورک کنونشن آن کلائمیٹ چینچ کے صدر Rachmat Witoelar نے کیا۔ اس موقع پر انہوں نے کہا کہ مختلف ممالک کی طرف سے ماحولیاتی بچاؤ کے لیے جانے والی کوششوں میں تعاون کی بھرپور یقین دہانی کرائی گئی ہے ۔

__________________