جمعرات, 26 مئی 2011 11:37
کراچی، ایم کیو ایم حقیقی کے سابق چیئرمین عامر خان نے کہا ہے کہ وہ قوم اور متحدہ قومی موومنٹ کے دشمنوں کی باتوں میں آگئے تھے اور انیس سو بانوے سے لیکر اب تک کراچی میں جو کچھ ہوا وہ اس کی ذمہ داری قبول کرتے ہیں۔ تفصیلات کے مطابق لال قلعہ گراونڈ میں ایم کیو ایم کے ایک اجلاس میں خطاب کے دوران عامر خان کا کہنا تھا کہ وہ تسلیم کرتے ہیں کہ 1992 کے بعد پیدا ہونے والی صورتحال ان کے غلط فیصلوں کا نتیجہ تھی اور کارکنان کے قتل عام کی ذمہ داری قبول کرتے ہیں، جہاں انہوں نے متحدہ کے قائد الطاف حسین اور مقتولین کے لواحقین سے معافی مانگی۔

ان کا کہنا تھا کہ وہ اب اپنی باقی عمر ایم کیو ایم کے عام رکن کی حیثیت سے گزارنا چاہتے ہیں اس موقع پرالطاف حسین نے بھی ٹیلی فونک خطاب کیا اور لواحقین سے ان کی رائے طلب کی جس کے بعدالطاف حسین، نے عامر خان کو معاف کردیا۔ الطاف حسین نے عامر خان کی ایم کیو ایم میں بحیثیت کارکن کام کرنے کی توثیق کردی ہے۔

__________________
اس دور میں تعلیم ہے امراضِ ملت کی دوا
ہے خونِ فاسد کے لیے تعلیم مثل نیشتر