اسلام آباد ... الیکشن کمیشن آف پاکستان نے تمام اہل رائے دہندگان کی فہرست ویب سائٹ پر جاری کردی ہے ۔الیکشن کمیشن نے ووٹر زکی سہولت کے لیے اپنی ویب سائٹwww.ecp.gov.pk پرنئی کمپیوٹرائزڈ ووٹر لسٹ جاری کردی ہے۔ اس ویب سائٹ پر ووٹر اپنا اور والد یا شوہر کانام ،شناختی کارڈ نمبر،صوبہ کا نام ،ضلع ،تعلقہ یا تحصیل لکھ کر کلک کریں تو ووٹرز کی تمام مطلوبہ معلومات اسکرین پر آجائیں گی ۔پنجاب میں رہنے والا کوئی شخص اپنے ووٹ کی تصدیق کرنا چاہے تو اس میں صوبہ پنجاب،ضلع بہاول پور ،تحصیل حاصل پور کے ساتھ اپنا اور والد کا نام لکھنے کے ساتھ ساتھ کمپیوٹرائزڈ یا پرانے شناختی کارڈ کا نمبر درج کرے ۔ علاقہ یا صوبہ غلط درج کرنے کی صورت میں ووٹر کو مطلوبہ معلومات حاصل نہیں ہو سکیں گی۔