الیکشن 2008ء32 دن بعد



انتخابات میں دھاندلی کے خدشات بے بنیاد ہیں،الیکشن کمیشن اسلام آباد ( جنگ نیوز) الیکشن کمیشن آف پاکستان نے بعض سیاسی جماعتوں کی جانب سے عام انتخابات میں ممکنہ دھاندلی کے خدشات کو مسترد کرتے ہوئے واضح کیا ہے کہ 8 جنوری کو ملک میں ہونے والے عام انتخابات ہر لحاظ سے شفاف، منصفانہ اور غیر جانبدارانہ ہونگے، سیکرٹریالیکشن کمیشن کنور دلشاد نے غیر ملکی خبررساں ادارے سے گفتگو کرتے ہوئے کہا کہ سیاسی جماعتوں کی جانب سے انتخابات میں دھاندلی کے خدشات بے بنیاد ہیں الیکشن کمیشن ایک آئینی ادارہ ہے اور اپنا کام بخوبی انجام دے گا۔ انہوں نے کہا کہ الیکشن کمیشن آف پاکستان الیکشن کے شفاف انعقاد کیلئے خود مختار ہے اور اس پر کسی قسم کا کوئی دباؤ نہیں ہے۔ انہوں نے واضح کیا کہ 8 جنوری کو ہونے والے عام انتخابات مکمل طور پر شفاف اور غیرجانبدارانہ ہونگے کنوردلشاد نے کہا کہ 95 فیصد سے زیادہ پولنگ اسٹیشن سرکاری اسکولوں میں بنائے جائیں گے جہاں پر پولنگ اسٹیشن دیگر جگہوں پر بنائے جا رہے ہیں اس حوالے سے تمام سیاسی جماعتوں کے امیدواروں کو اعتماد میں لیا جائے گا۔