واشنگٹن: امریکا میں صدارتی انتخاب میں اٹھارہ دن رہ گئے ہیں جبکہ نامزد صدارتی امیدوار ووٹ حاصل کرنے کے لئے عوام سے مختلف وعدے کررہے ہیں۔

ڈیموکریٹ صدارتی امیدوار براک اوباما نے ریاست ورجینیا میں ووٹرز سے خطاب میں کہاکہ عوام ری پبلکن صدارتی امیدوار جان مکین کی ضرورت سے زیادہ خود اعتمادی سے متاثر نہ ہوں کیوں کہ مکین صحت کے شعبے میں عوام کو دی گئی سہولیات اور مراعات ختم کرنا چاہتے ہیں۔

ری پبلکن صدارتی امیدوار جان مکین نے ریاست فلوریڈا میں اپنے حامیوں سے خطاب میں کہاکہ ووٹرز اوباما کے ٹیکس کٹوتی نعرے میں نہ آئیں کیوں کہ موجودہ بحران میں ٹیکس میں کمی ممکن نہیں۔