واشنگٹن ( نیر زیدی/ نمائندہ جنگ) بش انتظامیہ کے سینئر عہدیدار اگرچہ الیکشن کے انعقاد پر زور دے رہے ہیں لیکن انہیں یہ یقین نہیں ہے کہ جنرل پرویز مشرف الیکشن تک Survive کر سکیں گے ، اپنا نام نہ ظاہر کرنیکی شرط پر ایک امریکی عہدیدار نے واشنگٹن پوسٹ سے کہا کہ ” آپ تین ماہ کی بات کر رہے ہیں ؟ ہمیں تو یہ بھی معلوم نہیں کہ اگلے ہفتے کی صورت حال کیا ہوگی“ بش انتظامیہ اسی ہفتے ایک سینئر عہدیدار کو اسلام آباد بھیج رہی ہے جو جنرل مشرف کو یہ ترغیب دینے کی کوشش کریں گے کہ وہ میڈیا کی آزادی کو بحال کریں اور سول سوسائٹی اور سیاستدانوں پر عائد پابندیاں اٹھائیں،واشنگٹن پوسٹ کے مطابق گزشتہ ہفتے امریکی سوچ میں ایک بڑی تبدیلی آئی ہے اور انتظامیہ نے صرف جنرل مشرف کی حمایت پر زور دینے کے بجائے اب پاکستان اور پاکستانی عوام کی بات شروع کر دی ہے ۔ اسلام آباد میں امریکی سفارت خانے نے کمیونٹی میں لیڈروں اور سیاستدانوں سے رابطے شروع کر دیے ہیں تا کہ کسی تبدیلی کی صورت میں دوسرے آپشن دیکھے جا سکیں، ایک عہدیدار نے نام نہ ظاہر کرنے کی شرط پر پو سٹ کو بتایا کہ ” ہم یہ تاثر نہیں دینا چاہتے کہ ہم متبادل کی تلاش میں ہیں لیکن ہم اس بات کا یقین کرنا چاہتے ہیں کہ ہم وسیع اقسام کے افراد سے بات چیت کریں گے ، نیویارک ٹائمز، واشنگٹن پوسٹ نے 11نومبر کی پریس کانفرنس میں جنرل مشرف کے پسینے پسینے ہونے اور تناؤ میں ہونے کے پہلوؤں کا تفصیلی ذکر کیا ۔

__________________