|
امریکا کو یقین دہانی کرانا ہوگی کہ وہ شفاف طریقے سے پاکستان کی سالمیت کی حمایت کرتا ہے، ذرائع
17-09-11, 06:18 AM
اسلام آباد (صالح ظافر) وزیراعظم نے صحافیوں سے مختصر گفتگو کے دوران امریکا کو ڈومور کا واضح اور بلند آہنگ پیغام تو دے ہی دیا ہے لیکن اس کے باوجود کم از کم دو سطحوں پر پاک امریکا رابطے ہونے والے ہیں ان میں سے ایک امریکا میں دفترخارجہ کی سطح پر ہوگا جہاں وزیرخارجہ حنا ربانی کھر اپنی امریکی ہم منصب ہیلری کلنٹن سے ملاقات کریں گی جبکہ دوسرا رابطہ امریکی سینٹرل کمانڈ کے جنرل جیمز این میٹس کے دورہ راولپنڈی کے موقع پر ہوگا جہاں وہ جنرل اشفاق پرویز کیانی اور دیگر فوجی رہنماﺅں سے ملاقات کرینگے، دونوں رابطے رواں ماہ کے تیسرے ہفتے میں ہوں گے۔ پاکستان امریکا سے واضح طور پر کہہ رہا ہے کہ وہ مستقبل میں تعاون کے لئے اصول شراکت داری پر بیان دے۔ امریکا کو پیغام دیا گیا ہے کہ ”امریکا کو پاکستان کو یقین دہانی کرانا ہوگی کہ وہ پاکستان کی علاقائی سالمیت، خودمختاری اور ملکی وحدت کی شفاف طریقے سے حمایت کریگا“۔ یہ پیغام آئندہ رابطوں کے دوران امریکا کو دیا جائےگا۔ دریں اثناء پاکستان نے شمالی وزیرستان سے دہشتگردوں کے صفائی کے لئے حکمت عملی بنالی ہے اور اس پر امریکا کو بھی اعتماد میں لیا جائےگا۔ معتبر سفارتی ذرائع نے انکشاف کیا ہے کہ پاکستان ایسے شواہد پیش کرنے والا ہے جس سے ثابت ہوگا کہ افغانستان میں قائم محفوظ پناہ گاہوں سے دہشتگرد پاکستان پر بڑے دہشتگرد حملے کررہے ہیں اور دیر میں ایک روز قبل نماز جنازہ کے دوران کیا گیا حملہ جس میں 40 سے زائد معصوم افراد کی جانیں ضائع ہوئیں وہ بھی اسی کا شاخسانہ ہے۔ ذرائع کے مطابق پاکستان امریکا کے ساتھ اپنے رابطوں میں امریکا سے کہے گا کہ وہ پاکستان سے کئے گئے اپنے وعدے پورے کرے۔ امریکا کو سماجی اور اقتصادی شعبوں میں پاکستان کی ضروریات کا خیال رکھنا ہوگا کیونکہ کسی بھی معاملے پر آگے بڑھنے سے قبل یہ ضروری ہے۔ دریں اثناء وزیراعظم نے سیکرٹری خارجہ کو بھی جنرل اسمبلی کے اجلاس کے سلسلے میں فوری طور پر نیویارک پہنچنے کی ہدایت کی ہے جہاں وہ وزیرخارجہ حناربانی کھر کی معاونت کرینگے جو کہ وزیراعظم کی جگہ جنرل اسمبلی کے اجلاس میں پاکستانی وفد کی قیادت کرینگی۔
روزنامہ جنگ راولپنڈی
__________________
(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)
|
گلاب خان
Senior Member
تاریخ شمولیت: Oct 2008
مقام: راولپنڈی
مراسلات: 4,482
شکریہ: 1,535
2,971 مراسلہ میں 8,223 بارشکریہ ادا کیا گیا
|
|
17-09-11, 06:18 AM
Linear Mode
Similar Threads
