امریکا میں صدارتی امیدوار کی نامزدگی کے لیے ہونے والی رائے شماری میں ڈیموکریٹک پارٹی کی ہیلری کلنٹن اور ری پبلکن امیدوار جان میکن نے کامیابی حاصل کر لی ہے ۔امریکی میڈیا رپورٹس کے مطابق ریاست نیو ہیمپشائر میں ہونے والی پارٹی رائے شماری میں ڈیمو کریٹک امیدوار ہیلری کلنٹن نے 39فیصد ووٹ حاصل کیے اور ان کیحریف امیدوار بارک اوباما کو 36فیصد ووٹ ملے جبکہ جان ایڈورڈ نے17 فیصد ووٹ حاصل کئے۔رائے شماری کے بعد خطاب کرتے ہوئے ہیلری کلنٹن نے کہا کہ امریکا کو اس وقت کئی بڑے چیلنجز کا سامنا ہے ۔ان کا کہنا تھا کہ اگر وہ صدر بن گئیں تو عراق جنگ کو صحیح سمت میں ختم کریں گی ۔ان کا کہنا تھا کہ وقت آ گیا ہے کہ ایسا صدر چنیں جو عوام کے لیے کھڑا ہو سکے ۔سیاست کھیلنہیں ہے بلکہ یہ عوام کی مہم ہے ۔ سینیٹر بارک اوباما نے اپنی شکست تسلیم کرتے ہوئے ہیلری کلنٹن کو مبارکباد دی ۔ان کا کہنا تھا کہ اگر وہ صدر بن گئے عرا ق جنگ ختم کر دیں گے اور وہاں سے فوج کو واپس بلا لیا جائے گا ۔۔انہوں نے کہا کہ نائن الیون کے واقعے کو ووٹوں کے حصول کے لیے استعمال نہیں کیا جائے گا ۔رائے شماری میں ری پبلکن امیدوارJohn McCain کو 37اور ان کے مقابلے میں سابق گورنرMassachussetts میٹ رومی کو 29فیصد ووٹ ملے ۔