لندن(جنگ نیوز) ایک برطانوی اخبار نے دعویٰ کیا ہے کہ امریکہ کے ایٹمی میزائل کے سیکڑوں حساس پرزے غائب ہوگئے ہیں جس نے پینٹاگون کی پریشانی اور الجھن میں مزید اضافہ کردیاہے،امریکہ کے ایٹمی ذخیرے سے غائب ہونے والے ان سیکڑوں پرزوں کے بارے میں امریکی فضائیہ کے پاس کوئی تفصیلات نہیں ہیں جبکہ وزارت دفاع سے تعلق رکھنے والے ایک ذریعے نے اخبار کو بتایا ہے کہ لاپتہ پرزوں کی تعداد ایک ہزارسے زائد ہو سکتی ہے۔ یہ بات معروف برطانوی جریدے فنانشل ٹائمز نے اپنی ویب سائٹ میں بتائی ہے۔اخبار نے امریکی وزارت دفاع کے حکام کے حوالے سے بتا یا ہے کہ غائب ہونے والے ایٹمی میزائل کے سیکڑوں پرزوں کا کچھ پتہ نہیں چلا ہے،ذرائع نے اس تاثر کو رد کیا کہ لاپتہ پرزے ان ممالک کو پہنچ گئے ہوں جن کو وہ نہیں ملنے چاہیے تھے۔