افغانستان کے جنوبی صوبے قندھار کے گورنر اپنے ہیڈکوارٹرز پر ہونے والے ایک خود کش حملے میں ہلاک ہو گئے ہیں۔

سرکاری اہلکاروں کے مطابق خود کش حملے میں قندھار پولیس کے سربراہ خان محمد مجاہد ہلاک اور دو اور پولیس افسران زخمی ہوئے۔

افغانِ وزارتِ داخلہ کے مطابق خودکش حملہ آور پولیس کی وردی میں ملبوس ہونے کی وجہ سے پولیس ہیڈکوارٹر کے گرد موجود سکیورٹی حصار کو توڑنے میں کامیاب رہا۔

مسٹر خان محمد مجاہد پر اس سے پہلے بھی کئی قاتلانہ حملے ہو چکے ہیں لیکن ابھی تک وہ ان حملوں میں بال بال بچتے رہے ہیں۔ پولیس ہیڈکوارٹر کو اس سے پہلے بھی نشانہ بنایا جاتا رہا ہے۔

قندھار کے ڈپٹی پولیس چیف شیر شاہ نے فرانسیسی خبر رساں ادارے اے ایف پی کو بتایا کہ خود کش حملہ آور نے بارود اپنے جسم کے گرد لپیٹ رکھا تھا۔

ان کا کہنا تھا کہ حملہ آور نے قندھار پولیس ہیڈکوارٹر کے مرکزی دروازے پر آ کر خود کو دھماکے سے اڑا لیا جس سے پولیس چیف خان محمد مجاہد ’شہید‘ جبکہ دو مزید پولیس افسران زخمی ہو گئے۔

طالبان کے ترجمان یوسف احمدی نے کہا ہے کہ ان کی تنظیم کے ایک رکن نے یہ حملہ کیا ہے۔ تاہم انہوں نے اے ایف پی کو ایک مختلف کہانی سنائی۔

’اس نے ایک پولیس اہلکار کا روپ دھار رکھا تھا اور وہ پولیس کے سربراہ کو اپنے پستول کی گولی کا نشانہ بنانے کے بعد ان سے بغلگیر ہو رہا تھا جب اس نے خود کو دھماکے سے اڑا دیا۔‘

کابل میں بی بی سی کے ایک نامہ نگار بلال سروری کے مطابق قندھار میں پولیس ہیڈکوارٹر کو پہلے بھی کئی بار حملوں کا نشانہ بنایا گیا ہے جس کی وجہ سے ہیڈکوارٹر کی سکیورٹی سخت کر دی گئی تھی۔

نامہ نگار کے مطابق خان محمد مجاہد پر بھی اس سے پہلے دو حملے ہو چکے تھے۔ ان پر پہلا حملہ اس وقت ہوا جب وہ گھر جار رہے تھے جبکہ دوسرا حملہ ان کو لے جانے والی گاڑیوں کے قافلے پر ہوا۔

خان محمد بلوچ ایک سابق مجاہدین کمانڈر تھے جو اسی کی دہائی میں روسیوں کے خلاف بر سرِ پیکار رہے اور بعد میں طالبان کے خلاف لڑتے رہے۔ وہ ایک بااثر فوجی کمانڈر تھے جنہوں نے احمد شاہ مسعود کے شمالی اتحاد کے پرچم تلے جنگ میں حصہ لیا۔

بی بی سی

__________________
قال الشيخ محمد نجيب المطيعي - رحمه الله- في تصوير طبيعة طريق المجاهد :
"وإنما يجاهد المؤمن في الله جهاده، إن أخفق فإفادة أو أوذي فإرادة، أو نفي فريادة،
أو سجن فعبادة، أو عاش فقيادة، أو مات فشهادة، فله الحسنى وزيادة"